Bičepangre 20:6 - O Debleskro Lab 2024 (Sinte-Manouche)

⁶ Har i divessa trouyel his, kay i bibolde kek shoutlo maro rhan, ouleram mer ap o shiffo dran o foro Filipi vin, oun vam pal panč divessa an o foro Troas. Kote ačam efta divessa.

O Debleskro Drom 2021 (Sinte)

⁶ Har i diwessa trujel his, kai i bibolde kek shutlo maro chan, uleram mer ap o shiffo dran o foro Filipi win, un wam pal pantch diwessa an o foro Troas. Kote atcham efta diwessa.

Bičepangre 20:6 Iomraidhean Croise

2. Mose 23:15

kol bare divessa, kay rhah tou efta divessa ko maro, an koleste kek shoutlo yarro dren hi. Kol divessa rikress tou an o čon Abib. Kova kress tou, te bistress gar, te nashal an ko čon dran o them Egiptia. Oun ab gar an o Debleskro kheer, te hi či an tiro vast, hoy tou leske aneh!

2. Mose 34:18

Ma bistrenn kol bare divessa, kay rhan kek maro dran shoutlo yarro. An o čon Abib rhan efta divessa kek maro dran shoutlo yarro yaake har me t'menge penom! An ko čon djan t'mer vin dran o them Egiptia.

Bičepangre 12:3

Har o Herodes hayvas, kay kova mishto his an i biboldengre yaka, moukas yob ninna o Petres te taprell. Kova his an ko tsiro, kay rhan i bibolde kek shoutlo maro.

Bičepangre 16:10

Koy pre rodam mer sik i shiffo, kay lell men peha an o them Macedonia. Mer djinam, kay das men o Devel gole, te penas kote i menshenge o lačo lab o Yezous Kristestar.

Bičepangre 16:12

Palle ouleram doureder an o foro Filipi. Kova hi i foro an ko them Macedonia. Kote djivan boud Remarya. Mer ačam i tsiro an ko foro.

Bičepangre 16:8

Koy djan le mank o them Misia tele an o foro Troas.

Bičepangre 20:16

O Paulo kamas gar an o foro Efesus te djal, te nashrell lo an ko them Asia kek tsiro. Yob kamas yaake sik har djala an o foro Yerusalem te djal, te vell lo kote ap o baro dives, kay kharella Fingsta.

Bičepangre 20:5

Kolla ouleran glan-vi, oun ačan an o foro Troas, bis te vam ninna kote.

Bičepangre 21:4

Kote rodam i patslen, oun har hatsam len, ačam efta divessa pash lende. O Debleskro Dourho penas kote i patslenge, te venn bare douka ap o Pauleste an o foro Yerusalem. Koy penan yon ap leste, te djal lo gar an o foro Yerusalem.

Bičepangre 21:8

O vavar dives djam mer doureder, oun vam an o foro Cesarea. Kote djam an o kheer, kay o Filipo djivell, oun ačam pash leste. Kova his i morsh, kay penell i menshenge o lačo lab o Yezous Kristestar. Yob his yek kol eftendar, kay his vi-rodedo an o foro Yerusalem, te denn le i čorvele patslende rhapaske.

Bičepangre 28:14

Kote hatsam patslen. Kolla mangan mendar, te ačas efta divessa pash lende. Palle djam doureder an o foro Rom.

Filiparja 1:1

Mer, o Paulo oun o Timoteo, činah kava liil. Mer boudrah o Yezous Kristeske, oun činah kava liil ap lauterende, kolen o Devel vin gole das an o foro Filipi, te patsenn le ap o Yezous Kristeste. Kava liil hi ninna i pralstunenge, kay denn garda ap i patslende, ninna kolenge, kay krenn o Debleskri boudi mashkral i patslende.

1. Tessalonikarja 2:2

Glan ko tsiro, kay vam pash t'mende, hams an o foro Filipi. Ninna te vam kote palla lino oun dino, har t'mer djinenn, djam pal kova pash t'mende an o foro Tessalonika. O Devel das men i zoor, te penas t'menge o Debleskro lačo lab, ninna te his pash t'mende boud menshe, kay kran menge o djipen phares.

2. Timoteo 4:13

Te veh tou, an mange miri plaashka, kay moukom an o foro Troas pash o morsheste, kay kharella Karpous. An ninna kol lila oun kol ledertikre patria touha, kay yaake boud moldo hi.