Bičepangre 28:8 - O Debleskro Lab 2024 (Sinte-Manouche)

⁸ Leskro dades his i djoungelo nasslepen an o per. Leskro tselo shero his tato, oun yob his an o čiben čiddo. O Paulo djas pash leste, mangas o Debles leske, čivas peskre vasta ap leste, oun kras les sasto.

O Debleskro Drom 2021 (Sinte)

⁸ Leskro dades his i djungelo nasslepen an o per. Leskro tselo shero his tato, un job his an o tchiben tchiddo. O Paulo djas pash leste, mangas o Debles leske, tchiwas peskre wasta ap leste, un kras les sasto.

Bičepangre 28:8 Iomraidhean Croise

Mateo 10:1

Oun o Yezous das peskre deesh-te-douy malen pash peste gole, oun das len i zoor pral i benga, te nay tradenn le len dran i menshende vin, oun te nay krenn le lauteren sasto, kay nasselo hi.

Mateo 10:8

Krenn i nasselen sasto, oun krenn i moulen djido! Oun kolla, kay i djoungelo nasslepen ap o mass hi, kolen krenn ninna sasto! Tradenn i bengen dran i menshende vin! Kay zoor dom t'men čičeske. Doleske krenn kova ninna čičeske, oun lenn kek love lendar!

Mateo 12:13

Oun ap ko morsheste penas lo: “Hade tiro vast pre!” Oun yob hadas peskro vast pre. Oun leskro vast vas sasto, har ko vavar vast.

Mateo 9:18

Oun har yob kova rakras, vas i pralstouno pral i biboldengri kangri pash leste, vitsras pes glan leste tele ap i phoub, oun penas: “Miri čay meras glan i tikno tsiro. Am mantsa oun čip tiro vast ap late! Oun yoy vella djido.”

Markus 16:18

Yon te lenn sapa an pengre vasta, oun te piyenn le i pipen, kay nay merenn le, palle venn le gar nasselo. Ap i nasslende čivenn le i vasta pre. Oun kolla venn sasto.”

Markus 5:23

oun mangas les o tselo djiyeha oun penas: “Miri čay hi ap o merepen čiddo. Am oun čip tire vasta ap late, te vell li sasto, oun te djivell li!”

Markus 6:5

Oun kote nashte kras yob kek baro koova an o Debleskri zoor, kokres i nasslenge čivas yob i vasta pre oun kras len sasto, oun kolla his gar boud nassele.

Markus 7:32

Oun yon anan yekes pash leste, kova nay shounas gar oun rakras gar. Oun yon mangan o Yezousestar, te čivell lo peskro vast ap leste.

Louka 13:13

Oun yob čivas peskre vasta ap late. Koy hadas pes li pre, oun sharas o Debles.

Louka 4:40

Oun o kham djas tele. Oun boud menshe anan i nasselen pash leste. Kolen his boud nasslepen. Oun o Yezous čivas peskre vasta ap hakeneste lendar, oun kras len sasto.

Bičepangre 28:7

Gar dour djivas o themeskro pralstouno. Les his kote boud them. Yob kharas Publio. Kova las men pash peste triin divessa kamles pre.

Bičepangre 28:9

Koy van ninna kol vavar nassele dran ko them pash o Pauleste, oun moukan pen sasto te krell.

Bičepangre 9:40

Oun o Petro tradas len vin, djas ap i čanga glan o Debleste, mangas o Debles, oun djas pash koy mouli djouvyate oun penas: “Tabita, ste pre!” Koy kras yoy peskre yaka pre. Har yoy o Petres dikas, beshas pes li pre.

1. Korintarja 12:28

Kote, kay i patsle khetne venna, das o Devel hakenes i boudi. Peskre bičepangren das lo koy boudi, te penenn le i menshenge peskro lab. Oun vavar hi o Debleskre rakepangre, kay penenna, hoy o Devel len sikras. Koy hi ninna sikepangre, kay sikrenn i menshende o Debleskro drom, oun kolla, kay krenn baro koova an o Debleskri zoor, kay kek kokres pestar nay krella. Vavaren das yob i zoor, te krenn le i nasselen sasto. Hi patsle, kay hi o vavarenge koy, oun ninna vavar, kay rikrenn i patslen khetne, oun pale vavar, kay rakrenn nay an i vavar rakepen, hoy o Debleskro Dourho len das.

1. Korintarja 12:9

I vavares dell yob i baro patsepen. Oun pale i vavares dell yob i zoor, te nay krell lo i nasselen sasto. Hi yek Debleskro Dourho, kay kova lauter della.