Bičepangre 28:30 - O Debleskro Lab 2024 (Sinte-Manouche)

³⁰ O Paulo ačas douy bersha an peskri isema, hoy yob peskre loventsa playsras, oun las lauteren pash peste pre, kay van pash leste.

O Debleskro Drom 2021 (Sinte)

³⁰ O Paulo atchas dui bersha an peskri isema, hoi job peskre lowentsa plaissras, un las lauteren pash peste pre, kai wan pash leste.

Bičepangre 28:30 Iomraidhean Croise

Jeremia 37:21

Kote moukas o baro ray Sedekya te penell, te rikrenn le o Yeremia ap koy platsa stildo, kay rikran pen i lourde pre. Oun yob moukas leske hako dives i maro te anell, kotar kay o maro peklo vas, yaake rah bis te his bouder kek maro an o foro. Yaake ačas o Yeremia ap koy platsa stildo.

Jeremia 38:13

Oun yon tserdan les kol doryentsa pre dran koy brounna. Oun yob ačas ap i lourdengri platsa.

Johanni 1:39

“Avenn oun dikenn!” penas yob. Koy djan kol douy leha, oun dikan, kay yob rhala oun sovella. His deshenge. Oun yon ačan ko dives pash leste.

Bičepangre 19:21

Pal kava koova kamas o Paulo pral i themma Macedonia oun Akaya an o foro Yerusalem te djal, oun penas: “Oun pal kova hounte dikap me o foro Rom ninna.”

Bičepangre 24:27

Har douy bersha trouyel his, vas o Festo Porcio an o foro Cesarea, oun kras kanna koy boudi, hoy o Felix glan leste kras. O Felix kamas čomone te krell, hoy his mishto an i biboldengre yaka. Doleske moukas lo o Paules an o stilepen.

Bičepangre 28:16

Har vam an o foro Rom dren, nay las peske o Paulo i isema an i kerčima. Oun i lourdo das garda ap leste.

Bičepangre 28:29

Har yob kova penas, djan i bibolde penge, oun čingran pen pral kova, hoy o Paulo lenge penas.

Bičepangre 28:31

Yob rakras lentsa pral o Debleste oun pral o djipen, hoy i patsle khetne o Debleha djivenna. Oun yob penas lenge lauter, hoy maro ray, o Yezous Kristo lenge kras. Oun les his kek traash, te penell lo kova. Oun kek vas, kay penas, te nay krell lo kova gar.

Remarja 15:32

Palle nay vau barhteles pash t'mende, yaake har kamell o Devel, te lap nevi zoor pash t'mende.

2. Korintarja 11:23

Yon penenn, te hi le o Yezous Kristeskre boudepangre. Kanna rakrau har i dinelo: Me hom boudeder har yon leskro boudepaskro. Me boudrom boudeder. Me vom boudeder stildo. Me lom boudeder dava. Man his boudeder o merepen glan i yaka har yon.

2. Korintarja 6:5

Ninna te denn le men dava, te vitsrenn le men an o stilepen, te lenn le men palla, dah mer gar pre. Mer marah men tele, oun della divessa, kay sovah gar oun rhah gar.

Filiparja 1:13

I tsele lourde, kay denn garda ap o themeskro rayeskro kheer, ninna kol vavar, kay kate hi, kolla lauter djinenn kanna, kay hom me o Yezous Kristeske an o stilepen.

2. Timoteo 1:17

Har yob an o foro Rom vas, rodas lo pal mande yaake rah, bis te yob man hatsas.

2. Timoteo 4:2

Pen i menshenge o Debleskro lab! Kre kova oun mouk gar tele, ninna te kamenn i menshe kova gar te shounell! Sike len lengri doosh! De len trad, te moukenn le o čilačepen! Kre lengre djia zoreles an o patsepen! Oun ab gar khino, te sikress len o čačo drom!