Bičepangre 20:28 - O Debleskro Lab 2024 (Sinte-Manouche)

²⁸ Denn garda ap t'mende oun ap kol tsele patslende! Kolen ginas o Devel peskro čaveskro rateha. O Debleskro Dourho das len an t'mare vasta, te denn garda ap lende. T'mer han lengre bakrengre.

O Debleskro Drom 2021 (Sinte)

²⁸ Denn garda ap tumende un ap kol tsele patslende! Kolen ginas o Dewel peskro tchaweskro rateha. O Debleskro Ducho das len an tumare wasta, te denn garda ap lende. Tumer han lengre bakrengre.

Bičepangre 20:28 Iomraidhean Croise

Debleskri gili 74:2

Ma biste gar, te ham kol menshe, kay tou touke glan i rah tsiro vi-rodal. Tou ginal men vin dran i vasta kolendar, kay men tele rikran. Tou kamal, te vas mer tiro. Ma biste i berga Sion, hoy touke vi-rodal, te djivess kote.

Gosewe laba 10:21

O rakepen kolestar, kay an o čačepen tardo hi, dell boud menshen nevi zoor. Kolen či an o shero hi, kolla merenn dran ko dinelo koova, hoy le kran.

Jesaja 40:11

Yob dell yak ap lende har i bakrengro dell yak ap peskre bakre oun dell len te rhal, oun lell i terne bakren an peskre moussya, oun hidjrell len an peskri baya. Oun kolla, kay len terne hi, lenge djal lo lačes trouyel.

Jesaja 63:11

Kote moukan le penge pale i phoure tsirya an o shero te djal, kol divessa, kay o Mose, djivas, oun poučan pendar: Kay hi o baro Devel, kay las peskre menshen vin dran o baro pani, khetne kolentsa, kay ap lende yak dan? Kay hi o baro Devel, kay ap lende peskro dourho čivas?

Jeremia 13:17

Te kamenn t'mer kova gar te shounell, hounte rovap čorrhanes pral t'mare pre-phourde djia. O Debleskre menshe venna pandles krik anlo. Oun mire sva herenn gar pre te nashell.

Jeremia 13:20

Yerusalem, dik hoy vella! Kourepangre venna kotar, kay norden hi! Hoy vell kanna dran kol forya an Youda? Tou hals lenge har i bakrengro, oun i menshe koy dren har tire bakre, kolentsa sharal tout.

Jeremia 3:15

Me kamau t'men save pralstunen te dell, kay denn garda ap t'mende, har me kova krau. Kolla sikrenn t'men t'maro drom gosvepah, oun hayvenn, hoy t'menge mishto hi.

Jeremia 31:10

Shounenn, t'mer menshe dran vavar themma, hoy o baro Devel penell! Djan pral o baro pani pash i panyeskre themma, oun rakrenn kote leskre laba! Penenn: Kova, kay tradas o Israel an boud themma, kova lell len pale khetne oun dell garda ap lende har i bakrengro ap peskre bakre garda dell.

Ezekiel 34:3

O thulepen kol bakrendar rhan t'mer, lengre ballendar krenn t'maro an-ripen. Oun i thoulle bakre marenn t'mer. Ap i bakre denn t'mer gar yak.

Ezekiel 34:31

Ava, t'mer mire menshe, han mire bakre, ap kolende yak dau. Oun me hom t'maro Devel. Kava penell o baro Devel, maro ray.

Micha 5:4

Oun yob anell lenge i lačo tsiro. Te venn i lourde dran o them Assour an maro them, oun phagenn an mare khera dren, čivah mer zorele pralstunen oun rayen pre, te rikrenn le len pale.

Micha 7:14

Baro Devel, de yak ap tire menshende, har i bakrengro yak dell ap peskre bakre! Tou rodal touke tire menshen vin, te venn le tiro. Yon djivenn kokres an o veesh. Troul lende hi boud them lačo zenlepah. Mouk len pale an i themma Bashan oun Gilead te djal, te hatsenn le kote lačo zenlepen har an o phouro tsiro.

Zakarie 11:4

Miro baro Devel penas ap mande: “Ab o bakrengro kol bakrenge, kay djan koy, te venn le maredo!

Mateo 16:18

Doleske penau touke: Tiro lab hi kanna Petro. Kova, hoy tou kate penal, hi har i zorelo bar, ap koleste čivau miro kheer. Oun miro kheer hi kolla, kay patsenn ap mande. Oun kek nashte lell len dran mire vasta vin, ninna kek merepen.

Mateo 2:6

Tou, o foro Betlehem, hoy an o them Youdea čiddo hi, tout hi i baro lab mashkral i tsele forya an o them Youdea. Dran toute vella ko baro ray, kay ap mire menshende, o Israel, garda della, yaake har i bakrengro ray garda della ap peskre bakre.”

