Bičepangre 23:11 - O Debleskro Lab 2024 (Sinte-Manouche)

¹¹ An koy rati moukas pes o ray Yezous glan o Pauleste te dikell, oun penas ap leste: “Ma traash, Paulo! Yaake har tou mandar an o foro Yerusalem rakral, yaake hounte rakress mandar ninna an o foro Rom.”

O Debleskro Drom 2021 (Sinte)

¹¹ An koi rati mukas pes o rai Jesus glan o Pauleste te dikell, un penas ap leste: “Ma traash, Paulo! Jaake har tu mandar an o foro Jerusalem rakral, jaake hunte rakress mandar ninna an o foro Rom.”

Bičepangre 23:11 Iomraidhean Croise

Debleskri gili 109:31

Yob vell o čorveleske ap i rig, oun lell les vin dran i vasta kolendar, kay penenn: “Yob hounte vell maredo.”

Jesaja 41:10

Ma dare! Me hom touha! Ma dik darenes! Me hom tiro Devel! Me krau tout zoreles, me vau ap tiri rig, ava, me rikrau tout miri čači moussyah, hoy krell tout zorleder har i vavar.

Jesaja 41:14

Ma dare, tou kirmo Yakob, tou djouv Israel! Me, rikrau pash toute, me, o baro Devel. Kova, kay ginas tout vin dran o vavareskro vast, hom me, o Israeleskro čačo Devel.

Jesaja 43:2

Te djah tou an o pani, me hom pash toute, te tassenn tout kol zorele panya gar. Oun te djah tou an i yag, palle rhačell li tout gar, oun nay krell touke či.

Jesaja 46:10

An o phouro tsiro penom me glan-vi, hoy vella. Glan rah tsiro rakrom kolestar, hoy gomme gar his. Oun me penau: Kova hoy me mange glan lom, vell yaake. Oun me krau lauter, hoy kamau te krell.

Mateo 14:27

Koy penas lo sik ap lende: “Ma darenn! Me hom. Lauter hi mishto!”

Mateo 28:20

Penenn lenge, te rikrenn le ap lauter, hoy me t'menge penom! Čačepah, me hom pash t'mende hako dives yaake rah, har i phoub koy hi.”

Mateo 9:2

Oun yon anan i morshes pash leste. Kova nashte nashell gar oun his ap o čiben čiddo. Oun har o Yezous kolengro patsepen dikas, penas lo ap ko morsheste: “Ma traash, miro čavo! Me lau tiri doosh toutar.”

Louka 16:28

Man hi panč phrala. Kolenge hounte penell yob, har mange djala, te venn yon gar koy, kay me hom, oun bare douka lom.

Johanni 14:18

Me moukau t'men gar kokres, har te vell t'men kek dad. Me vau pash t'mende.

Johanni 16:33

Kova lauter penom t'menge, te vell t'men i bari barht an o dji pral kova, kay han mire. Kate ap kay phoub hi t'men daar. Ma darenn! Me hom zorleder har halauter ap kay phoub.”

Bičepangre 18:9

I rati penas o ray Yezous an i souni ap o Pauleste: “Ma traash! Rake mandar oun mouk gar tele!

Bičepangre 19:21

Pal kava koova kamas o Paulo pral i themma Macedonia oun Akaya an o foro Yerusalem te djal, oun penas: “Oun pal kova hounte dikap me o foro Rom ninna.”

Bičepangre 2:25

Ninna o David rakras o Yezousestar, har yob penas: Me dikau hako tsiro ap o Debleste, miro rayeste. Yob dell man zoor, te rikrap man ap leste.

Bičepangre 20:22

Oun kanna penell mange o Debleskro Dourho, te djap an o foro Yerusalem. Oun me hounte shounap ap leste. Hoy i bibolde an o foro Yerusalem mantsa krenna, kova djinau gar.

Bičepangre 22:15

Tou hounte rakress lestar glan i tsele menshende oun peness, hoy tou dikal oun shounal.

Bičepangre 22:18

Oun me dikom o Yezouses, oun yob rakras ap mande: Dja yaake sik har djala dran o foro Yerusalem. Kal menshe kate patsenn gar, hoy tou pral mande peneh.

1. Korintarja 9:1

Dikenn ap mande, har me hom! Me nay kroms, hoy me kamau, oun me krau les gar. Hom me gar o Yezouseskro bičepaskro? Ava, me hom o Yezouseskro bičepaskro. Me dikom o Yezouses, maro rayes. T'mer djinenna, koon t'men ap o Debleskro drom anas. Kova homs me.

Filiparja 1:13

I tsele lourde, kay denn garda ap o themeskro rayeskro kheer, ninna kol vavar, kay kate hi, kolla lauter djinenn kanna, kay hom me o Yezous Kristeske an o stilepen.

2. Timoteo 4:17

O ray Yezous his ap miri rig, oun das man i zoor, te nay penap kote o tselo lačo lab lestar, yaake te shounan les ninna kolla, kay hi kek bibolde. Oun yob las man yaake dran lengre vasta vin, har te voms dran i leveskro mouy vin lino.