Bičepangre 24:22 - O Debleskro Lab 2024 (Sinte-Manouche)

²² O Felix, kay boud djinas ko nevo dromestar, čivas o tselo koova ap o vavar dives, oun penas: “Te vell ko pralstouno lourdo Lisias pash mende, palle penau me, hoy me krau o Pauleha.”

O Debleskro Drom 2021 (Sinte)

²² O Felix, kai bud djinas ko newo dromestar, tchiwas o tselo koowa ap o wawar diwes, un penas: “Te well ko pralstuno lurdo Lisias pash mende, palle penau me, hoi me krau o Pauleha.”

Bičepangre 24:22 Iomraidhean Croise

Mateo 2:7

Palle moukas o Herodes kol goseve morshen čorrhanes pash peste te anell, te poučell lo lendar, kaana ko bolepaskri momeli diklo vas.

Bičepangre 18:20

Yon mangan les, te ačell yob boudeder tsiro pash lende. Yob kamas gar te ačell.

Bičepangre 19:40

Kava dives kran t'mer i menshen divyo čičeske. Kanna hounte trashas mer, te vell kova glan i čačepangre. Oun mer nay penah lenge či, hoske kram kova.” Oun har yob kova penas, bičras lo len khere.

Bičepangre 24:10

Kanna sikras o Felix o vasteha ap o Pauleste, te rakrell yob. Oun o Paulo penas: “Me djinau, kay hal tou, o Felix, boud bersha o čačepaskro ray an kava them. Doleske hi man kek traash, te penap touke, har lauter vas.

Bičepangre 24:14

Kava penau touke: Hi čačo, kay me djau ap ko nevo drom, hoy hi kolenge i rhorheno drom. Ap kava nevo drom mangau me ko Debles an, koles ninna mire phoure an-mangan. Oun me patsau halauter, hoy o Mose oun o Debleskre rakepangre an pengre lila činan.

Bičepangre 24:24

Divessa koy pre vas o Felix peskri romyah Drusilla. Koya his i biboldetsa. Oun o Felix moukas o Paules glan leste te vell. Oun o Felix oun leskri romni kaman lestar pral o patsepen ap o Yezous Kristeste te shounell.

Bičepangre 24:6

Yob kamas o Debleskro baro kheer praasedo te krell. Koy pashel tapram les.

Bičepangre 25:26

Me hounte činap i liil o baro rayeske an o foro Rom, te penap leske, havi doosh kava morsh ap peste anas. Oun me djinau gar, hoy te činap. Doleske anom les kate glan t'mende lauterende, oun glan toute, baro ray Agrippa, te shounap, hoy yob touke penella. Yaake djinau me, hoy hounte činap.

Bičepangre 26:3

Me djinau, kay tou prindjreh o biboldengro patsepen. Tou djineh, har i bibolde djivenna. Oun tou djineh ninna pral havo koova yon pen čingrenna. Doleske mangau toutar: De man ko tsiro, te penap touke halauter!

Bičepangre 9:2

oun mangas kolestar lila, te nay djal lo an i biboldengre kangria an o foro Damaskus, te nay taprell yob kote kolen, morshen har djouvyen, kay ap o Yezouseskro drom djana, te anell lo len an o foro Yerusalem.

5. Mose 19:18

Oun kol čačepangre morsha hounte rodenn mishto palla, hoy čačo hi. Te hatsenn le, te hi kova i rhorheno, hoy rhorhepen ap peskro phraleste pre anas,