Markus 13:9

Denn yak ap t'mende! T'mer venn glan i čačepangre anlo, oun rhan dava an i biboldengre kangria. T'mer patsenn ap mande. Doleske anenn le t'men glan i pralstoune oun glan i bare rayende, te rakrenn yon i phagi vin pral t'mende. Te han glan lende tardo, palle nay rakrenn t'mer mandar, te shounenn yon pral mande o čačepen.

Louka 12:32

Ma darenn! Kate han t'mer gar boud oun gar an-diklo. O Devel, kay hi t'maro dad an o bolepen, kova kamella, te lenn t'mer leskro bravlepen oun raylepen.

Louka 21:34

“Denn garda, te vell t'maro dji gar pherdo phoubyakro koova, yaake te bistrenn o Debles! Piyenn t'men gar mato! Ma darenn t'maro djipaske! Denn yak, te vell ko dives gar ap yek kopo ap t'mende yaake, te han t'mer tapedo!

Bičepangre 13:2

His i dives, kay sharan le o Debles oun rhan či, te venn le leske feteder koy. Koy penas lenge o Debleskro Dourho: “Bičrenn o Barnabes oun o Saules vin, te krenn le koy boudi, hoy me len dau. Me dom len gole, te krenn le kova.”

Bičepangre 14:23

Oun an hake gaba oun forya, kay i patsle khetne van, rodas o Paulo oun o Barnabas phralen vin, te venn le phoureder mank i patslende. Oun o Paulo oun o Barnabas lan penge i tsiro, kay rhan le či o Debleske, oun mangan o Debles lauterenge, kay ap leste patslo van, te dell lo ap lende yak.

Bičepangre 20:17

Har hams an o foro Milet, bičras o Paulo yek phrales an o foro Efesus, oun moukas kol phoureden mank i patslende gole te dell, te venn le pash leste.

Bičepangre 20:29

Me djinau, te hom me gar bouder koy, venn divye djoukle pash t'mende oun marenn boud t'mendar.

Remarja 16:16

Taprenn t'men trouyel, oun denn t'men i čoum! Kova sikrella hakeneste, t'mer han phrala oun phenya an o patsepen. I tsele patsle, kay ap o Yezous Kristeste patsenna, penenn t'menge: Ačenn maro Debleha!

1. Korintarja 1:2

ap i patslende, kay venn khetne an o Debleskro lab an o foro Korint. Kolen rodas o Devel vin, te venn le leskre čave, oun te djivenn o Yezous Kristeha khetne. Kava liil hi ninna kol tsele vavarenge, kay o Yezous Kristes an hake gaba oun forya an-mangenna. Yob hi lengro oun maro ray.

1. Korintarja 10:32

Djivenn yaake, te rhoyrell pes kek pral t'mende: kol bibolde gar, oun kolla, kay kek bibolde hi vitar gar, oun vitar gar kol patsle, kay venn t'mentsa khetne.

1. Korintarja 11:22

Nay rhan oun piyenn t'mer gar khere? Hi kol patsle, kay o Debleske khetne venna, či moldo an t'mare yaka? Kamenn t'mer ladj ap kolende te anell, kolen či hi? Hoy penap me t'menge? Sharap me t'men? Na-a! Doleske sharau me t'men gar.

1. Korintarja 15:9

Me lom i patslen palla, te marap len. Doleske hom me o tikneder mashkral lende, kolen o Yezous bičras, te penenn le i menshenge o lačo lab lestar. Oun me hom gar moldo, te penenn yon, kay me yek lendar hom.

1. Korintarja 6:20

O Devel playsras t'menge peskro čaveskro rateha. Doleske sharenn les t'maro tselo djipah!

Galatarja 1:13

T'mer shounan, har me djivom an o biboldengro patsepen, oun lom kolen palla, kay patsenn ap o Yezous Kristeste, oun kamom, te marap len.

Efesarja 1:14

Kanna hi men o Debleskro Dourho an mende. Oun doleske djinah, te lah boudeder lačo koova ap ko dives, kay vah neves kerdo an o bolepen. Doleske sharas mer maro baro Debles!

Efesarja 1:7

Har o Yezous Kristo ap o troushel meras, oun peskro rat menge ratas, las lo mari doosh oun phagi mendar. Yaake baro his leskro lačepen ap mende!

Efesarja 4:11

Yob hi kova, kay das i patslen pengri boudi. Koy hi kolla, kolen yob bičras, te penenn le i menshenge lestar. Vavar rakrenna, hoy yob lenge an o dji čivas, hoy kek vavar djinella. Vavar anenn kol menshen, kay gar patslo hi, pash o Yezous Kristeste. Pale vavar rikrenn i patslen khetne, oun sikrenn lende o Debleskro drom.

