Bičepangre 2:9 - O Debleskro Lab 2024 (Sinte-Manouche)

^9-10 Mer vah dran i themma Partia, Media, Elam, Mesopotamia, Youdea, Kappadocia, Pontus, Asia, Frigia, Pamfilia, Egiptia, dran o foro Kirene, kay hi an o them Libia, oun ninna dran o foro Rom.

O Debleskro Drom 2021 (Sinte)

^9-10 Mer wah dran i themma Partia, Media, Elam, Mesopotamia, Judea, Kappadocia, Pontus, Asia, Frigia, Pamfilia, Egiptia, dran o foro Kirene, kai hi an o them Libia, un ninna dran o foro Rom.

Bičepangre 2:9 Iomraidhean Croise

1. Mose 10:22

Kolla hi i čave o Semestar: o Elam, o Assour, o Arpaksad, o Loud, oun o Aram.

1. Mose 14:1

An ko tsiro his i kourepen. Star bare raya kouran pen panč foryengre rayentsa. Kolla bare raya his: o Amrafel, ko baro ray pral o them Shinar, o Aryok, ko baro ray pral o them Ellasar, o Kedor-Laomer, ko baro ray pral o them Elam, o Tidal, ko baro ray pral o them Goyim.

1. Mose 24:10

Pal kova las o boudepaskro deesh khamele oun kouč koova peskro rayestar peha, oun djas an o them Mesopotamia an o foro, kay o Nahor djivell.

2. Rajengro liil 17:6

Oun har o Hoshea an o enyato bersh baro ray his, las o baro ray pral o them Assour o foro Samaria dren, oun anas i menshen dran Israel pandles krik an o them Assour, oun moukas len te djivell an o them Hala oun pash o lengsto pani Habor an o them Gosan, oun an i forya, kay i Medarya djivan.

1. Familjakro liil 19:6

Har o Hanoun oun kol Ammonarya dikan, kay kran le o Davides moulo rhoyedo, lan le yek zero centnari roup, oun bičran kava roupeha morshen an i themma Mesopotamia oun Syria, oun kote an i tikne themma Maaka oun Soba, te ginenn le kote lourden oun kourepangre vourdya oun klissepangre.

Esra 6:2

Koy vas i liil hatslo an o foro Ekbatana an o them Media. Ap ko liil his činlo: Laba, hoy hounte venn gar bistedo:

Jesaja 11:11

Oun ap ko dives hadell o Devel peskro vast i douyto kopo, te ginell lo kolen vin, kay peskre menshendar pral ačan an i themma Assour oun Egiptia, Patros, Koush, Elam, Shinar, Hamat, oun an kol panyeskre themma.

Jesaja 21:2

Havo pharo koova vas mange siklo! O phoukepaskro phoukrella, oun o randepaskro randella. T'mer lourde dran i themma Elam oun Media, krenn t'men ap o drom, oun čivenn t'men pre troul lo foro Babilon. O baro Devel krell, te hounte rovell bouder kek pral kova, hoy i Babilonarya kran.

Daniel 5:28

Peres kharell paash činlo. Tiro them vell an douy kotya oun vell ap i Medarya oun i Persarya dino.”

Daniel 8:2

An miri souni homs an o zorelo kheer an o foro Susa an o them Elam, pash o lengsto pani Oulay.

Daniel 8:20

Ko bakro kol douy shingentsa, hoy tou dikal, kolla hi i bare raya pral i themma Media oun Persia.

Bičepangre 16:6

O Paulo oun o Silas djan doureder. Oun har o Debleskro Dourho gar kamas, te penan le o Debleskro lab an o them Asia, djan le an i themma Frigia oun Galatia.

Bičepangre 18:2

Koy tapras yob i biboldes dran o foro Pontus. Leskro lab his Akvila. Kova vas glan i tikno tsiro peskri romyah, i Priska, dran o them Italia. O baro ray an o foro Rom, o Klaudio, penas, te djan i tsele bibolde dran o foro Rom vin. Pash lende djas o Paulo kanna.

Bičepangre 19:10

Kova kras yob douy bersha, te shounan i bibolde oun kolla, kay kek bibolde hi, an o them Asia o Debleskro lab.

Bičepangre 19:27

Nay vell, te rakrenn le djoungelo koova pral mari boudi. Oun mari debletsa Artemis, oun lakro baro kheer hi lenge bouder či moldo. I menshe bistrenn lakro raylepen, kay vell sharedo an o them Asia oun ap i tseli phoub.”

Bičepangre 19:31

Ninna mank i pralstunende an ko them Asia his morsha, kay ap o Pauleste lačo his. Kolla moukan leske zoreles te penell, te djal yob gar an o khelepaskro kheer.

Bičepangre 2:8

Har vell kova, kay yon an maro rakepen rakrenna, har te vans le an maro them boldo?

