Bičepangre 20:37 - O Debleskro Lab 2024 (Sinte-Manouche)

³⁷ Koy rovan le lauter zoreles, tapran les trouyel oun čoumran les.

O Debleskro Drom 2021 (Sinte)

³⁷ Koi rowan le lauter soreles, tapran les trujel un tchumran les.

Bičepangre 20:37 Iomraidhean Croise

1. Mose 45:14

Oun yob peras peskro phraleske Benyamin troul i meen oun rovas. Oun ninna o Benyamin rovas ap leskro beč.

1. Mose 46:29

Har yon an o them Gosen van, pandas o Yosef i graya glan peskro vourdin oun ouleras an o them Gosen pash peskro dadeste Israel. Har o Yosef les dikas, čivas yob peskre moussya troul leste, oun rovas ap leskro beč oun nay heras gar pre.

2. Samuel 15:30

O David djas ap o djeteskri berga oun rovas. Oun leskro shero his čakedo. Oun yob djas pirkenes. Ninna kol tsele menshe, kay hi pash leste, kolengro shero his čakedo. Yon djan pre oun rovan.

1. Rajengro liil 19:20

Oun o Elisa moukas i groumyen, nashas pal o Eliya oun penas: “Mouk man te čoumrap miro dades oun miri day! Pale vau oun djau touke pal.” Kote penas lo ap leste: “Mishto, dja koy! Ma biste, hoy me touke krom.”

2. Rajengro liil 20:3

“Ah, baro Devel, mangau tout, biste gar, kay djivom glan toute an o čačepen oun i djoudjo djiyeha oun krom, hoy mishto hi glan tire yaka.” Oun o Hiskiya rovas i baro ropen glan leste.

Esra 10:1

Oun har o Esra glan o Debleskro kheer ap peskre čanga čiddo his, oun ropah o Debleha rakras oun koy tseli doosh vin rakras, van boud menshe dran Israel troul leste trouyel, morsha, djouvya oun čave; oun yon halauter rovan zoreles.

Hiob 2:12

Har dikan le les foun doural, prindjran le les gar bouder pale. Oun yon rovan phares. Oun zoryah tserdas hakeno lendar peskre koola pestar tele, oun kras len paash. Oun yon vitsran čik pre oun ap pengre sherya.

Debleskri gili 126:5

Koon ropah o djob an i phoub vitsrella, kova dell gole i barhtyatar ap ko dives, kay lell lo o djob dren.

Louka 15:20

Oun yob stas pre, oun djas pash peskro dadeste pale. Har leskro dad les doural dikas, khaytas o čavo les. Oun o dad nashas pash leste, tapras les trouyel, oun čoumras les.

Remarja 16:16

Taprenn t'men trouyel, oun denn t'men i čoum! Kova sikrella hakeneste, t'mer han phrala oun phenya an o patsepen. I tsele patsle, kay ap o Yezous Kristeste patsenna, penenn t'menge: Ačenn maro Debleha!

1. Korintarja 16:20

I tsele patsle penenn t'menge lače laba. Penenn t'menge lače laba, oun taprenn t'men trouyel, oun denn t'men i čoum. Koleha sikrenn t'mer, te han phrala oun phenya an o patsepen.

2. Korintarja 13:12

Taprenn t'men trouyel, oun denn t'men i čoum! Kova sikrella hakeneste, t'mer han phrala oun phenya an o patsepen. I tsele patsle penenn t'menge. “Ačenn maro Debleha!”

1. Tessalonikarja 5:26

Penenn i tsele patslenge mendar: “Ačenn o Debleha!” Oun denn len i čoum!

2. Timoteo 1:4

Me bistrau nay gar, har tou glan mande roval, oun dikau tout yaake glan mande. Doleske kamau me tout o tselo djiyeha pale te dikell, te vap barhtelo.

Debleskro tsiro 21:4

Oun yob khossella hake sva ap lengre yaka tele. Oun o merepen dell gar bouder, vitar kek bibarht, kek ropen oun kek douka. Kova hoy his, dell gar bouder.

Debleskro tsiro 7:17

O terno bakro, hoy mashkral o Debleskro beshepaskro hi, kova dell yak ap lende, har i bakrengro ray ap peskre bakre yak della, oun anell len pash o pani, hoy o djipen della. Oun o Devel khossell hake sva ap lengre yaka tele.

1. Samuel 20:41

Har ko čavo peske djas, vas o David vin dran peskro khatepen pal kol barra, oun peras glan o Yonatan tele, oun čivas pes triin kope glan tele ap i phoub. Oun palle lan le pen trouyel oun čoumran pen, oun rovan khetne, o David gomme boudeder har o Yonatan.