Bičepangre 24:14 - O Debleskro Lab 2024 (Sinte-Manouche)

¹⁴ Kava penau touke: Hi čačo, kay me djau ap ko nevo drom, hoy hi kolenge i rhorheno drom. Ap kava nevo drom mangau me ko Debles an, koles ninna mire phoure an-mangan. Oun me patsau halauter, hoy o Mose oun o Debleskre rakepangre an pengre lila činan.

O Debleskro Drom 2021 (Sinte)

¹⁴ Kawa penau tuke: Hi tchatcho, kai me djau ap ko newo drom, hoi hi kolenge i chocheno drom. Ap kau newo drom mangau me ko Debles an, koles ninna mire phure an-mangan. Un me patsau halauter, hoi o Mose un o Debleskre rakepangre an pengre lila tchinan.

Bičepangre 24:14 Iomraidhean Croise

1. Familjakro liil 29:18

Baro Devel, tou Devel mare phourendar, o Abrahamestar, o Isaakestar oun o Yakobestar, kre, kay tire menshengre djia hako tsiro touke pre hi, oun yon pen ap toute rikrenn!

Debleskri gili 119:46

Glan i bare rayende rakrau kolestar, hoy tou menge penal, hoy te kras mer, oun ladjau man gar.

Amos 8:14

Oun kolla, kay denn pen sovel pash o rhorheno devel an Samaria, oun penenn: pash ko devel, koles o kheer Dan an-mangell, oun pash o devel o forestar Beersheba, kal menshe perenn oun stenn bouder gar pre.

Micha 4:2

Boud menshe dran vavar themma venn kay, oun penenn: “Avenn, djas pral ap i berga o baro Deblestar, pash ko kheer kolestar, kay o Yakobeskro Devel hi. Kote sikrell yob mende, har te djas ap leskro drom, te djivas mer yaake har yob kamell.” I berga Sion hi koy platsa, kay sikrell yob i menshende, hoy lo lendar kamell. Oun dran Yerusalem djan save menshe vin, kay penenn i vavarenge o baro Debleskro lab.

Mateo 10:32

Me penau t'menge: Koon glan i menshende penella: O Yezous hi miro ray! kolestar penau me glan miro dadeste an o bolepen: Yob hi miro!

Mateo 22:40

Kova, hoy o Mose oun i tsele Debleskre rakepangre menge penan, hoy o Devel mendar kamella, kova hi an kolla douy bare Debleskre laba penlo.”

Mateo 7:12

Lauter, hoy t'mer kamenna, te krenn i menshe t'menge, kova krenn t'mer lenge ninna! Te krenn t'mer kova, yaake krenn t'mer lauter kova, hoy o Mose oun i Debleskre rakepangre penan.

Louka 1:70

Glan i rah tsiro penan i Debleskre rakepangre,

Louka 16:16

An o phouro tsiro rikran pen i menshe ap kova, hoy o Mose oun i Debleskre rakepangre penan. Har vas o Yohanni, vas o Debleskro nevo tsiro. Kanna vell i menshenge o lačo lab penlo, te dell o Devel i menshen pash peste gole, te djivenn le leha khetne an yek harmenatsyona. Oun hakeno kamell zoryah yaake dren te vell, har yob kamella.

Louka 16:29

Koy penas o Abraham: Len hi o Moseskre laba oun kolla lila, hoy o Debleskre rakepangre činan. Ap kolende hounte shounenn yon!

Louka 24:27

Palle penas o Yezous lenge, hoy o Mose oun i tsele Debleskre rakepangre pral leste činan.

Louka 24:44

Oun yob penas: “Har me pash t'mende homs, penom me ap t'mende: Halauter hounte vell čačo, hoy o Mose činas, oun hoy o Debleskre rakepangre pral mande penan, oun hoy an o Debleskre gilya činlo hi.”

