Bičepangre 21:31 - O Debleskro Lab 2024 (Sinte-Manouche)

³¹ I menshe djan ap o Pauleste pre oun kaman les te marell. Koy vas o pralstuneske pral i lourdende penlo, kay halauter an o foro Yerusalem divyo van.

O Debleskro Drom 2021 (Sinte)

³¹ I menshe djan ap o Pauleste pre un kaman les te marell. Koi was o pralstuneske pral i lurdende penlo, kai halauter an o foro Jerusalem diwjo wan.

Bičepangre 21:31 Iomraidhean Croise

1. Rajengro liil 1:41

Oun o Adoniya shounas kova oun halauter, kay pash leste his, har o rhapen trouyel his. Oun har o Yoab shounas, har phourdan le an i phourdepangre, penas lo: “Hoy hi koy bari divyi gole an o foro?”

Mateo 26:5

“Mer taprah les gar ap o Passa,” penan le, “te venn i menshe gar divyo oun rhoyedo ap mende.”

Mateo 27:27

Palle anan o Pilateskre lourde o Yezouses an o baro kheer o themeskro rayestar. Oun yon dan i tsele lourden gole, te venn le kote khetne.

Markus 14:2

Yon penan mashkral pende: “Mer taprah les gar ap o Passa, te venn i menshe gar divyo oun rhoyedo ap mende.”

Johanni 16:2

Yon krenn t'men pale-čiddo. Oun ko tsiro vella, kay denn yon t'men moulo oun penenn: O Devel kamas kova yaake.

Johanni 18:12

Oun i lourde pengro pralstuneha oun i biboldengre kliste tapran o Yezouses oun pandan les.

Bičepangre 10:1

An o foro Cesarea djivas i morsh, ko kharas Kornelio. Kova his i Remaryengro pralstouno pral sheel lourdende. Kolen kharan le i lourde dran Italia.

Bičepangre 17:5

I bibolde, kay gar ap o Yezouseste patsan, zilveran ap o Pauleste oun ap o Silaseste. Oun yon djan ap o drom, rodan čilače morshen, oun lentsa kran le i menshen an ko foro divyo. Oun yon djan pash ko kheer, kay djivas o Yason. Yon patsan, te vans o Paulo oun o Silas pash leste. Oun i bibolde oun i čilače kaman len dran o kheer vin te anell glan i tsele menshende.

Bičepangre 19:40

Kava dives kran t'mer i menshen divyo čičeske. Kanna hounte trashas mer, te vell kova glan i čačepangre. Oun mer nay penah lenge či, hoske kram kova.” Oun har yob kova penas, bičras lo len khere.

Bičepangre 21:38

Hal tou gar ko morsh dran o them Egiptia, kay glan i tsiro i čingepen kras, oun anas star-sheel marepangren an o moulo them vin?”

Bičepangre 22:22

Har kol tsele menshe o Pauleskre laba shounan, dan le lauter gole: “Anenn les krik oun denn les moulo!”

Bičepangre 23:17

O Paulo das i baro lourdes pash peste gole, oun penas: “An ko terno morshes pash ko pralstuneste! Yob kamell leske čomone te penell.”

Bičepangre 24:22

O Felix, kay boud djinas ko nevo dromestar, čivas o tselo koova ap o vavar dives, oun penas: “Te vell ko pralstouno lourdo Lisias pash mende, palle penau me, hoy me krau o Pauleha.”

Bičepangre 24:6

Yob kamas o Debleskro baro kheer praasedo te krell. Koy pashel tapram les.

Bičepangre 24:7

Har kaman les i phagi te dell pal maro čačepen, vas ko pralstouno lourdo, o Lisias, oun tserdas les zoryah dran mare vasta.

Bičepangre 25:23

O vavar dives vas o Agrippa oun i Bernike rayles an-rido an o shoukar baro kheer, kay i pralstoune khetne venna. Oun kol pralstoune lourde, oun vavar foreskre pralstoune van lentsa kote khetne. Oun o Festo moukas o Paules gole te dell.

Bičepangre 26:21

Doleske tapran man kol bibolde an o Debleskro baro kheer, oun kaman man te marell.