Bičepangre 21:26 - O Debleskro Lab 2024 (Sinte-Manouche)

²⁶ Koy las o Paulo kol morshen pash peste. Oun o vavar dives thovas lo pes lentsa khetne pal o biboldengro čačepen. Palle djas yob an o Debleskro baro kheer. Oun kote penas lo i rashayenge: “Mer thovam men pal o biboldengro čačepen. An efta divessa anah mer firhen hakeneske mendar, te venn le maredo o Debleske. Koy tsiro hi kanna trouyel, ap hoy mer men sovel dam.”

O Debleskro Drom 2021 (Sinte)

²⁶ Koi las o Paulo kol murshen pash peste. Un o wawar diwes thowas lo pes lentsa khetne pal o biboldengro tchatchepen. Palle djas job an o Debleskro baro kheer. Un kote penas lo i rashajenge: “Mer thowam men pal o biboldengro tchatchepen. An efta diwessa anah mer viechen hakeneske mendar, te wenn le maredo o Debleske. Koi tsiro hi kanna trujel, ap hoi mer men sowel dam.”

Bičepangre 21:26 Iomraidhean Croise

4. Mose 19:11

Koon i moulo menshes an-tapella, kova hi efta divessa pale-čiddo.

Johanni 11:55

His i tikno tsiro glan kol bare biboldengre divessa, kay kharenna Passa. Dran ko tselo them van i menshe an o foro Yerusalem, te thovenn pen le an o pani glan o Passa, yaake har i biboldengro koova hi.

Bičepangre 21:24

Ko tsiro hi sik trouyel. Le len pash toute, oun thob tout lentsa khetne pal o biboldengro čačepen, oun de len love, te moukenn yon pengre balla tele te činell! Yaake dikenn i tsele bibolde, kay kova gar čačo hi, hoy yon pral toute penan. Oun yon dikenna, kay tou pal o biboldengro čačepen djiveh.

Bičepangre 24:18

Har homs an o Debleskro baro kheer oun thovom man pal o biboldengro čačepen, his gar boud menshe pash mande, vitar kek, kay his rhoyedo oun divyo.

1. Korintarja 9:20

Te hom pash i biboldende, palle djivau har i biboldo, oun rikrau man ap o Moseskre laba, te anap i bibolden pash o Yezouseste, ninna te hom me gar tel o Moseskre laba tardo.