Johanni 1:45

O Filipo hatsas o Natanael oun penas ap leste: “Mer hatsam koles, pral koleste o Mose an peskre lila činas. Ninna o Debleskre rakepangre činan pral leste. Yob kharella Yezous oun hi dran o foro Nazaret. Leskro dad hi o Yosef.”

Bičepangre 10:43

Kolestar rakrenn i tsele Debleskre rakepangre an pengre lila. Yon penenn, kay lell o Devel i doosh hakenestar krik, koon ap o Yezous Kristeste patsella.”

Bičepangre 13:15

Koy pal, har i bibolde dran kol lila glan draveran, hoy o Mose oun o Debleskre rakepangre činan, moukan lenge kol pralstoune pral i biboldengri kangri te penell: “Mare phrala, te kamenn t'mer menge i lab te penell, hoy krell men zorelo an o patsepen, penenn les menge!”

Bičepangre 15:5

His Farisarya koy, kay ap o Yezouseste patslo van. Kolla penan ap i phralende: “Kolla, kay kek bibolde hi, hounte venn ap o mass činlo, oun lenge hounte vell penlo, te rikrenn le pen ap o Moseskre laba.”

Bičepangre 19:23

Ap ko tsiro vas i baro čingepen an o foro Efesus pral o nevo patsepen ap o Yezouseste.

Bičepangre 19:9

Koy his ninna menshe pashel, kay kaman o Yezousestar či te djinell oun kaman gar ap leste te patsell. Oun glan i menshende rakran le djoungelo koova pral o patsepen ap o Yezouseste. Koy moukas o Paulo kol vavar patslentsa i biboldengri kangri, oun rakras hako dives an ko sikepaskro kheer, kay o Tiranno o sikepaskro hi.

Bičepangre 22:14

Palle penas lo ap mande: “Ko Devel mare dadendar rodas tout vin, te djiness tou, hoy yob kamella, oun te dikess tou koles, kay hi kek čilačepen an leste, oun shouness, hoy yob penella.

Bičepangre 24:22

O Felix, kay boud djinas ko nevo dromestar, čivas o tselo koova ap o vavar dives, oun penas: “Te vell ko pralstouno lourdo Lisias pash mende, palle penau me, hoy me krau o Pauleha.”

Bičepangre 24:5

Mer djinah, kay kava morsh čilačo hi, oun kay yob čingepen krella mashkral kol tsele biboldende, kay ap i tseli phoub djivenna. Yob hi i pralstouno rakepaskro kolendar, kay patsenna ap o Yezous dran Nazaret.

Bičepangre 25:8

O Paulo moukas kova gar ap peste, oun penas: “Me krom či, hoy pal o biboldengro čačepen čilačo hi. Oun me krom gar o Debleskro baro kheer praasedo. Oun me penom kek čilačo koova pral o baro rayeste an o foro Rom.”

Bičepangre 26:22

O Devel his hako dives pash mande. Oun kanna hom kate tardo, oun penau barenge oun tiknenge, hoy o Devel kras. Me penau či vavares, har kol Debleskre rakepangre oun o Mose glan i rah tsiro penan.

Bičepangre 26:27

Patseh tou, baro ray Agrippa, hoy kol Debleskre rakepangre penan? Me djinau, kay tou kolen patseh.”

Bičepangre 26:4

I tsele bibolde prindjrenn miro djipen, oun har me i terno čavo homs, oun har me mashkral mire menshende an o foro Yerusalem djivom.

Bičepangre 26:6

Oun me patsau ap kova, hoy o Devel mare phourenge penas. Doleske hom me kate glan o čačepaskro tardo.

Bičepangre 28:22

Mer kamah toutar te shounell, hoy tou peneh menge. Mer djinah, te rakrenn le djoungeles pral kava nevo drom, hoy tou sikreh.”

