Bičepangre 28:26 - O Debleskro Lab 2024 (Sinte-Manouche)

²⁶ Dja pash kol menshende oun pen lenge: I kandentsa shounenn t'mer, oun hayvenn či. I yakentsa dikenn t'mer, oun dikenn či.

O Debleskro Drom 2021 (Sinte)

²⁶ Dja pash kol menshende un pen lenge: I kandentsa shunenn tumer, un haiwenn tchi. I jakentsa dikenn tumer, un dikenn tchi.

Bičepangre 28:26 Iomraidhean Croise

Jesaja 29:10

O baro Devel čivas i sopaskro dourho ap t'mende. O Debleskre rakepangre hounte vans t'mare yaka, – o Devel kras len korelo, oun i dikepangre dikenn bouder či, har te vals i diklo troul lengre yaka pandlo.

Jesaja 29:14

Doleske krau kal menshentsa pale savo koova, hoy le gar hayvenn, oun hoy vin dikell, har te vals kova gar mandar, yaake te ačell lenge o rakepen krik. Lengre goseve menshe hi palle bouder gar gosevo. Oun kolla, kay boud hayvan, hayvenn bouder či.

Jesaja 66:4

Doleske hi mange shoukar, te anap len an i bibarht. Oun anau kova pral lende, glan leste yon yaake darenna. Me dom ap lende gole, oun kek shounas oun kek rakras pale. Me dom len trad, oun kek das pre yak. Ava, yon kran kova, hoy an mire yaka čilačo hi, oun lenge his shoukar, te krenn le kova, hoy an mire yaka djoungelo hi.

Jeremia 5:21

Shounenn kay, t'mer menshe, kay t'men či an o shero hi, kay len yaka hi, oun dikenn či, kay len kanda hi oun shounenn či!

Ezekiel 12:2

Tou, mensho, djiveh mank save menshende, kay moukenn pen či te penell. Kolen hi yaka, te dikenn le, oun kamenn či te dikell. Oun len hi kanda, te shounenn le, oun kamenn gar te shounell. Yon moukenn pen či te penell.

Markus 4:12

te nay dikenn le kova pengre yakentsa, oun hayvenn les gar, oun te nay shounenn le les, oun hayvenn les gar, te venn le gar pash o Debleste, te lell lo lengri doosh lendar.

Louka 24:25

Koy penas o Yezous ap lende: “T'mer hayvan či. An t'maro dji djal či dren. Hoske patsenn t'mer kova gar, hoy o Debleskre rakepangre glan i rah tsiro penan?

Louka 24:45

Oun palle das lo len gosvepen, te hayvenn le o Debleskro lab,

Louka 8:10

Penas lo ap lende: “O Devel moukell t'men te hayvell, har kote djal, kay dell lo menshen pash peste gole, te djan le ap leskro drom. Kova djinenn i vavar menshe gar. Lenge penau laba, kay o čačepen dren khatedo hi. Me rakrau yaake, te dikenn le kova nay, oun hayvenn les gar, oun yaake, te shounenn le les nay, oun hayvenn les gar.

Bičepangre 28:25

Yon čingran pral kova, hoy o Paulo penas, oun djan penge, har o Paulo kava lab penas: “Me dikau, kay kova čačo hi, hoy o Debleskro Dourho ap o Yesaya penas, te penell yob kova mare phourenge. O Debleskro Dourho penas:

5. Mose 29:4

40 (star-deesh) bersha djas lo glan t'mende an o moulo tato them: T'mare koola djan gar paash, oun t'mare kirrha ap t'mare pire nashan pen gar tele.