Bičepangre 3:17 - O Debleskro Lab 2024 (Sinte-Manouche)

¹⁷ Me djinau, mire phrala, kay t'mer djinan gar, hoy t'mer koy kran o Yezouseha. Oun t'mare pralstoune djinan kova vitar gar.

O Debleskro Drom 2021 (Sinte)

¹⁷ Me djinau, mire phrala, kai tumer djinan gar, hoi tumer koi kran o Jesuseha. Un tumare pralstune djinan kowa witar gar.

Bičepangre 3:17 Iomraidhean Croise

1. Mose 21:26

Koy penas o Abimelek: “Me djinau gar, koon kova kras. Mange vas či penlo, gar toutar, vitar gar i vavarendar. Kava dives shounau kova o ersto kopo.”

1. Mose 39:8

Yob kamas kova gar oun penas ap late: “Dik, miro ray dikell ap či an peskro kheer, yaake rah har me koy hom. Lauter krau me. Oun hoy les hi, das yob an miro vast.

1. Mose 44:15

Oun o Yosef penas ap lende: “Havo čilačo koova kran t'mer? Djinenn gar, kay i rom har man, dourkrell nay?”

2. Mose 32:1

Har dikan i menshe, kay o Mose i rah tsiro krik ačas, oun gar bouder koy berga tele vas, van le khetne pash o Aron oun penan ap leste: “Dja, kre menge i devel, kay djal glan mende! Mer djinah gar, hoy ko Moseha djas, kay anas men dran o them Egiptia vin.”

4. Mose 22:6

Oun yon hi zorleder har mer. Am kanna ap miri rig! Rake i bibarht vin pral kal menshende! Nay vell yaake, kay marau len, oun tradau len dran kava them vin. Me djinau: Pral koneste tou rakreh i barht vin, ap koleste hi i barht čiddo. Oun pral koneste tou rakreh i bibarht vin, ap koleste hi i bibarht čiddo.”

Louka 23:13

O Pilato das i bare rashayen, i pralstoune bibolden, oun i tsele menshen khetne gole,

Louka 23:34

Koy penas o Yezous: “Miro dad, le i doosh kolendar krik, kay man ap o troushel dan! Yon djinenn gar, hoy yon kran.” Oun i lourde khelan pral leskre koola, te dikenn le, hoy hakeno lella.

Johanni 15:21

T'mer han miro. Doleske hi yon čilačo ap t'mende. Yon prindjrenn koles gar, kay bičras man.

Johanni 16:3

Yon prindjrenn o dades gar oun man vitar gar. Doleske krenn yon kova.

Johanni 7:52

“Hal tou ninna dran o them Galilea?” poučan le lestar. “Tou te dravereh mishto an o Debleskre lila, palle dikeh, kay kek Debleskro rakepaskro vella dran o them Galilea.”

Bičepangre 13:27

Kolla, kay djivenn an o foro Yerusalem, oun lengre pralstoune hayvan gar, koon o Yezous hi. Yon hayvan vitar gar kol laba, hoy o Debleskre rakepangre pral leste penan, ninna te venn kal laba hako Debleskro dives an i biboldengre kangria dravedo. Har yon o Yezouses ap o troushel dan, kran yon kova, hoy o Debleskre rakepangre glan i rah tsiro penan.

Bičepangre 22:5

Ko baro rashay oun kol tsele biboldengre phoureder nay penenn, kay kova čačo hi, hoy penau kate. Har kamom an o foro Damaskus te djal, dan man i rashaya lila peha i biboldenge an o foro, te nay pandap ninna kote kolen, kay djan ap ko nevo drom, te anap len an o foro Yerusalem, te lenn le kote pengri phagi.

Bičepangre 26:9

His i tsiro, kay kamom me ninna miri tseli zoryah kava nevo patsepen ap o Yezouseste dran Nazaret paash te krell.

Bičepangre 28:21

Penan i bibolde ap leste: “Kek dran o them Youdea činas menge i liil pral toute. Kek lendar vas pash mende, kay penas djoungelo koova pral toute.

Bičepangre 7:40

Ap o Aron penan le: Kre menge i devel, kay dell garda ap mende oun sikrell mende o drom! Mer djinah gar, hoy djas o Moseske, kay anas men dran o them Egiptia vin.

Remarja 11:2

Glan rah tsiro rodas o Devel i Israelitaryen vin, te venn le leskre menshe. Doleske čivell lo len gar infam. Djinenn t'mer gar, hoy an o Debleskro lab pral o Eliya činlo vas? Yob vas glan o Debleste, oun rakras leha pral o čilačepen, hoy i Israelitarya kran.

1. Korintarja 2:8

Kova prindjran i raya ap kay phoub gar. Te nay dikans le an o Debleskro dji, dans le o Yezouses, ko rayes pral i tsele rayende, gar ap o troushel.

2. Korintarja 3:14

Kolengre djia van har bar. Ninna kava dives hayvenn i bibolde gar, hoy an o Moseskre lila činlo hi pral o phouro drom, te shounenn le kol laba an i biboldengre kangria. Kova hi yaake, har te vell i diklo ap lengre yaka čiddo, te dikenn le gar. O Yezous Kristo kokres nay lell ko diklo lengre yakendar tele.

Efesarja 4:18

O Deblestar kamenn le či te djinell. Lengro dji hi har i bar. Yaake djan le ap i čilačo drom, oun prindjrenn ko djipen gar, hoy o Devel della.

Filiparja 1:22

Me te ačau djido, nay sikrau boudeder menshende o Yezouseskro drom. Doleske djinau gar, hoy boudeder moldo hi.

1. Timoteo 1:13

His i tsiro, kay rakrom djoungeles pral leste, oun lom i patslen palla, te marap len. An ko tsiro prindjrom les gar, oun djinom gar, hoy me krom. Yob kras mange peskro dji pre, oun las man dran o čilačepen vin.