Bičepangre 20:19 - O Debleskro Lab 2024 (Sinte-Manouche)

¹⁹ Me krom man gar bareder har me hom. Me hom o ray Yezouseske koy. His mange yek, te djal mange djoungeles. I bibolde lan man palla, oun boud kope his mange ropaske.

O Debleskro Drom 2021 (Sinte)

¹⁹ Me krom man gar bareder har me hom. Me hom o rai Jesuseske koi. His mange jek, te djal mange djungeles. I bibolde lan man palla, un bud kope his mange ropaske.

Bičepangre 20:19 Iomraidhean Croise

Debleskri gili 119:136

Rovau boud sva pral kolende, kay moukenn tiro drom.

Jeremia 13:17

Te kamenn t'mer kova gar te shounell, hounte rovap čorrhanes pral t'mare pre-phourde djia. O Debleskre menshe venna pandles krik anlo. Oun mire sva herenn gar pre te nashell.

Jeremia 9:1

Te vals man an o moulo tato them i kheer, kay nay ačau, moukoms me mire menshen, oun djoms mange. Yon lauter hi har romma, kay moukan pengre romyen beshdo. Yaake moukan kal phoukepangre o baro Debles.

Louka 19:41

Oun har o Yezous pash o foro Yerusalem vas, rovas lo pral i menshende an kava foro,

Johanni 12:26

Koon kamell mange koy te vell, kova hounte djal mantsa. Kote, kay me hom, hi ninna kova, kay mange koy hi. Kova, kay mange koy hi, vell sharedo miro dadestar.

Bičepangre 17:13

Har shounan kol bibolde an o foro Tessalonika, te penas o Paulo ninna i menshenge an o foro Berea o Debleskro lab, van le kote oun kran čingepen. Yon kaman, te venn i menshe rhoyedo ap lende.

Bičepangre 17:5

I bibolde, kay gar ap o Yezouseste patsan, zilveran ap o Pauleste oun ap o Silaseste. Oun yon djan ap o drom, rodan čilače morshen, oun lentsa kran le i menshen an ko foro divyo. Oun yon djan pash ko kheer, kay djivas o Yason. Yon patsan, te vans o Paulo oun o Silas pash leste. Oun i bibolde oun i čilače kaman len dran o kheer vin te anell glan i tsele menshende.

Bičepangre 20:3

Har yob triin čon an kava them his, kamas lo ap o shiffo an o them Syria te oulerell. Koy shounas lo, kay kamenn i bibolde les te marell. Doleske djas lo pale pale an o them Macedonia.

Bičepangre 20:31

Doleske denn yak! Oun rikrenn t'mare yaka pre! Triin bersha homs me pash t'mende, oun rovom hako dives oun haki rat ap t'mende, te krenn či, hoy gar mishto hi an o Debleskre yaka. Ma bistrenn kova!

Bičepangre 21:27

Har his kolla efta divessa trouyel, dikan i bibolde dran o them Asia o Paules an o Debleskro baro kheer. Oun yon kran, te van boud menshe rhoyedo ap leste. Oun yon tapran les,

Bičepangre 27:23

Kay rat vas i bolepaskro pash mande. Koles bičras miro Devel, koleske boudrau.

Remarja 1:1

Me, o Paulo, o boudepaskro o Yezous Kristestar, činau kava liil. Yob das man gole, te vap leskro bičepaskro, oun rodas man vin, te sikrap i menshende leskro drom.

Remarja 1:9

Maro Devel, koleske boudrau o tselo djiyeha oun penau i menshenge leskro čavestar, yob djinella, me penau o čačepen: Me moukau gar tele, te mangap les t'menge.

Remarja 12:11

Ma avenn khino! Krenn t'mari boudi i tseli zoryah! Halauter, hoy t'mer krenna, krenn o Yezouseske, maro rayeske!

2. Korintarja 2:4

Doleske činom t'menge ko liil boud ropah oun traash an miro dji. Kamom gar, te doukrap t'men. Na-a, me kamom, te dikenn t'mer, kay kamau t'men o tselo djiyestar.

2. Korintarja 3:5

Dran mari zoor nay krams mer mari boudi gar mishto. Kay boudi krah mer dran o Debleskri zoor. Oun kova, hoy hayvah, vell o Deblestar.

2. Korintarja 7:5

Har vam an o them Macedonia, vas haki rigyatar pharo koova ap mende. His menshe koy, kay čingran pen mentsa. Oun men his i bari daar. Yaake lam kek nevi zoor.

Galatarja 1:10

Penenn mange, rakrau me kanna yaake, har kamenn i menshe kova te shounell? Na-a! Me rakrau yaake, har o Devel kova kamella. Me kamau gar, te sharenn man i menshe. Te vals kova yaake, voms gar o Yezous Kristeskro boudepaskro.

Efesarja 6:7

Krenn t'mari boudi an o lačepen! T'mer boudrenna o Debleske, oun gar i menshenge.

Filiparja 3:18

Me penom t'menge, oun penau les kanna pale i ropah: Boud menshe djivenn yaake, har te vals lenge o Yezouseskro merepen ap o troushel či moldo.

Kolossarja 3:24

Djinenn, maro ray, o Yezous Kristo, dell t'men peskro bravlepen an o bolepen. Leskre boudepangre han t'mer.

1. Tessalonikarja 1:9

Yon hi kolla, kay penenn i vavarenge, har lan t'mer men pash t'mende pre, har moukan t'maro phouro drom, te djan ap o Debleskro drom, oun mangenn bouder gar vavar koova an har o djido oun čačo Debles kokres.

2. Timoteo 1:4

Me bistrau nay gar, har tou glan mande roval, oun dikau tout yaake glan mande. Doleske kamau me tout o tselo djiyeha pale te dikell, te vap barhtelo.

Jakobo 1:2

Mire phrala, te vell pharo koova ap t'mende, palle dikenn koy pre, har te vell kova i barht t'menge.

1. Petro 1:6

Doleske avenn barhtelo, ninna te hounte djan i tikno tsiro ap i drom, kay vell boud pharo koova ap t'mende.

2. Petro 1:1

Me, o Simon Petro, činau kava liil. Me boudrau o Yezous Kristeske oun hom leskro bičepaskro. Me činau ap lauterende, kay lan ninna ko patsepen har mer. Ko kouč patsepen, kay čivas men an o čačepen glan o Debleste, das men maro Devel oun o Yezous Kristo, kay las men dran o čilačepen vin.

Debleskro tsiro 7:15

Doleske hi le tardo glan o Debleskro beshepaskro oun hi leskre rashaya an leskro kheer, oun hi leske koy o tselo dives oun i tseli rat. Oun kova, kay ap o Debleskro beshepaskro beshdo hi, djivell pash lende, oun dell yak ap lende.