Bičepangre 27:35 - O Debleskro Lab 2024 (Sinte-Manouche)

³⁵ Oun har yob kova penas, las yob o maro, parkras pes pash o Debleste glan lauterende, phagas o maro, oun rhas.

O Debleskro Drom 2021 (Sinte)

³⁵ Un har job kowa penas, las job o maro, parkras pes pash o Debleste glan lauterende, phagas o maro, un chas.

Bičepangre 27:35 Iomraidhean Croise

Debleskri gili 119:46

Glan i bare rayende rakrau kolestar, hoy tou menge penal, hoy te kras mer, oun ladjau man gar.

Mateo 14:19

Palle penas lo ap kol tsele menshende, te beshenn le pen. Oun yob las kol panč mare oun kol douy mače, dikas pre, parkras pes pash peskro dadeste an o bolepen, oun phagas kol mare an kotya, oun das len peskre malende. Oun kalla dan len i tsele menshende te rhal.

Mateo 15:36

Oun yob las kol efta mare oun kol mače, parkras pes pash o Debleste, oun phagas len an kotya. Oun yob das len peskre malende, oun kolla dan len halauterende, kay kote beshdo hi.

Markus 8:6

Yob penas i menshenge, te beshenn pen le ap i phoub. Oun yob las kol efta mare, parkras pes pash o Debleste, oun phagas len an kotya. Oun yob das len peskre malende, te denn le len i menshende. Oun yon kran kova.

Louka 24:30

oun beshas pes te rhal lo lentsa, las o maro, parkras pes pash o Debleste, phagas ko maro an kotya, oun das kova lende.

Johanni 6:11

Oun o Yezous las kol mare, parkras pes pash o Debleste oun das len i menshende. Kova kras lo ninna kol mačentsa. Oun hakeno las yaake boud, har yob kamas.

Johanni 6:23

Koy van vavar bere dran o foro Tiberias, oun čivan pen kote, kay rhans le ko maro, koleske o Yezous parkras pes pash o Debleste.

Remarja 1:16

Me ladjau gar glan i menshende, te penap lenge o lačo lab o Yezous Kristestar. An kava lab hi o Debleskri zoor. Oun o Debleskri zoor lell kolen dran o čilačepen oun o merepen vin, kay ap ko lab patsenna, – i bibolden oun kolen, kay kek bibolde hi.

Remarja 14:6

Koon rikrell o Debleskro dives bareder har i vavar divessa, krell kova o Debleske. Koon patsell, te nay rhal lo lauter, krell kova o Debleske oun parkrell pes pash leste. Koon patsell, te nay rhal lo gar lauter, kova krell les ninna o Debleske, oun sharell o Debles ninna.

2. Timoteo 1:12

Doleske hounte lap kava lauter ap mande kate an o stilepen, oun me ladjau gar. Me djinau, ap koneste patsaua. Oun me djinau, kay o Yezous Kristo rikrell peskre vasta pral kova, hoy yob an miro vast das, bis te yob pale vella.

2. Timoteo 1:8

Ma ladj tout, te rakress tou maro rayestar, o Yezousestar! Ma ladj tout mange, ninna te hom me kanna leske an o stilepen! Na-a, rake maro rayestar, ninna te venn douka ap toute, yaake har me lau douka ap mande, te vell o lačo lab o Yezousestar penlo. O Devel dell tout i zoor.

1. Petro 4:16

Yek, kay patsell ap o Yezous Kristeste oun lell doleske i phagi, kova hounte ladjell gar. Na-a, yob te parkrell pes pash o Debleste, te hi o Yezous Kristo leskro ray.

1. Samuel 9:13

palle taprenn t'mer les gomme glan o rhapen ap o drom ap i pralstouni platsa. I tsele menshe rhayenn gar, bis te vas lo oun penas lače laba pral ko firheste, hoy o Debleske maredo vas. Palle rhayenn kolla lauter khetne, kolenge penlo vas, te venn le pash kava rhapen pashel. Djan sik, palle nay taprenn les gomme.”