Bičepangre 27:24 - O Debleskro Lab 2024 (Sinte-Manouche)

²⁴ Kova penas ap mande: Ma traash, Paulo! Tou hounte vess glan o baro rayeste an o foro Rom anlo. O Devel shounas tout: Kek ap kava shiffo merella.

O Debleskro Drom 2021 (Sinte)

²⁴ Kowa penas ap mande: Ma traash, Paulo! Tu hunte wess glan o baro rajeste an o foro Rom anlo. O Dewel shunas tut: Kek ap kau shiffo merella.

Bičepangre 27:24 Iomraidhean Croise

1. Mose 12:2

Me kamau te vell toutar i bari natsyona. Me čivau miri zoor oun miri barht ap toute, oun kamau tiro lab bares te krell. Oun koy barht, hoy me tout dau, djal doureder ap i vavar menshenge.

1. Mose 15:1

Koy pal moukas o baro Devel o Abrames leskri gole te shounell oun penas ap leste: “Ma traash, Abram! Me rikrau mire vasta pral toute. Oun me hom touke i baro bravlepen.”

1. Mose 19:29

Har o Devel rhačras kol forya an ko them pash o pani Yordan, kay o Lot khere his, bistras yob o Abrahames gar oun anas o Lotes vin dran kol forya.

1. Mose 30:27

Koy penas o Laban ap leste: “Ab mange lačo oun ač kay! Hayvau, kay o baro Devel peskri zoor oun peskri barht ap mande čivella yaake rah, har tou pash mande hal.

1. Mose 39:23

Yaake rah, har lauter an o Yosefeskro vast his, hounte kras o pralstouno pral o stilepen či. O baro Devel his pash o Yosefeste oun das les barht an halauter, hoy yob kras.

1. Mose 39:5

Ap ko tsiro, har o Egiptari Potifar das peskro kheer oun halauter, hoy leskro his, an o Yosefeskre vasta, čivas o baro Devel peskri zoor oun peskri barht ap i menshende an o Potifareskro kheer. Yaake rah har o Yosef koy his, his o baro Debleskri zoor oun peskri barht ap halauter, hoy les his an o kheer oun ap o them.

1. Mose 46:3

Oun o Devel penas: “Me hom o Devel, ko Devel tiro dadestar. Ma traash te djas an o them Egiptia! Koy krau me, te vess o dad i bari natsyona.

1. Rajengro liil 17:13

Kote penas o Eliya lake: “Ma traash! Dja koy oun kre, har tou penal! De yak, te kress mange i tikno maro, oun an les mange vin. Oun palle kre o maro touke oun tiro čaveske!

2. Rajengro liil 6:16

O Elisa penas: “Ma traash! Ap mari rig hi boudeder lourde har ap lengri rig.”

Hiob 35:8

Kolla hi i vavar menshe, kolenge kova djoungeles hi, te kreh čilačo koova, oun kolenge kova lačo hi, te kreh lačo koova.

Ropaskre gilja 3:57

Har kharom tout golyah, val tou pash mande, oun penal: “Ma traash bouder gar!”

Daniel 2:24

Oun o Daniel djas dren pash o Aryok, koles o baro ray bičras, te marell lo i siklen an o them Babilonia. Oun o Daniel penas ap leste: “Ma mare i siklen dran Babilonia! An man pash o baro rayeste, te nay penap me leske, hoy leskri souni kamell te penell.”

Micha 5:7

Kolla, kay ačan pral o Yakobeskre menshendar, hi i menshenge an i vavar themma har i levo mank i vavar firhende an o veesh, har i terno levo mank i bakre. Yob perell pral lende, marell len oun dandrell len khetne. Oun kek nay rikrell les pale.

Mateo 10:18

T'mer patsenn ap mande. Doleske anenn le t'men glan i pralstunende oun glan i bare rayende, te rakrenn yon i phagi vin pral t'mende. Kova vell ap t'mende, te rakrenn t'mer mandar glan lende oun glan kolende, kay o Debles gar prindjrenna.

Mateo 10:28

Ma trashenn kol menshendar, kay nay marenn t'men! Yon nay marenn gar o djipen an t'mende, hoy ninna pal o merepen djivella. Trashenn o Deblestar, kay nay čivell t'men pal o merepen an o bengeskri yag, kay han hako tsiro nashedo!

Johanni 11:9

O Yezous penas: “An o dives hi deesh-te-douy tsirya. Koon ap o dives trouyel nashella, kova perell gar. Ap o dives rhačell o kham.

Bičepangre 19:21

Pal kava koova kamas o Paulo pral i themma Macedonia oun Akaya an o foro Yerusalem te djal, oun penas: “Oun pal kova hounte dikap me o foro Rom ninna.”

Bičepangre 23:11

An koy rati moukas pes o ray Yezous glan o Pauleste te dikell, oun penas ap leste: “Ma traash, Paulo! Yaake har tou mandar an o foro Yerusalem rakral, yaake hounte rakress mandar ninna an o foro Rom.”

Bičepangre 25:11

Te kroms me i čilačo koova, kay hounte marans le man, mangoms toutar gar, te ačap djido. Te krom me kova gar, hoy yon pral mande penan, palle nay čivenn t'mer man gar an lengre vasta. Me kamau, te vell miro koova glan o baro rayeste an o foro Rom.”

Bičepangre 27:31

O Paulo penas ap ko baro lourdeste oun ap kol lourdende: “Te ačenn kolla gar ap o shiffo, ham mer lauter nashedo.”

Bičepangre 27:37

Mer hams lauter khetne ap o shiffo douy-sheel-efta-deesh-te-shob (276) morsha.

Bičepangre 27:42

Koy kaman i lourde i stilden te marell, te nashell kek peske.

Bičepangre 27:44

oun te čivenn pen i tsele vavar ap i kashta an o pani, te nay venn le halauter vergel ap o them. Yaake vam mer lauter djido ap o them.

Bičepangre 9:15

Penas o ray Yezous leske: “Dja pash leste! Me rodom koles vin, te vell yob mange koy, te djal lo pash kolende, kay kek bibolde hi, pash lengre bare rayende, oun pash kol tsele biboldende, te penell lo lenge mandar.

Filemon 1:22

I vavar koova mangau toutar: Kre mange i isema an tiro kheer, kay me nay sovap! O Devel te shounell t'maro mangepen, palle vau an i tikno tsiro pash t'mende. Kova patsau.

Jakobo 5:16

Doleske penenn t'menge t'mari doosh, oun mangenn o Debles yek o vavareske, te venn t'mer sasto. I mensho, kay djivell yaake, har o Devel kamella, yob te mangell i tselo djiyeha čomone o Deblestar, nay krell o Devel boud leske.

Debleskro tsiro 1:17

Oun har dikom les, perom glan leskre herya khetne, har voms moulo. Oun yob čivas peskro čačo vast ap mande, oun penas: “Ma dare! Mandar vas halauter. Oun lauter vella pale glan mande.