Bičepangre 21:1 - O Debleskro Lab 2024 (Sinte-Manouche)

¹ Mer penam ap lende “Ačenn o Debleha,” oun ouleram ap o shiffo an o them Kos. Oun o vavar dives vam ap ko kotar them an o pani, hoy Rodos kharella. Oun palle ouleram doureder an o foro Patara.

O Debleskro Drom 2021 (Sinte)

¹ Mer penam ap lende “Atchenn o Debleha,” un uleram ap o shiffo an o them Kos. Un o wawar diwes wam ap ko kotar them an o pani, hoi Rhodos kharella. Un palle uleram dureder an o foro Patara.

Bičepangre 21:1 Iomraidhean Croise

Louka 5:4

Oun pal kova penas lo ap o Simoneste: “An ko bero doureder ap o pani, oun vitsrenn t'mare mačengre gone vin, te taprenn t'mer i mače!”

Louka 8:22

Vas i dives, kay o Yezous peskre malentsa an i bero djas. Oun yob penas ap lende: “Djas ap i vavar panyeskri rig!” Oun yon ouleran ap o baro pani.

Bičepangre 27:2

Mer djam ap o shiffo. Kova vas dran o foro Adramitsyon oun ouleras an kol forya, kay pash o pani an o them Asia čiddo hi. Mentsa vas ninna i morsh dran o foro Tessalonika. Leskro lab his Aristarko.

Bičepangre 27:4

Har mer doureder ouleram, phourdas i baro dourho pral o baro pani. Doleske ouleram mer ap koy rig ko themestar Ciprus, kay ko baro dourho gar yaake zoreles phourdas.

1. Tessalonikarja 2:17

Mire phrala, ninna te dikam men nay i tsiro gar, hams hako tsiro pash t'mende maro djiyeha. Maro dji nashell pal t'mende, oun mer kram lauter, te dikas t'men.