Bičepangre 24:10 - O Debleskro Lab 2024 (Sinte-Manouche)

¹⁰ Kanna sikras o Felix o vasteha ap o Pauleste, te rakrell yob. Oun o Paulo penas: “Me djinau, kay hal tou, o Felix, boud bersha o čačepaskro ray an kava them. Doleske hi man kek traash, te penap touke, har lauter vas.

O Debleskro Drom 2021 (Sinte)

¹⁰ Kanna sikras o Felix o wasteha ap o Pauleste, te rakrell job. Un o Paulo penas: “Me djinau, kai hal tu, o Felix, bud bersha o tchatchepaskro rai an kau them. Doleske hi man kek traash, te penap tuke, har lauter was.

Bičepangre 24:10 Iomraidhean Croise

Louka 12:11

Te anenn i menshe t'men glan i čačepangre oun glan i rayende oun pralstunende, ma darenn, hoy t'mer hounte rakrenna.

Louka 12:14

Penas o Yezous ap koleste: “Romeha, kova hi gar miri boudi.”

Louka 18:2

“An i foro djivas i čačepaskro ray. Kova poučas gar pal o Debleste, oun daras kek menshestar.

Bičepangre 12:17

I vastentsa sikras lo len, te denn le kek gole, oun penas lenge, har o ray Yezous les dran o stilepen vin las. Oun ninna penas o Petro lenge: “Penenn kova o Yakobeske, oun kol vavar phralenge!” Palle djas yob vin, oun djas peske an i vavar foro.

Bičepangre 13:16

Koy stas o Paulo pre, hadas o vast, te ačenn yon pokones, oun yob penas: “Morshale dran Israel, oun ninna t'mer tsele vavar, kay mangenn o Debles an, shounenn, hoy me t'menge penau!

Bičepangre 18:15

T'mer čingrenn pral o biboldengro patsepen, oun pral o Moseskre laba. Doleske anenn les glan t'mare čačepangre! Me dau les gar i phagi.”

Bičepangre 19:33

Mashkral lende his menshe, kolla djan pash o Alexandro, oun penan leske, hoske i menshe yaake divyo hi. Oun i bibolde mangan lestar, te rakrell yob ap halauterende. Yob hadas i vasta pre, te sikrell lo len, kay yob kamas te rakrell lentsa.

Bičepangre 21:40

Oun o pralstouno lourdo penas ap o Pauleste: “Palle rake!” O Paulo his tardo pral glan o kheer oun hadas peskro vast, te venn le pokones. Har yon bouder gar gole dan, rakras yob lentsa ap hebretikes.

Bičepangre 23:24

Anenn graya o Pauleske, beshenn les ap yek gray, oun anenn les pash o themeskro rayeste Felix! Denn yak ap leste ap o drom!”

Bičepangre 26:1

O Agrippa penas ap o Pauleste: “Tou nay rakreh kanna touke.” Koy hadas o Paulo o vast, oun penas:

1. Petro 3:15

O Yezous Kristo kokres te vell o ray an t'mare djia! Oun te poučenn le t'mendar čomone pral t'maro patsepen, ma darenn kek tsiro, te penenn lenge, ap koneste t'mer patsenna.

1. Samuel 2:25

Te krell yek čilačepen ap i vavar mensheste, hi lo an o Debleskro vast. Te krell lo čilačepen ap o baro Debleste, koon nay rakrell leske mishto?” Yon shounan gar ap pengro dadeste. O baro Devel kras lengre djia pandlo. Yob kamas len te marell.