Bičepangre 23:9 - O Debleskro Lab 2024 (Sinte-Manouche)

⁹ Halauter dan bari gole, oun kol čačepangre, kay ninna Farisarya his, stan pre oun čingran, oun penan: “Mer hatsah kek čilačepen ap leste. Te rakras i bolepaskro ap leste, hoy krah mer palle? Te rakras i moulo ap leste, hoy krah mer palle?”

O Debleskro Drom 2021 (Sinte)

⁹ Halauter dan bari gole, un kol tchatchepangre, kai ninna Farisarja his, stan pre un tchingran, un penan: “Mer hatsah kek tchilatchepen ap leste. Te rakras i bolepaskro ap leste, hoi krah mer palle? Te rakras i mulo ap leste, hoi krah mer palle?”

Bičepangre 23:9 Iomraidhean Croise

Gosewe laba 16:7

Te dikell o baro Devel lačes ap kova, hoy yek krell, palle krell lo, te venn ninna kolla leskre mala, kay kaman leske čilačepen.

Jeremia 26:16

Palle penan i pralstoune oun kol vavar menshe ap i rashayende oun kol rhorhene rakepangre: “Kava morsh hounte merell gar! Yob penas menge kol laba, hoy das les maro baro Devel.”

Markus 2:16

Mank i Farisarya his save, kay čačepangre hi. Har yon dikan, kay yob kolentsa rhal, penan le ap leskre malende: “Hoske rhal yob kolentsa, kay lenn i biboldendar love i Remaryenge dren, oun kol vavarentsa, kay hi ninna pale-čiddo?”

Louka 23:22

Oun o Pilato poučas lendar o triinto kopo: “Havo čilačo koova kras yob? Yaake har me kova dikau, kras yob či, te hounte vell yob maredo. Me dau les dava, oun moukau les te djal.”

Louka 23:4

Koy penas o Pilato ap kol bare rashayende oun ap kol vavar menshende, kay kote tardo hi: “Me hatsom kek doosh ap leste.”

Louka 5:30

Oun i Farisarya oun i biboldengre čačepangre his rhoyemen ap o Yezouseste. Oun yon penan ap leskre malende: “Hoske rhan t'mer kolentsa, kay lenna love i Remaryenge dren, oun kol vavarentsa, kay ninna čilačo koova kran oun doleske pale-čiddo hi?”

Johanni 12:29

Boud menshe, kay koy pashel tardo hi oun shounan kova, penan: “O bolepen das gole.” Vavar penan: “Kova his i Debleskro bolepaskro, kay rakras leha.”

Bičepangre 11:17

Me dikom, o Devel das lende ninna peskro Dourho, yaake har yob mende das, har mer patsam ap o rayeste, o Yezous Kristeste. Koon hom me, te rikrap me o Debles pre?”

Bičepangre 22:6

Yaake djom ap o drom an o foro Damaskus. Har me homs i paash dives glan o foro Damaskus, vas ap yek kopo i bari momeli dran o bolepen troul mande.

Bičepangre 22:7

Me perom ap i phoub, oun shounom, har yek ap mande penas: Saulo, Saulo, hoske leh tou man palla?

Bičepangre 23:29

Me hatsom vin, te hayvell lo i biboldengro čačepen vavarčandes har yon. Kova hi leskri doosh. Me hatsom či, te nay marams les, vitar kek doosh, te nay čivams les an o stilepen.

Bičepangre 23:8

Kol Sadducarya patsenn gar, kay o Devel i moulen djides krella. Oun yon patsenn vitar gar, te dell bolepangre oun vavar, kay nay venn gar diklo. I Farisarya patsenn kova lauter.

Bičepangre 25:25

Me hatsom či ap leste, te nay marap les. Yob kokres kamell pash o baro rayeste an o foro Rom te djal. Oun yaake penom, te vell lo kote anlo.

Bičepangre 26:31

Har yon penge djan, rakran yon tel pende: “Kava morsh kras či, te hounte vell lo maredo, vitar či, te vell lo stildo.”

Bičepangre 27:23

Kay rat vas i bolepaskro pash mande. Koles bičras miro Devel, koleske boudrau.

Bičepangre 5:39

Te hi ko koova o Deblestar, palle nay phagenn les gar. Denn yak, te čingrenn t'mer gar ap o Debleste.” Oun yon shounan ap o Gamaliel.

Bičepangre 9:4

Oun yob peras ap i phoub oun shounas i rakepen. Kova penas ap leste: “Saulo, Saulo, hoske leh tou man palla?”

1. Korintarja 10:22

Ma rhoyrenn o Debles! Mer ham gar zorleder har yob.

1. Samuel 12:5

Yob penas ap lende: “O baro Devel oun t'maro baro ray, koles yob vi-rodas, kolla douy dikenn oun shounenn kava dives, te hatsan t'mer či an miro vast.” “Ava, yaake hi kova”, penan le.

1. Samuel 24:17

Har o David kol laba ap o Sauleste rakras, penas o Saul: “Shounau me gar tout, miro čaves David, kate?” Oun o Saul rovas zoreles.