Bičepangre 22:4 - O Debleskro Lab 2024 (Sinte-Manouche)

⁴ Me lom kolen palla, kay djan ap o nevo drom – me lom len yaake palla, te marom len. Morshen oun djouvyen pandom, oun vitsrom len an o stilepen.

O Debleskro Drom 2021 (Sinte)

⁴ Me lom kolen palla, kai djan ap o newo drom – me lom len jaake palla, te marom len. Murshen un djuwjen pandom, un witsrom len an o stilepen.

Bičepangre 22:4 Iomraidhean Croise

Bičepangre 16:17

Koya las o Paules oun men palla, oun das gole: “Kalla morsha boudrenn ko baro Debleske! Kalla sikrenn t'menge o drom pash leste.”

Bičepangre 18:26

O Apollo djas an i biboldengri kangri, oun les his kek traash, te penell lo kote i biboldenge o Yezousestar. Har o Akvila oun i Priska les shounan, lan le les pash pende khere, oun sikran leste o Debleskro drom feteder oun boudeder.

Bičepangre 19:23

Ap ko tsiro vas i baro čingepen an o foro Efesus pral o nevo patsepen ap o Yezouseste.

Bičepangre 19:9

Koy his ninna menshe pashel, kay kaman o Yezousestar či te djinell oun kaman gar ap leste te patsell. Oun glan i menshende rakran le djoungelo koova pral o patsepen ap o Yezouseste. Koy moukas o Paulo kol vavar patslentsa i biboldengri kangri, oun rakras hako dives an ko sikepaskro kheer, kay o Tiranno o sikepaskro hi.

Bičepangre 24:14

Kava penau touke: Hi čačo, kay me djau ap ko nevo drom, hoy hi kolenge i rhorheno drom. Ap kava nevo drom mangau me ko Debles an, koles ninna mire phoure an-mangan. Oun me patsau halauter, hoy o Mose oun o Debleskre rakepangre an pengre lila činan.

Bičepangre 7:58

tradan les dran o foro vin, oun vitsran barrentsa ap leste. Oun kolla, kay vitsran i barra, rivan pengre koola vin, oun i terno morsh, kay kharas Saulo, das ap lende yak.

Bičepangre 9:21

Lauter kolla, kay shounan kova, ačas o rakepen krik, oun yon penan: “Hi kova gar ko morsh, kay las an o foro Yerusalem i tsele patslen palla, oun kamas len te marell, kolen, kay denn o Yezouseskro lab an-gole? Vas yob gar kate, te anell yob i patslen pandlo glan kol bare rashayende an o foro Yerusalem?”

1. Korintarja 15:9

Me lom i patslen palla, te marap len. Doleske hom me o tikneder mashkral lende, kolen o Yezous bičras, te penenn le i menshenge o lačo lab lestar. Oun me hom gar moldo, te penenn yon, kay me yek lendar hom.

Galatarja 1:13

T'mer shounan, har me djivom an o biboldengro patsepen, oun lom kolen palla, kay patsenn ap o Yezous Kristeste, oun kamom, te marap len.

Filiparja 3:6

Miri tseli zoryah lom kolen palla, kay ap o Yezous Kristeste patsenna. Me krom kova lauter, hoy an o Moseskre lila činlo hi, oun kek nay anas i doosh ap mande.

2. Petro 2:2

Boud vavar dikenn lengro vi-ladjedo djipen, oun krenn yaake har yon, oun djivenn ninna i vi-ladjedo djipen. Doleske rakrenn kolla, kay gar patslo hi, djoungeles pral o Debleskro drom.