Bičepangre 2:42 - O Debleskro Lab 2024 (Sinte-Manouche)

⁴² Oun hako tsiro van le khetne oun shounan, hoy o Yezouseskre bičepangre lenge penan. Oun yon rhan o maro khetne, oun mangan o Debles an.

O Debleskro Drom 2021 (Sinte)

⁴² Un hako tsiro wan le khetne un shunan, hoi o Jesuseskre bitchepangre lenge penan. Un jon chan o maro khetne, un mangan o Debles an.

Bičepangre 2:42 Iomraidhean Croise

Louka 24:30

oun beshas pes te rhal lo lentsa, las o maro, parkras pes pash o Debleste, phagas ko maro an kotya, oun das kova lende.

Louka 24:35

Koy ginan kol douy lenge dren, hoy lenge ap o drom djas, oun har yon les prindjran, har yob o maro phagas.

Bičepangre 1:14

Kalen lauteren his yek dji oun yek djipen oun mangan o Debles an. Pash lende his ninna djouvya, oun i Maria, o Yezouseskri day, oun o Yezouseskre phrala.

Bičepangre 11:23

Har yob koy his oun dikas, hoy o Devel an peskro baro lačepen kote lauter kras, vas lo barhtelo oun mangas len, te ačenn le pengro tselo djiyeha pash o Yezouseste.

Bičepangre 14:22

djan pash i patslende oun dan len zoor an o dji, oun rakran lenge an o dji, te ačenn yon an o patsepen. Oun yon penan ap kol patslende: “Ap maro drom pash o Debleste an o bolepen krenn menge i menshe o djipen phares.”

Bičepangre 2:46

Hako dives van le khetne an o Debleskro baro kheer. Yon rhan o maro khetne an i khera. Oun yon his barhtelo, te dan yon nay i phralen ninna te rhal. Kova kran le o djiyestar.

Bičepangre 20:11

Koy djas o Paulo pale pre, phagas o maro, rhas les lentsa, oun rakras i tseli rat lentsa, oun palle djas lo peske.

Bičepangre 20:7

Ap o kourko vam mer khetne, te phagas o maro. Oun o Paulo penas o Debleskro lab i menshenge. Oun o vavar dives kamas yob ap o shiffo doureder te oulerell. Doleske rakras yob yaake rah bis deesh-te-douyenge an i rati.

Bičepangre 4:23

Oun har kolla moukan len te djal, van yon pash i patslende, oun penan lenge, hoy kol bare rashaya, oun kol biboldengre phoureder ap lende penan.

Bičepangre 4:31

Ap yek kopo, har yon o Debles an-mangan, trissas i phoub kote, kay yon his. Oun o Debleskro Dourho vas ap lauterende. Oun yon penan o Debleskro lab, oun kek traash his an lende.

Bičepangre 6:4

Mer kamah o Debles an-mangell, oun i menshenge o Debleskro lab te penell.”

Remarja 12:12

Avenn barhtele oun dikenn ap o lačepen, hoy ap t'mende vella an ko tsiro, hoy vella! Te vell t'maro djipen pharo, rikrenn vin! Mangenn o Debles hako tsiro!

1. Korintarja 10:21

T'mer nay piyenn gar dran o Yezouseskro khoro oun dran o bengeskro khoro. T'mer nay rhan gar o Yezouseskro rhapen oun o bengeskro rhapen.

1. Korintarja 11:2

Me hom barhtelo pral t'mende, te bistran t'mer gar, hoy me t'menge penom. Kova, hoy shounom oun t'menge penom, krenn t'mer.

1. Korintarja 14:6

Kanna, mire phrala, har vals kova, te voms me pash t'mende, oun rakroms an i rakepen, hoy kek hayvella? Kova molals t'menge či. T'menge hi boudeder moldo, te rakrap an i rakepen, hoy t'mer hayvenna, oun te penap t'menge, hoy o Devel mande sikras, oun hoy lestar djinau. Oun t'menge hi ninna boudeder moldo, te penap t'menge i lab, hoy vella o Deblestar, oun te sikrap t'men, har te djan ap o Debleskro drom.

