Bičepangre 21:8 - O Debleskro Lab 2024 (Sinte-Manouche)

⁸ O vavar dives djam mer doureder, oun vam an o foro Cesarea. Kote djam an o kheer, kay o Filipo djivell, oun ačam pash leste. Kova his i morsh, kay penell i menshenge o lačo lab o Yezous Kristestar. Yob his yek kol eftendar, kay his vi-rodedo an o foro Yerusalem, te denn le i čorvele patslende rhapaske.

O Debleskro Drom 2021 (Sinte)

⁸ O wawar diwes djam mer dureder, un wam an o foro Cesarea. Kote djam an o kheer, kai o Filipo djiwell, un atcham pash leste. Kowa his i mursh, kai penell i menshenge o latcho lab o Jesus Kristestar. Job his jek kol eftendar, kai his wi-rodedo an o foro Jerusalem, te denn le i tchorwele patslende chapaske.

Bičepangre 21:8 Iomraidhean Croise

Bičepangre 10:1

An o foro Cesarea djivas i morsh, ko kharas Kornelio. Kova his i Remaryengro pralstouno pral sheel lourdende. Kolen kharan le i lourde dran Italia.

Bičepangre 16:10

Koy pre rodam mer sik i shiffo, kay lell men peha an o them Macedonia. Mer djinam, kay das men o Devel gole, te penas kote i menshenge o lačo lab o Yezous Kristestar.

Bičepangre 16:13

Ap o Debleskro dives djam mer vin glan o foro pash o pani. Mer patsam, te venn pash o pani menshe khetne, kay mangenn kote o Debles an. Koy besham men tele, oun rakram kolla djouvyentsa, kay kote van.

Bičepangre 16:16

Yek dives, har mer djam pale pash o pani, kay yon mangan o Debles an, tapram mer i rakli, an kolate his i beng, kova das lat o dourkepen. Lakro dourkepah anas li lakre rayenge boud love dren.

Bičepangre 18:22

oun vas an o foro Cesarea. Kote vas lo i patslentsa khetne. Palle djas lo tele an o foro Antiochia.

Bičepangre 20:13

O Paulo kamas kokres o tselo drom an o foro Assos te nashell. Mer vavar djam lauter ap o shiffo, oun ouleram glan-vi an o foro Assos. Kote kamam mer o Paules ap o shiffo te lell. Yaake kamas o Paulo kova mendar.

Bičepangre 20:6

Har i divessa trouyel his, kay i bibolde kek shoutlo maro rhan, ouleram mer ap o shiffo dran o foro Filipi vin, oun vam pal panč divessa an o foro Troas. Kote ačam efta divessa.

Bičepangre 21:16

Mentsa djan ninna patsle dran o foro Cesarea. Yon anan men pash o Menason. Kova his i patslo, kay vas dran o them Ciprus, oun vas glan o rah tsiro patslo. Pash leste ačam nay i tsiro.

Bičepangre 23:23

O pralstouno lourdo das douy bare lourden pash peste gole, oun penas lenge: “Lenn douy-sheel lourden t'mentsa, te djan t'mer enyenge an i rat an o foro Cesarea. Lenn ninna efta-deesh lourden t'mentsa, kay ap i graya klissenna, oun douy-sheel vavar lourden.

Bičepangre 27:1

Har kran le vin, te oulerah mer ap o shiffo an o them Italia, dan le o Paules oun vavar stilden an i vasta i baro lourdestar. Leskro lab his Yulio. Kova his i pralstouno pral kol lourdende, kay o baro rayeskre lourde kharedo venna.

Bičepangre 28:16

Har vam an o foro Rom dren, nay las peske o Paulo i isema an i kerčima. Oun i lourdo das garda ap leste.

Bičepangre 6:5

Ko rakepen his i tsele patslenge mishto. Yon rodan o Stefanes vin, koles his i zorelo patsepen oun his i morsh pherdo Debleskro Dourho. Yon rodan ninna vin o Filipo, o Prokoro, o Nikanor, o Timon, o Parmenas oun o Nikolaus. Kova his i gricho dran o foro Antiochia, kay las i biboldengro patsepen an oun patsas kanna ap o Yezouseste.

Bičepangre 9:30

Har kol patsle kova shounan, anan le les an o foro Cesarea, oun bičran les doureder an o foro Tarsus.

Efesarja 4:11

Yob hi kova, kay das i patslen pengri boudi. Koy hi kolla, kolen yob bičras, te penenn le i menshenge lestar. Vavar rakrenna, hoy yob lenge an o dji čivas, hoy kek vavar djinella. Vavar anenn kol menshen, kay gar patslo hi, pash o Yezous Kristeste. Pale vavar rikrenn i patslen khetne, oun sikrenn lende o Debleskro drom.

2. Timoteo 4:5

Tou, Timoteo, de yak har tou djiveh! Rike vin, ninna te krenn le touke o djipen phares! Pen i menshenge o lačo lab o Yezous Kristestar! Koy boudi das tout o Devel. Kre koy boudi mishto!