Bičepangre 20:16

O Paulo kamas gar an o foro Efesus te djal, te nashrell lo an ko them Asia kek tsiro. Yob kamas yaake sik har djala an o foro Yerusalem te djal, te vell lo kote ap o baro dives, kay kharella Fingsta.

Bičepangre 20:18

Har yon pash o Pauleste van, penas lo ap lende: “T'mer djinenna, har djivom oun hoy krom o tselo tsiro, har homs pash t'mende an o them Asia.

Bičepangre 20:4

Khetne leha djas ninna o Sopater dran o foro Berea, leskro dad his o Pirro. Dran o foro Tessalonika djas ninna o Aristarko oun o Sekundo lentsa. Dran o foro Derbe vas o Gayo lentsa. Ninna o Timoteo djas lentsa. Oun o Tichiko oun o Trofimo van dran ko them Asia lentsa.

Bičepangre 21:27

Har his kolla efta divessa trouyel, dikan i bibolde dran o them Asia o Paules an o Debleskro baro kheer. Oun yon kran, te van boud menshe rhoyedo ap leste. Oun yon tapran les,

Bičepangre 24:18

Har homs an o Debleskro baro kheer oun thovom man pal o biboldengro čačepen, his gar boud menshe pash mande, vitar kek, kay his rhoyedo oun divyo.

Bičepangre 27:2

Mer djam ap o shiffo. Kova vas dran o foro Adramitsyon oun ouleras an kol forya, kay pash o pani an o them Asia čiddo hi. Mentsa vas ninna i morsh dran o foro Tessalonika. Leskro lab his Aristarko.

Bičepangre 6:9

Kote van bibolde pash leste. Kolla van dran boud biboldengre kangria. Yon his Libertarya, morsha dran i forya Kirene oun Alexandria, oun dran i themma Cilicia oun Asia. Oun yon rakran o Stefaneha oun čingran pen leha.

Bičepangre 7:2

Koy penas o Stefano: “T'mer phrala oun dada, shounenn! Maro baro oun raylo Devel moukas pes maro dadestar Abraham te dikell an o them Mesopotamia. Ap ko tsiro djivas o Abraham gomme gar an o foro Haran.

Remarja 16:5

Penenn ninna lače laba mandar ap kol patslende, kay an lengro kheer khetne venna, oun ap miro lačo maal, o Epayneto. Yob vas o ersto patslo an o them Asia.

1. Korintarja 16:19

I tsele patsle an o them Akaya penenn t'menge lače laba. Ninna kol douy, o Akvila oun i Priska, oun kol vavar patsle, kay khetne venna an lengro kheer, penenn boud lače laba ap t'mende, kay han lengre phrala oun phenya an o patsepen.

2. Korintarja 1:8

Mire phrala, t'mer hounte djinenn, har hams an o them Asia, his maro djipen yaake pharo, te his men bouder kek zoor oun patsam, mer hounte meras.

5. Mose 23:4

Kek Ammonari oun kek Moabari vell kote t'mentsa khetne, kay o baro Debleskre menshe khetne venn, yaake rah har deesh familye yek pal i vavar djivenna. An kek tsiro nay venn le kote.

2. Timoteo 1:15

Tou djineh, kay moukan man kol tsele patsle, kay hi an o them Asia. Mank lende hi ninna i phrala Figelo oun Hermogeno.

1. Petro 1:1

Me, o Petro, činau kava liil. Me hom o Yezous Kristeskro bičepaskro, oun činau kava liil t'menge, kay djivenn an i themma Pontus, Galatia, Kappadocia, Asia oun Bitinia. T'mer han o Yezouseskre menshe oun djivenn mashkral kolende, kay patsenn gar ap o Yezous Kristeste.

Debleskro tsiro 1:11

Oun ko rakepen penas: “Čin an i liil, hoy tou dikeh! Oun biče ko liil ap kol patslende, kay an kol efta forya khetne venna: Efesus, Smirna, Pergamon, Tiatira, Sardes, Filadelfia oun Laodicea!”

Debleskro tsiro 1:4

Me, o Yohanni, činau kava liil ap i tsele patslende, kay an i efta forya an o them Asia khetne venna. Lačepen oun barht t'menge! Kova dell t'men o Devel! Yob djivella hako tsiro: kanna oun an ko tsiro, hoy his oun hoy vella! Lačepen oun barht t'menge! Kova dell t'men o Debleskro Dourho! Kova hi har efta yaga glan o Debleskro beshepaskro tardo.

Čačepangre 3:8

Kote rhačras i rholi o baro Deblestar pral o Israel pre. Oun yob das len an o vast o baro rayestar Koushan-Rishatayim. Kova his baro ray pral o them Mesopotamia. Oun i Israelitarya hounte boudran leske orhta bersha.