Bičepangre 21:5 - O Debleskro Lab 2024 (Sinte-Manouche)

⁵ Pal efta divessa djam mer doureder. Mentsa djan i phrala pengre romyentsa oun i čaventsa dran o foro vin pash o pani. Oun kote djam mer ap i čanga oun mangam o Debles an.

O Debleskro Drom 2021 (Sinte)

⁵ Pal efta diwessa djam mer dureder. Mentsa djan i phrala pengre romjentsa un i tchawentsa dran o foro win pash o pani. Un kote djam mer ap i tchanga un mangam o Debles an.

Bičepangre 21:5 Iomraidhean Croise

1. Rajengro liil 8:54

Oun har o Salomo o baro Deblestar yaake mangas, his lo čiddo ap peskre čanga glan o Debleskri rhačepaskri oun rikras peskre vasta an o bolepen. Har yob halauter penas, hoy yob kamas te penell, stas lo pre oun las ninna peskre vasta pale tele.

2. Familjakro liil 20:13

Oun i tsele morsha dran o them Youda, ninna lengre čave oun djouvya pengre tikne čaventsa, halauter his tardo glan o baro Debleste.

Nehemia 12:43

Oun ap ko dives anan le boud firhen o Debleske. Oun yon givan oun khelan i barhtyatar. O Devel kras, te van lengre djia barhtelo oun san. Oun ninna i djouvya oun i čave dan gole i barhtyatar. Oun koy bari barhteli gole an o foro Yerusalem vas shounlo foun doural.

Debleskri gili 95:6

Avenn, mangas les an! Te djas ap mare čanga, oun peras tele glan o baro Debleste! Yob hi kova, kay kras men.

Mateo 14:21

Kolla, kay rhan, his nay yaake panč zerya (5.000) morsha. Ninna boud djouvya oun čave his kote pashel.

Markus 1:40

I morsh vas pash o Yezouseste. Koles his i djoungelo nasslepen, kay leskro mass tele merella. Yob peras glan leste tele, oun mangas lestar: “Te kameh tou, nay kreh man sasto.”

Louka 22:41

Oun o Yezous kokres djas i tikno kotar doureder, oun vitsras pes ap i čanga,

Bičepangre 15:3

Oun i phrala penan ap o Pauleste oun ap o Barnabeste: “Djan o Debleha!” Oun kol douy kran pen ap o drom oun van an i themma Fenicia oun Samaria. Oun kote penan le i menshenge, har kolla, kay kek bibolde hi, patslo van. Koy pral van i tsele patsle barhtelo.

Bičepangre 17:10

An koy rat bičran kol patsle o Paules oun o Silases an o foro Berea. Har yon koy van, djan yon an i biboldengri kangri.

Bičepangre 20:36

Har o Paulo kova penas, djas lo lauterentsa ap i čanga oun mangas o Debles lenge.

Bičepangre 20:38

Ko lab, hoy o Paulo penas, te dikenn le les bouder gar pale, kras len bare douka an o dji. Palle djan le leha pash o shiffo.

Bičepangre 9:40

Oun o Petro tradas len vin, djas ap i čanga glan o Debleste, mangas o Debles, oun djas pash koy mouli djouvyate oun penas: “Tabita, ste pre!” Koy kras yoy peskre yaka pre. Har yoy o Petres dikas, beshas pes li pre.

Josua 24:15

Hi t'menge gar mishto an t'mare yaka, te mangenn o baro Debles an, palle rodenn kava dives kate vin, kones t'mer kamenn an-te-mangell: Kol deblen, kolen t'mare phoure an-mangan, har yon gomme ap i vavar rig o lengsto panyestar his, oder kol rhorhene deblen, kolen i Amorarya an-mangenn, an kolengro them t'mer kanna djivenn. Me oun miro kheer, mer kamah o baro Debles an-te-mangell.”

Josua 8:35

Oun his kek lab, hoy moukas o Yosua gar vin te kharell kol tsele labendar, hoy o Mose penas. Oun i tsele Israelitarya, ninna i djouvya oun čave oun vi-themarya mank lende shounan kova.