Bičepangre 3:6 - O Debleskro Lab 2024 (Sinte-Manouche)

⁶ O Petro penas: “Rup oun sonakay hi man gar. Hoy man hi, dau me tout. An o lab o Yezous Kristestar dran Nazaret penau me touke: Ste pre oun dja trouyel!”

O Debleskro Drom 2021 (Sinte)

⁶ O Petro penas: “Rup un sonakai hi man gar. Hoi man hi, dau me tut. An o lab o Jesus Kristestar dran Nazaret penau me tuke: Ste pre un dja trujel!”

Bičepangre 3:6 Iomraidhean Croise

Mateo 10:9

Ma lenn love t'mentsa ap o drom, vitar kek sonakay, kek roup, oun vitar kek tikne love!

Mateo 7:22

Vell ko dives, kay o Devel o čačepen pral i tsele menshende vi-rakrella. Ap ko dives penenna boud ap mande: Ray, ray, an tiri zoor penam mer i menshenge, hoy o Devel menge penas. An tiri zoor tradam i bengen vin, oun kram boud baro zorelo koova.

Markus 14:8

Koya kras, hoy nay kras li, oun makas man kanna dren ko diveske, kay vau paskedo.

Markus 16:17

Kolla, kay patsenn ap mande, krenn baro koova an o Debleskri zoor. An miro lab tradenn le bengen i menshendar vin, oun rakrenn an vavar rakepen.

Johanni 19:19

O Pilato činas ap i kotar kasht: O Yezous dran Nazaret, o baro ray pral i biboldende. Ko kotar kasht vas pral ap o troushel dino.

Bičepangre 10:38

T'mer djinenn, har das o Devel o Yezouseste dran Nazaret peskro Dourho oun peskri zoor. Oun yob djas trouyel oun kras lačo koova, oun kras lauteren sasto, kay o beng pandas. O Devel his pash leste.

Bičepangre 16:18

Kova das li gole hako dives. O Paulo vas rhoyedo, oun rissras pes trouyel, oun penas ap ko bengeste, kay hi an late: “Me penau touke an o Yezous Kristeskro lab: Dja dran late vin!” Koy djas o beng dran kay rakli vin.

Bičepangre 2:22

Morshale dran Israel, shounenn kal laba, hoy penau t'menge! O Devel bičras ko morshes, o Yezouses dran Nazaret, pash t'mende. Kova kras baro oun zorelo koova mank t'mende, hoy kek vavar nay krella. Yaake sikras o Devel, kay o Yezous lestar vas. T'mer djinenn kova, oun dikan kova lauter.

Bičepangre 2:36

I tsele menshe an Israel hounte djinenna, o Devel kras, te hi kava Yezous, koles t'mer ap o troushel dan, o ray pral halauter. Yob hi ko baro ray, kolestar o Devel penas, te vell yob.”

Bičepangre 3:16

Mer patsah ap leste. Doleske vas kava morsh sasto. T'mer prindjrenn les lauter oun djinenn, kay yob nashas nay gar. Yob patsas ap o Yezous Kristeste, oun kova kras les sasto.

Bičepangre 3:5

Oun yob dikas ap lende. Yob patsas, te denn le les čomone.

Bičepangre 3:7

Oun o Petro tapras les pash o čačo vast, oun har yob les pre tserdas, van leskre pire zorelo oun sasto.

Bičepangre 4:10

Yaake hounte djinenn t'mer oun i tsele menshe an o them Israel: O Yezous Kristo dran Nazaret, koles t'mer ap o troushel dan, kras kava morshes sasto. Kava Yezouses moukas o Devel i moulendar pre te stell.

Bičepangre 4:7

Oun yon moukan o Yezouseskre bičepangren glan pende te anell, oun yon poučan lendar: “An koneskri zoor oun an koneskro lab kran t'mer kova?”

Bičepangre 9:34

O Petro penas ap leste: “Aneas, o Yezous Kristo krell tout sasto. Ste pre oun kre kokres tiro čiben!” Koy stas yob sik pre.

1. Korintarja 4:11

An kava tselo tsiro hi men bok oun troush. Oun an-ripaske hi men vitar či. Mer rhah dava. Oun men hi kek isema, kay nay ačah.

2. Korintarja 6:10

Menge hi ropaske, oun mer nay sanah. Mer ham čorvelo, oun krah i vavaren bravelo. Men hi či ap kay phoub, oun lauter hi menge.

2. Korintarja 8:12

Te dell yek o djiyestar yaake boud har nay dell lo, dikell o Devel lačes ap leste. Yob kamell gar, te dell lo boudeder, har les hi.

2. Korintarja 8:9

T'mer djinenn, har lačo maro ray, o Yezous Kristo, ap t'mende his. Yob his bravelo, oun vas t'menge čorvelo. Kova vas lo, te venn t'mer bravelo.

Jakobo 2:5

Shounenn, mire kamle phrala! O Devel rodas kolen vin, kay hi čorvelo ap kay phoub, te venn le bravelo an o patsepen. Ko tsiro vella, kay djivenn le leha khetne an o bolepen oun lenn leskro bravlepen. Kova lenna kolla, kay kamenn les o djiyestar. Yaake penas les o Devel.

1. Petro 4:10

Hakeno t'mendar las i boudi o Deblestar, te nay krell lo i vavarengro patsepen zoreles. Krenn koy boudi! Avenn yek o vavareske koy! Yaake han t'mer lače boudepangre o Debleske.