Filiparja 1:1

Mer, o Paulo oun o Timoteo, činah kava liil. Mer boudrah o Yezous Kristeske, oun činah kava liil ap lauterende, kolen o Devel vin gole das an o foro Filipi, te patsenn le ap o Yezous Kristeste. Kava liil hi ninna i pralstunenge, kay denn garda ap i patslende, ninna kolenge, kay krenn o Debleskri boudi mashkral i patslende.

Kolossarja 1:14

kay playsras menge peskro rateha, oun las mari doosh mendar krik.

Kolossarja 4:17

Penenn ap o Arkippo: Kre koy boudi, hoy o ray Yezous tout das! Mouk gar tele!

1. Timoteo 3:1

Kova, hoy kanna penau, hi čačo. Te kamell yek i phoureder te vell mank i patslende, kova kamell i lači boudi.

1. Timoteo 3:2

I phoureder hounte djivell yaake, te hatsell kek i doosh ap leste. Les vell gar boudeder har yek romni. Yob rakrell kek dinelo koova, oun dell pes yak, hoy yob rakrell oun krell. Yob moukell pes gar an djoungelo koova te tserdell. Yob lell i vavaren lačes an peskro kheer dren. Yob sikrell mishto o Debleskro drom.

1. Timoteo 3:5

Hi kava morsh kek lačo ray pral peskro kheer, nay vell lo vitar gar i lačo ray pral i patslende, kay venn khetne an o Debleskro lab.

1. Timoteo 4:14

Ma biste koy boudi, hoy o Debleskro Dourho tout das, har kol phoureder phrala touke i vasta pre čivan, oun hoy yon pral toute glan-vi penan!

1. Timoteo 4:16

De garda ap toute, har tou djiveh oun har tou sikreh o Debleskro drom! Kre ko koova, hoy touke penom! Yaake djah tou ap o drom pash o Debleste. Oun kolla, kay shounenn ap kova, hoy tou peneh, aneh tou ninna ap ko drom.

1. Timoteo 5:17

Kanna rakrau pral kolende, kay hi kol phoureder mank i patslende, oun krenn pengri boudi mishto. I patsle hounte dikenn pre ap lende oun shounenn ap lende. Ninna hounte denn le len love. Kova penau boudeder kolendar, kay penenn i menshenge o Debleskro lab, oun sikrenn lende o Debleskro drom.

Tito 1:7

I pralstouno pral o Debleskro kheer hounte djivell yaake, te dikell kek i čilačo koova ap leste. Yob djal gar pal peskro shero, oun vell gar sik rhoyemen! Yob vell kek pipaskro oun kek čingepaskro! Yob nashell gar pal i love!

Tito 2:14

Yob das peskro djipen an o merepen, te las lo mari tseli doosh ap peste, oun te kras lo maro dji djoudjo, te vas mer leskre menshe, oun te kamas i tseli zoryah lačo koova te krell.

Hebrearja 12:15

Denn yak, te čivell kek o Debleskro lačepen ap i rig! Denn yak, te djal kek čilačo rakepen mashkral t'mende trouyel, oun krell o patsepen boud patslendar paash! Savo rakepen hi har i čilačo rhourhour, hoy krell kolen nasselo, kay les rhana.

Hebrearja 13:17

Shounenn ap kolende, kay sikrenn t'men, har te djan ap o Debleskro drom! Krenn kova, hoy yon t'menge penenna! Lengri boudi hi, te denn le yak ap t'mende. Oun yon hounte penenn o Debleske, har yon kran pengri boudi. Djivenn yaake, te krenn le pengri boudi i barhtelo djiyeha! Te rovenn yon pral t'mende, palle vals kova t'menge gar mishto.

1. Petro 2:25

T'mer hans har bakre, kay nashran pen. Kanna anas t'men o Yezous Kristo pale ap o čačo drom. Yob hi t'menge har i bakrengro, oun dell garda ap t'mende.

1. Petro 2:9

T'mer han kolla, kay o Devel peske vin rodas. T'maro baro ray hi o Yezous Kristo. Koleskre rashaya han t'mer, te venn leske koy. T'mer han o Debleskre menshe, kolen yob khetne gole das, te penenn t'mer i menshenge, havo baro oun lačo koova o Devel kras. Yob las t'men dran i rati vin, oun anas t'men pash peste, kay hi lauter shoukar oun djoudjo.

1. Johanni 1:7

Mer te djivah khetne o Debleha an o čačepen, yaake har o Devel an o čačepen tardo hi, palle nay ham mer ninna lauter khetne an o čačepen. Oun o rat leskro čavestar thovell mari tseli doosh mendar tele.

Debleskro tsiro 5:9

Oun yon givenn i nevi gili, oun penenn: Tou hal moldo, te less ko liil, oun te kress ko liil pre. Tou val maredo, oun playsral tiro rateha, te giness menshen tiro Debleske. Kolla venna dran hako them, haki natsyona, haki harmenatsyona oun hako rakepen.