Bičepangre 28:15 - O Debleskro Lab 2024 (Sinte-Manouche)

¹⁵ Oun har kol patsle an o foro Rom shounan, te vah mer, djan le dran o foro vin, te tapran le men mashkral i forya Forum Appii oun Tres-Tabernae. Har o Paulo len dikas, parkras lo pes pash o Debleste, oun las nevi zoor.

O Debleskro Drom 2021 (Sinte)

¹⁵ Un har kol patsle an o foro Rom shunan, te wah mer, djan le dran o foro win, te tapran le men mashkral i forja Forum Appii un Tres-Tabernae. Har o Paulo len dikas, parkras lo pes pash o Debleste, un las newi soor.

Bičepangre 28:15 Iomraidhean Croise

Debleskri gili 27:14

Rike tout ap o baro Debleste tiro tselo djiyeha! Ab zoreles, oun ma traash, oun rike tout ap o baro Debleste!

2. Mose 4:14

Oun har penas o Mose kova, las o baro Devel rholi ap o Moseste, oun yob penas ap leste: “Tiro phraal, o Levitari Aron, me djinau, te hayvell lo mishto te rakrell. Shoun, yob vella pash toute. Oun te dikell yob tout, palle hi les baro shoukapen an peskro dji.

Johanni 12:13

Koy lan le patria, kay phagan le tele, oun djan dran o foro pash leste, oun dan gole: “Sharas o Debles! Sharedo vell kova, koles o Devel bičras, o baro ray pral Israel!”

Bičepangre 1:15

An kolla divessa van boud patsle khetne, sheel-te-biish menshe. Mashkral lende stas o Petro pre oun penas:

Bičepangre 10:23

Oun o Petro moukas len an o kheer te vell, oun das len i isema, te ačenn le kote. O vavar dives djas yob lentsa an o foro Cesarea. Oun vavar patsle dran o foro Yoppe djan ninna leha.

Bičepangre 10:25

Oun har o Petro dren vas, djas o Kornelio pash leste, vitsras pes glan leskre pire tele, oun mangas les an.

Bičepangre 11:1

Kol Yezouseskre bičepangre oun kol vavar patsle an o them Youdea shounan, kay ninna kolla, kay kek bibolde hi, ap o Debleskro lab patsan.

Bičepangre 11:12

Oun o Debleskro Dourho penas ap mande: Pats, hoy yon touke penenna! Dja lentsa! Oun me djom shob phralentsa an o kheer ko morshestar, kay kol triin morshen pash mande bičras.

Bičepangre 12:17

I vastentsa sikras lo len, te denn le kek gole, oun penas lenge, har o ray Yezous les dran o stilepen vin las. Oun ninna penas o Petro lenge: “Penenn kova o Yakobeske, oun kol vavar phralenge!” Palle djas yob vin, oun djas peske an i vavar foro.

Bičepangre 21:5

Pal efta divessa djam mer doureder. Mentsa djan i phrala pengre romyentsa oun i čaventsa dran o foro vin pash o pani. Oun kote djam mer ap i čanga oun mangam o Debles an.

Bičepangre 28:14

Kote hatsam patslen. Kolla mangan mendar, te ačas efta divessa pash lende. Palle djam doureder an o foro Rom.

Remarja 15:24

Ap miro drom an o them Spania, kamoms te dikap t'men, oun te ačap i tikno tsiro pash t'mende. Te hom t'mentsa khetne, lau nevi zoor. Palle djau doureder, oun t'mer nay denn man lauter, hoy man hounte vell ap o drom.

2. Korintarja 2:14

Me parkrau man pash o Debleste, te dell lo men i zoor, te djas ap o Yezouseskro drom. Khetne o Yezouseha ham hako tsiro zorleder har o čilačepen. Oun kote, kay penah i menshenge o lačo lab o Yezousestar, hi kova yaake, har te vell i lačo soungepen pash boud menshende.

Galatarja 4:14

Ninna te his miro nasslepen t'menge gar shoukar, dikan t'mer gar tele ap mande, vitar gar bičran man t'mendar krik. Na-a! T'mer lan man pre, har te voms o Debleskro bolepaskro, har te voms o Yezous Kristo kokres.

1. Tessalonikarja 3:7

Mire phrala, kal lače laba kran mare djia barhtelo. T'maro patsepen das men nevi zoor an maro pharo djipen. An i daar lam pale i nevi zoor, har dikam, te rikrenn t'men ap o rayeste, o Yezouseste.

Hebrearja 13:3

Ma bistrenn kolen, kay hi an o stilepen. Denn lende kova, hoy len hounte vell djipaske, yaake har te vans t'mer kolla, kay stildo hi! Avenn ninna kolenge koy, kay van palla lino oun lan dava. Avenn lenge yaake koy, har vans t'mer kolla, kay van palla lino oun lan dava.

Josua 1:9

Penau touke pale: Ab zoreles! Oun ma traash gar! Ma dare či! Oun ma traash kekestar! O baro Devel hi tiro Devel oun hi touha, kay tou ninna djah.”

1. Samuel 30:6

Oun i morshengre djia rovan pral lengre čavende oun čen, oun yon van yaake rhoyedo ap o Davideste, te kaman le les moulo te dell i barrentsa. Oun o David vas an i pharo tsiro. Oun yob las peskri zoor o baro Deblestar, kay leskro Devel hi.