Galatarja 1:6

Mange ačas o rakepen krik, har me shounom, kay t'mer moukan yaake sik o Yezouseskro drom. O Devel das t'men gole, te patsenn ap o Yezous Kristeste, kay his yaake lačo ap t'mende. Oun kanna shounenn t'mer ap menshende, kay kamenn t'men ap i vavar drom te anell.

Efesarja 2:20

I tsele Debleskre menshe hi har yek kheer, kerdo dran barra. T'mer han kol barra, hoy hi tardo ap i telstoune barra. I telstoune barra hi o Yezous Kristeskre bičepangre oun o Debleskre rakepangre. O Yezous Kristo hi ko zorelo bar, hoy rikrell o tselo kheer khetne. Oun o kheer vell baro oun bareder, oun vell i shoukar kheer, kay o Devel djivella.

Efesarja 6:18

Rakrenn hako tsiro o Debleha! Mangenn lestar kova, hoy o Debleskro Dourho an t'mare djia čivella! Ma moukenn tele te mangell les i tsele patslenge!

Filiparja 1:5

T'mer boudran mantsa khetne, har mer sikram i menshende o Yezouseskro drom. Kova kran t'mer, har patslo van, oun moukan gar tele bis kava dives.

Kolossarja 1:23

Yek koova hounte krenn t'mer: Ačenn ap o Yezouseskro drom! Patsenn zoreles ap leste! Moukenn gar tele, te dikenn ap kova, hoy t'men hi pash o Debleste! Rikrenn zoreles ap leskro lačo lab, hoy t'menge penlo vas! Ko lab vas penlo ap i tseli phoub. Ninna me, o Paulo, hounte penap ko lab i menshenge. Kova hi miri boudi.

Kolossarja 4:2

Ma moukenn tele, te mangenn o Debles! Parkrenn t'men hako tsiro pash leste!

2. Timoteo 3:14

Tou, Timoteo, ač pash kova, hoy touke penlo vas, oun hoy tou patseh! Tou djineh, koon touke kova lauter penas.

Hebrearja 10:25

Das yak, te ačas gar krik, te venn i patsle khetne. Hi save mashkral i patslende, kay venn bouder gar khetne. Kova hi gar mishto. T'mer dikenna, te hi o dives gar dour, kay vell o ray Yezous pale. Doleske djan kote, kay venn i patsle khetne, te krell yek o vavares zoreles an o dji.

Hebrearja 10:39

Čačepah, mer ham gar kolendar, kay moukenn leskro drom oun djan nashedo. Na-a. Mer ham kolendar, kay ačah an o patsepen, oun lah o djipen, hoy gar pre-herella.

1. Johanni 1:3

Kova, hoy mer dikam oun shounam, penah mer t'menge, te nay vas mer t'mentsa khetne an o čačepen. Oun čačepah, mer ham khetne o Debleha, kay hi maro dad an o bolepen, oun leskro čaveha, o Yezous Kristeha.

1. Johanni 1:7

Mer te djivah khetne o Debleha an o čačepen, yaake har o Devel an o čačepen tardo hi, palle nay ham mer ninna lauter khetne an o čačepen. Oun o rat leskro čavestar thovell mari tseli doosh mendar tele.

1. Johanni 2:19

Kolla van mendar. Yon his gar čačepah mendar. Te vans yon mendar, ačans le pash mende. Oun har yon penge djan, nay dikas hakeno, te his le gar mendar.

Judas 1:20

T'mer, mire phrala oun phenya, ačenn zoreles an t'maro patsepen, hoy das t'men o Devel. Oun mangenn les yaake, har leskro Dourho an t'mende kamell.