Bičepangre 26:24 - O Debleskro Lab 2024 (Sinte-Manouche)

²⁴ Har o Paulo kova rakras, te sikrell lo, kay hi kek doosh ap leste, das o Festo gole: “Paulo, tou hal dinelo! Tou hal yaake gosevo, te val narvelo.”

O Debleskro Drom 2021 (Sinte)

²⁴ Har o Paulo kowa rakras, te sikrell lo, kai hi kek doosh ap leste, das o Festo gole: “Paulo, tu hal dinelo! Tu hal jaake gosewo, te wal narwelo.”

Bičepangre 26:24 Iomraidhean Croise

2. Rajengro liil 9:11

Oun har o Yehou vin djas pash kol menshende leskro rayestar, poučan le lestar: “Hi čomone? Hoske vas ko dinelo pash toute?” “Či”, penas yob. “T'mer prindjrenn kol morshes, kova rakrell dinelo koova.”

Jeremia 29:26

O baro Devel rodas tout vin, te vess o rashay pal o rashayeste Yoyada. Tou vess o pralstouno an o baro Debleskro kheer, te čivess kol tsele narvelen pandles, kay venna oun penenn, te hi le Debleskre rakepangre, oun penenn čomone glan-vi. Tou čivess lengre pire an kashta oun sasterne shelle troul lengri meen.

Hosea 9:7

O tsiro hi koy, kay me t'menge t'mari phagi dau, oun t'maro čilačepen ap t'mare sherya pale anau. Oun t'mer Israelitarya hayvenn kova! T'mer penenn: “I narvelo hi ko Debleskro rakepaskro! Ko morsh, koles o Debleskro dourho hi, rakrell dinelo koova!” Yaake baro hi t'mari doosh oun t'mari rholi ap mande!

Markus 3:21

Oun har leskre menshe kova shounan, penan le: “Yob hi dinelo!” Oun yon kaman les te taprell.

Johanni 7:15

Koy kran i pralstoune bibolde bare yaka, oun penan: “Har nay djinell yob yaake boud? Kek anas leske kova pashel.”

Johanni 8:48

“Hi maro gar čačo?” penan kol bibolde. “Tou hal i Samaritari oun an toute hi o beng, yaake har mer les penam.”

Johanni 8:52

Koy penan yon: “Kanna djinah mer, kay hi an toute i beng. O Abraham meras, oun o Debleskre rakepangre meran ninna. Oun tou peneh: Te krell yek, hoy me kamau, kova merell bouder gar.

Bičepangre 17:32

Har shounan le, kay rakrell o Paulo pral i morsheste, kay moulo his oun pale djido vas, his lenge sapaske. Vavar penan: “Tou te peness menge pral ko koova i vavar kopo boudeder.”

Bičepangre 22:1

T'mer morsha, phrala oun dada, shounenn, hoy kamau t'menge te penell!

Bičepangre 24:25

Oun o Paulo penas lenge, te hounte rikrenn le pen ap o Debleskro čačepen, te krenn le kek vi-ladjedo koova, oun te vell ko tsiro, kay hakeno glan o Debleste tardo hounte vell. Oun o Felix las traash, oun penas ap o Pauleste: “Kava kopo nay djah tou. Oun te hi man tsiro, moukau tout pale gole te dell.”

Bičepangre 24:27

Har douy bersha trouyel his, vas o Festo Porcio an o foro Cesarea, oun kras kanna koy boudi, hoy o Felix glan leste kras. O Felix kamas čomone te krell, hoy his mishto an i biboldengre yaka. Doleske moukas lo o Paules an o stilepen.

Bičepangre 26:11

An i tsele biboldengre kangria moukom me kol patslen dava te dell i čoupniyah, oun kamom, te denn le pengro patsepen pre. Me homs yaake rhoyedo ap lende, te lom len ninna an forya an vavar themma palla.

1. Korintarja 1:23

Mer penah i menshenge, kay o Yezous Kristo ap o troushel hounte meras. Pral kova hi i bibolde rhoyemen. Oun i vavar menshenge hi kova dinlepen.

1. Korintarja 4:10

Mer rakrah o Yezous Kristestar. Oun doleske ham dinele glan i menshengre yaka. T'mer patsenn ap o Yezous Kristeste, oun doleske han goseve. Mer ham gar zorele, oun t'mer han zorele. Men sharenn le gar. T'men sharenn le.

2. Korintarja 5:13

Te penell yek, mer ham narvelo, – mishto! Te ham narvelo, ham kova o Debleske. Te ham gar narvelo oun rakrah yaake, te hayvenn le men, palle hi kova mishto t'menge.

2. Timoteo 3:15

Tou prindjreh o Debleskro lab foun tiknes pre. Oun ko lab das tout o gosvepen, te hatsal o drom pash o Yezous Kristeste oun hayval, tou hounte patsess ap o Yezous Kristeste, te less ko djipen, hoy gar pre-herella.