Bičepangre 27:1 - O Debleskro Lab 2024 (Sinte-Manouche)

¹ Har kran le vin, te oulerah mer ap o shiffo an o them Italia, dan le o Paules oun vavar stilden an i vasta i baro lourdestar. Leskro lab his Yulio. Kova his i pralstouno pral kol lourdende, kay o baro rayeskre lourde kharedo venna.

O Debleskro Drom 2021 (Sinte)

¹ Har kran le win, te ulerah mer ap o shiffo an o them Italia, dan le o Paules un wawar stilden an i wasta i baro lurdestar. Leskro lab his Julio. Kowa his i pralstuno pral kol lurdende, kai o baro rajeskre lurde kharedo wenna.

Bičepangre 27:1 Iomraidhean Croise

1. Mose 50:20

T'mer kaman te krenn mange čilačepen. O Devel las peske glan, te krell lo lauter mishto, yaake har hi kava dives: Boud menshe ačan djido.

Debleskri gili 33:11

Kova, hoy o baro Devel kamell te krell, ačell zoreles tardo, oun kova, hoy les an peskro dji hi, te krell lo, ačell yaake rah har menshe koy hi.

Debleskri gili 76:10

har o Devel pre stas, te rakrell lo o čačepen vin, oun te vell lo halauterenge ap i rig, kay tikno rikedo van ap kay phoub.

Gosewe laba 19:21

Boud koova hi, hoy i morsh peske glan lell an peskro dji; kokres kova vella, hoy o baro Debles glan hi yekeha.

Ropaskre gilja 3:27

Mishto hi i mensheske, te hidjrell lo, hoy o Devel leske bičras, yaake rah har lo terno hi.

Mateo 27:54

Ko pralstouno lourdo oun kol vavar, kay khetne leha ap o Yezouseste yak dan, kolla dikan, te vas i phoub trisslemen, oun hoy lauter koy djas. Koy tapras len i bari daar. Oun yon penan: “Kava morsh his čačepah o Debleskro čavo.”

Louka 23:47

Har ko pralstouno lourdo dikas, hoy koy djas, sharas lo o Debles oun penas: “Čačepah, kava his i lačo morsh.”

Louka 7:2

An ko foro djivas i pralstouno lourdo. Les his i boudepaskro, kay ap o merepen čiddo hi. Kova his leske boud moldo.

Bičepangre 10:1

An o foro Cesarea djivas i morsh, ko kharas Kornelio. Kova his i Remaryengro pralstouno pral sheel lourdende. Kolen kharan le i lourde dran Italia.

Bičepangre 10:22

Penan le: “O Kornelio, ko pralstouno i lourdendar, bičras men. Kova hi i lačo morsh, oun patsell ap o Debleste. I tsele bibolde rakrenn lačes pral leste. I Debleskro bolepaskro penas ap leste, te lell yob tout an peskro kheer, oun te shounell yob, hoy tou leske kameh te penell.”

Bičepangre 16:10

Koy pre rodam mer sik i shiffo, kay lell men peha an o them Macedonia. Mer djinam, kay das men o Devel gole, te penas kote i menshenge o lačo lab o Yezous Kristestar.

Bičepangre 18:2

Koy tapras yob i biboldes dran o foro Pontus. Leskro lab his Akvila. Kova vas glan i tikno tsiro peskri romyah, i Priska, dran o them Italia. O baro ray an o foro Rom, o Klaudio, penas, te djan i tsele bibolde dran o foro Rom vin. Pash lende djas o Paulo kanna.

Bičepangre 19:21

Pal kava koova kamas o Paulo pral i themma Macedonia oun Akaya an o foro Yerusalem te djal, oun penas: “Oun pal kova hounte dikap me o foro Rom ninna.”

Bičepangre 21:32

Oun o pralstouno lourdo las sik vavar pralstunen oun lourden peha, oun nashas kote, kay i menshe khetne van. Har kolla kol pralstounes oun kol lourden dikan, dan le o Paules kek dava bouder.

Bičepangre 22:26

Ko baro lourdo djas pash peskro pralstuneste, oun penas ap leste: “Hoy kameh te krell? Kava morsh hi i Remari.”

Bičepangre 23:11

An koy rati moukas pes o ray Yezous glan o Pauleste te dikell, oun penas ap leste: “Ma traash, Paulo! Yaake har tou mandar an o foro Yerusalem rakral, yaake hounte rakress mandar ninna an o foro Rom.”

Bičepangre 23:17

O Paulo das i baro lourdes pash peste gole, oun penas: “An ko terno morshes pash ko pralstuneste! Yob kamell leske čomone te penell.”

Bičepangre 24:23

Oun yob moukas o Paules pale an o stilepen te anell, oun penas ap ko baro lourdeste, te krell yob o Pauleske o djipen gar phares, oun te vell nay hakeno leskre malendar pash leste, te anell lo leske rhapaske.

Bičepangre 25:12

Koy rakras o Festo kolentsa, kolen leha khetne penepaske hi. Palle penas lo ap o Pauleste: “Pash o baro rayeste an o foro Rom kameh tou te djal. Palle dja pash leste!”

Bičepangre 25:25

Me hatsom či ap leste, te nay marap les. Yob kokres kamell pash o baro rayeste an o foro Rom te djal. Oun yaake penom, te vell lo kote anlo.

Bičepangre 27:11

Ko baro lourdo shounas boudeder ap koleste, kay oulerell ko shiffo oun ap koleste, kay hi o ray pral ko shiffo, har ap o Pauleste.

Bičepangre 27:43

Ko baro lourdo kamas gar, te vell o Paulo moulo dino. Yob djas koy mashkral oun penas, te stenn kanna kolla an o pani, kay nay rikrenn pen pral o pani, te venn le vergel ap o them.

Bičepangre 27:6

Koy hatsas ko baro lourdo i shiffo, hoy vas dran o foro Alexandria, oun kamas an o them Italia te oulerell. Oun mer djam ap ko shiffo.

Bičepangre 28:1

Har mer halauter ap o them vam, shounam, kay ko kotar them an o pani Malta kharella.

Bičepangre 28:16

Har vam an o foro Rom dren, nay las peske o Paulo i isema an i kerčima. Oun i lourdo das garda ap leste.

Hebrearja 13:24

Penenn lače laba mendar kolenge, kay denn garda ap t'mende, oun ninna ap i tsele patslende! I patsle dran o them Italia penenn t'menge “Ačenn o Debleha!”