Bičepangre 2:43 - O Debleskro Lab 2024 (Sinte-Manouche)

⁴³ Oun o Yezouseskre bičepangre kran boud baro oun zorelo koova, hoy kek vavar nay krella. Oun i traash vas pral i menshende.

O Debleskro Drom 2021 (Sinte)

⁴³ Un o Jesuseskre bitchepangre kran bud baro un sorelo koowa, hoi kek wawar nai krella. Un i traash was pral i menshende.

Bičepangre 2:43 Iomraidhean Croise

Ester 8:17

Oun an hako them oun an hako foro, kay o baro rayeskro lab vas, his barht oun sapen pash i biboldende. Oun yon kran baro rhapen oun van barhteles khetne. Oun boud menshe i vavar menshendar lan daar i biboldendar oun van bibolde.

Jeremia 33:9

Palle vell o foro Yerusalem mange i foro, pral koleste barhtelo hom. I menshe an i tsele themma sharenn man, oun hadenn man, te shounenn le ko tselo lačo koova, hoy me o foreske Yerusalem krau. Lenge ačell o rakepen krik, oun yon krenn bare yaka, te dikenn le ko tselo lačepen oun koy tseli barht, hoy dau kava foreske.

Hosea 3:5

Pal ko tsiro venn i Israelitarya palpale pash o baro Debleste, kay lengro Devel hi, oun pash lengro baro rayeste – yekeste dran o kheer David. Oun trisslepah venn le pash o baro Debleste. Oun yob vell lenge lačes an ko tsiro, hoy vella.

Markus 16:17

Kolla, kay patsenn ap mande, krenn baro koova an o Debleskri zoor. An miro lab tradenn le bengen i menshendar vin, oun rakrenn an vavar rakepen.

Louka 7:16

Koy vas i traash pral lauterende. Oun yon sharan o Debles oun penan: “I baro Debleskro rakepaskro hi mashkral mende. O Devel vas pash peskre menshende.”

Louka 8:37

Oun i bari daar vas ap lende. Oun kol boud menshe dran o them Gerasa penan ap o Yezouseste: “Mer mangah tout: Dja touke mendar!” Oun yob djas an o bero, oun ouleras pale.

Johanni 14:12

Čačepah, me penau t'menge: Koon ap mande patsella, krell ninna kova, hoy me krau. Oun yob krell bareder koova har me, kanna, kay djau me pash o dadeste.

Bičepangre 2:22

Morshale dran Israel, shounenn kal laba, hoy penau t'menge! O Devel bičras ko morshes, o Yezouses dran Nazaret, pash t'mende. Kova kras baro oun zorelo koova mank t'mende, hoy kek vavar nay krella. Yaake sikras o Devel, kay o Yezous lestar vas. T'mer djinenn kova, oun dikan kova lauter.

Bičepangre 4:33

Bari zoryah penan o Yezouseskre bičepangre i menshenge, kay o Yezous i moulendar pre stas, oun i menshe hayvan o Debleskro lačepen.

Bičepangre 5:5

Har o Ananias kol laba shounas, peras yob khetne oun meras. Oun i bari traash vas ap kolende, kay shounan kova.

Bičepangre 9:34

O Petro penas ap leste: “Aneas, o Yezous Kristo krell tout sasto. Ste pre oun kre kokres tiro čiben!” Koy stas yob sik pre.

Bičepangre 9:40

Oun o Petro tradas len vin, djas ap i čanga glan o Debleste, mangas o Debles, oun djas pash koy mouli djouvyate oun penas: “Tabita, ste pre!” Koy kras yoy peskre yaka pre. Har yoy o Petres dikas, beshas pes li pre.