Bičepangre 28:23

Oun i bibolde oun o Paulo kran penge i dives vin, kay venn le pale khetne an koy kerčima. Har ko dives vas, van boud pash leste. Oun o Paulo penas lenge, te vas ko tsiro, kay o Devel i menshen pash peste gole della, te lell lo len dran o čilačepen vin. Oun yob sikras lende, hoy o Mose oun o Debleskre rakepangre pral o Yezouseste činan. Oun pral kova rakras o Paulo lentsa o tselo dives.

Bičepangre 3:13

Na-a! O Devel o Abrahamestar, oun o Isaakestar oun o Yakobestar, ko Devel mare dadendar sikras t'mende kate, havi bari zoor oun raylepen yob peskro boudepaskres, o Yezouses, das. Koles dan t'mer an o Pilateskre vasta, oun dan les bourhoste, har o Pilato kamas les te djal moukell.

Bičepangre 5:30

Ko Devel mare phourendar moukas o Yezouses i moulendar pre te stell, koles, kay t'mer ap o troushel dan oun maran.

Bičepangre 7:32

Me hom o Devel tire phourendar, o Devel o Abrahamestar, o Isaakestar, oun o Yakobestar. Oun i bari traash vas ap o Moseste, har yob kova shounas, oun daryatar nay dikas lo gar kote pre.

Bičepangre 9:2

oun mangas kolestar lila, te nay djal lo an i biboldengre kangria an o foro Damaskus, te nay taprell yob kote kolen, morshen har djouvyen, kay ap o Yezouseskro drom djana, te anell lo len an o foro Yerusalem.

Remarja 1:9

Maro Devel, koleske boudrau o tselo djiyeha oun penau i menshenge leskro čavestar, yob djinella, me penau o čačepen: Me moukau gar tele, te mangap les t'menge.

Remarja 3:21

Oun kanna, ap kava tsiro, sikras men o Devel, har krell lo i menshen čačo glan peste. Yon venn gar čačo, te rikrenn le pen ap o Moseskre laba, kay penenna, har te djivenn le. Na-a, o Devel krell hakenes čačo glan peste, kay patsell ap o Yezous Kristeste. Yaake hi kova an o Moseskre lila činlo. Ninna o Debleskre rakepangre penan kova i menshenge glan i rah tsiro. Doleske hi i bibolde gar feteder har kolla, kay kek bibolde hi.

1. Korintarja 11:19

Kova hounte vell yaake, te dikell hakeno, koon t'mendar an o patsepen mishto tardo hi.

Galatarja 5:20

Yon mangenn vavar koova an har o Debles. Yon dourkrenna. Yon kourenn pen oun čingrenn pen. Yon zilverenna, oun len hi rholi ap i vavarende. Yon dikenn ap pende kokres, te djal lenge mishto, oun dikenn gar ap i vavarende, te djal lenge ninna mishto. Yon moukenn pengre phralen oun djan vavarentsa khetne.

2. Timoteo 1:3

Hako dives oun haki rati moukau gar tele, te parkrap man pash o Debleste touke, oun te mangap o Debles touke. Yob hi kova, koleske boudrau me o djoudjo djiyeha, yaake har ninna mire phoure kova kran.

Tito 3:10

Te dell yek mensho, kay anell čingepen mashkral i patslende, pen koleske, te moukell lo kova! Yob te moukell gar tele, pen kova leske i douyto kopo! Yob te shounell gar ap toute, palle rake bouder gar leha!

1. Petro 1:11

Yon kaman ninna ko tsiro te djinell, kay kova vella. O Yezouseskro Dourho his an lende. Oun kova sikras len kol douka, hoy venna pral o Yezouseste, oun ko raylepen, hoy lell lo pal kova.

Debleskro tsiro 19:10

Oun me vitsrom man glan leste tele, te sharap les. Oun yob penas ap mande: “Ma kre kova! Share o Debles! Me hom o Debleskro boudepaskro har tou oun tire phrala, kay sikrenn i vavar menshende o Yezouseskro drom. Kolen das o Yezous o Debleskro Dourho. Kova sikrell len, te hi le leskre menshe.”