Bičepangre 20:2 - O Debleskro Lab 2024 (Sinte-Manouche)

² Kote djas lo an i gaba oun forya, kay i patsle khetne venna, oun das len zoor an lengro patsepen. Koy pal vas lo an o grichtikro them.

O Debleskro Drom 2021 (Sinte)

² Kote djas lo an i gaba un forja, kai i patsle khetne wenna, un das len soor an lengro patsepen. Koi pal was lo an o grichtikro them.

Bičepangre 20:2 Iomraidhean Croise

Zakarie 9:13

Me kourau man i lourdentsa dran o grichtikro them. I menshe dran Youda hi miro kourepaskro bogo. I menshe dran Israel hi mire fayle, oun kol morsha dran Yerusalem hi miro rharo, koleha len dau.

Louka 3:18

Kol labentsa, ninna boud vavar labentsa rakras o Yohanni i menshenge an o dji, oun sikras lende o Debleskro drom.

Bičepangre 14:22

djan pash i patslende oun dan len zoor an o dji, oun rakran lenge an o dji, te ačenn yon an o patsepen. Oun yon penan ap kol patslende: “Ap maro drom pash o Debleste an o bolepen krenn menge i menshe o djipen phares.”

Bičepangre 15:41

Oun o Paulo oun o Silas djan an i themma Syria oun Cilicia, oun yon dan i tsele patslen zoor an o patsepen.

Bičepangre 16:12

Palle ouleram doureder an o foro Filipi. Kova hi i foro an ko them Macedonia. Kote djivan boud Remarya. Mer ačam i tsiro an ko foro.

Bičepangre 17:1

Oun o Paulo oun o Silas van an i forya Amfipolis oun Apolonia oun djan doureder an o foro Tessalonika. Koy his i biboldengri kangri.

Bičepangre 17:10

An koy rat bičran kol patsle o Paules oun o Silases an o foro Berea. Har yon koy van, djan yon an i biboldengri kangri.

Bičepangre 2:40

Oun boud vavar labentsa rakras o Petro lentsa, oun mangas len, oun penas ap lende: “Moukenn t'men vin te lell dran o čilačepen, te lenn gar koy phagi, hoy vell pral kal čilače menshende, kay djivenn an kava tsiro.”

Bičepangre 20:1

Har i menshe bouder gar divyo his, das o Paulo i patslen pash peste gole, oun das len zoor an lengro patsepen. Palle penas lo lenge: “Ačenn o Debleha!” oun djas peske, te djal lo an o them Macedonia.

Bičepangre 20:11

Koy djas o Paulo pale pre, phagas o maro, rhas les lentsa, oun rakras i tseli rat lentsa, oun palle djas lo peske.

Bičepangre 20:3

Har yob triin čon an kava them his, kamas lo ap o shiffo an o them Syria te oulerell. Koy shounas lo, kay kamenn i bibolde les te marell. Doleske djas lo pale pale an o them Macedonia.

1. Korintarja 4:19

Djinenn! Te kamell o Devel, vau me yaake sik har djala pash t'mende. Koy kamau me gar te shounell, har bares yon rakrenna. Me kamau lengri zoor an o patsepen te dikell.

Kolossarja 1:28

Oun kava Yezouseskro drom sikrah mer i menshende, oun penah hakeneske an o dji, te djal lo ap kava drom. Mer penah lenge o Debleskro lab yaake, te hayvenn le les mishto. O Devel kamella, te vell hakeno baro oun zorelo an o patsepen ap o Yezous Kristeste.

1. Tessalonikarja 2:11

T'mer djinenna, mer rakram t'mentsa har i dad peskre čaventsa. Hakenes t'mendar rakram an o dji lače oun zorele labentsa, te djivenn t'mer yaake, te vell o Devel sharedo. Yob das t'men gole, te djivenn pash leste an o bolepen oun lenn leskro raylepen.

1. Tessalonikarja 2:3

Yaake nay dikenn t'mer, kova, hoy t'menge penam, vas gar dran i čilačo dji, oun hi kek rhorhepen. Vitar gar kamam t'men goseve labentsa te taprell.

1. Tessalonikarja 4:1

Mire phrala, mer sikram t'mende, har te djivenn t'maro djipen yaake, te vell o Devel barhtelo pral t'mende. Oun kova krenn t'mer. Kanna mangah t'men yaake har maro ray, o Yezous, mangals t'mendar: Krenn kova gomme boudeder oun feteder!