Bičepangre 2:24 - O Debleskro Lab 2024 (Sinte-Manouche)

²⁴ Ko Yezouses kras o Devel djido. Yob las les i moulendar vin, oun kek zoor nay rikras les pash i moulende pale.

O Debleskro Drom 2021 (Sinte)

²⁴ Ko Jesuses kras o Dewel djido. Job las les i mulendar win, un kek soor nai rikras les pash i mulende pale.

Bičepangre 2:24 Iomraidhean Croise

Debleskri gili 116:16

Ah, baro Devel, me hom yek kolendar, kay touke boudrenn. Ava, tiro boudepaskro hom oun boudrau touke har miri day kras. Tou kral i shelle pre, hoy pandan man.

Jesaja 10:7

O baro rayes pral o them Assour his kova gar doha. Oun yob las pes gomme boudeder glan, oun kamas i menshen an boud themma temerl dell, yaake boud har djala.

Jesaja 25:8

O merepen lell lo krik hako tsireske. O baro Devel, maro ray, khossell palle hakeneske i sva tele. Oun koy ladj, hoy ap peskre menshende čiddo hi an hake themma, lell lo lendar krik. Kova penas o baro Devel.

Jesaja 26:19

Baro Devel, mouk tire moulen djides te vell! Mouk len pre te stell! T'mer, kay van paskedo, stenn pre dran o sopen oun denn gole i barhtyatar! Tou, baro Devel, hal har brishin, hoy dell djipen ap i phoub. Doleske dell i phoub i moulen pale vin.

Jesaja 53:10

O baro Devel kamas kova yaake, te vas lo phagedo. Yob moukas ap leste douka te vell. Pal kova, kay das lo peskro djipen i doshake i menshendar, dikell lo čaven, kay lestar venna, oun djivell i lengsto djipen. Oun kova, hoy o baro Devel peske glan las, vell lestar kerdo.

Hosea 13:14

Ginap me len vin dran i zoor, hoy o moulengro themes hi? Lap me len vin dran o merepen? Tou, merepen, kay hi tout ko nasslepen, ap koleste i menshe merenn? Tou, moulengro them, kay hi tout ko pharo nasslepen, hoy anell i menshen pash toute? Kal menshe khaytenn man bouder gar.

Mateo 27:63

oun penan ap leste: “Ray, menge djas an maro shero trouyel, te penas ko rhorheno, har yob djivas: Pal triin divessa krell o Devel man djido.

Johanni 10:18

Kek lell miro djipen mandar. Dran mande vell kova, kay dau miro djipen. Kova hi an miro vast, te dap miro djipen. Oun kova hi an miro vast, te lap les pale. Yaake krau, hoy miro dad mange penas.”

Johanni 10:35

Kolentsa, kay o Devel rakras, ap kolende penas yob debla. Oun kova, hoy an o Debleskro lab činlo hi, nay vell gar krik lino.

Johanni 12:39

O Yesaya penas ninna glan-vi, hoske yon nay gar patsenna:

Johanni 20:9

Yon hayvan gar, hoy an o Debleskro lab tardo hi, kay yob hounte stella i moulendar pre.

Bičepangre 1:16

Mire phrala, kova, hoy an o Debleskro lab pral o Youdas činlo hi, hounte vas yaake. Glan rah tsiro penas o Debleskro Dourho o Davideske kova, hoy vella pral o Youdaseste. O Youdas sikras o drom kolende, kay tapran o Yezouses.

Bičepangre 13:30

Yob his moulo. Oun o Devel kras les i moulendar djido.

Bičepangre 13:37

O Yezous his moulo, oun o Devel kras les djido. Leskro mass ferdjas gar.

Bičepangre 17:31

O Devel djinell ko dives, kay rakrell lo o čačepen vin pral i tsele menshende, oun yob djal pal o čačepen. O Devel rodas i morshes vin, te vell yob čačepaskro ray. Koles kras yob i moulendar djido. Yaake sikras o Devel hakeneste, kay yob kava morshes vin rodas.”

Bičepangre 2:32

Kava Yezouses moukas o Devel i moulendar pre te stell. Kova djinah mer. Mer halauter dikam les djido.

Bičepangre 3:15

Ko rayes, kay o djipen della, maran t'mer. Koles moukas o Devel i moulendar pre te stell. Kova djinah mer, mer dikam les.

Bičepangre 3:26

Doleske bičras o Devel peskro boudepaskres, o Yezouses, glanstounes pash t'mende, te anell yob t'menge o Debleskri barht, te djal hakeno t'mendar peskro čilačo dromestar tele.”

Bičepangre 4:10

Yaake hounte djinenn t'mer oun i tsele menshe an o them Israel: O Yezous Kristo dran Nazaret, koles t'mer ap o troushel dan, kras kava morshes sasto. Kava Yezouses moukas o Devel i moulendar pre te stell.

Bičepangre 5:30

Ko Devel mare phourendar moukas o Yezouses i moulendar pre te stell, koles, kay t'mer ap o troushel dan oun maran.

Remarja 10:9

Oun tou te peneh i menshenge: O Yezous hi o ray, oun te patseh tou an tiro dji, te kras les o Devel i moulendar djido, palle dell lo tout o djipen, hoy gar pre-herella.

Remarja 14:9

O Yezous Kristo meras, oun vas pale djido, te vell lo o ray pral kolende, kay moulo hi, oun pral kolende, kay djido hi.

Remarja 4:24

Kova vas ninna menge činlo, kay patsah ap o Debleste. Kova kras o Yezouses, maro rayes, i moulendar djido. Mer te djinas: Maro patsepen čivell men ninna an o čačepen.

Remarja 6:4

Kote hi maro phouro djipen leha paskedo, te djivas mer kanna i nevo djipen, yaake har o Yezous Kristo i moulendar pre stas, har o Devel, maro dad, peskri bari zoryah les djido kras.

Remarja 8:11

O Devel kras o Yezous Kristes i moulendar djido. Te djivell leskro Dourho an t'mende, palle krell lo t'men ninna djido. O Debleskro Dourho, kay an t'mende hi, krell kova.

Remarja 8:34

Kek nay penell ap mende: Tou djal nashedo! O Yezous Kristo meras menge. Oun kova hi gar lauter. O Devel kras les ninna i moulendar djido. Oun yob hi ap leskri čači rig, oun rakrell menge mishto.

1. Korintarja 15:12

Mer penam t'menge, kay o Yezous Kristo i moulendar pre stas. Har nay penenn menshe mank t'mende: “Ko della gar, kay i moule pre stenna.”

1. Korintarja 15:15

Palle nay penans le mendar, te ham mer rhorhene. Mer penam, kay kras o Devel o Yezous Kristes i moulendar djido. Te vals kova gar čačo, te krell o Devel i moulen djido, palle nashte kras yob o Yezous Kristes vitar gar djido.

1. Korintarja 15:20

Ko čačepen hi: O Yezous Kristo hi o ersto, koles o Devel i moulendar djido kras.

1. Korintarja 15:4

Oun yob vas paskedo, oun vas djido pal triin divessa, yaake har kova an o Debleskro lab činlo hi.

1. Korintarja 6:14

Yaake har o Yezous meras, oun o Devel les djido kras, yaake krell leskri bari zoor men ninna djido.

2. Korintarja 4:14

Mer djinah, kova, kay kras o Yezouses, maro rayes, i moulendar djido, kova krell men ninna i moulendar djido. Oun yob anell men khetne t'mentsa glan peste.

Galatarja 1:1

Me, o Paulo, činau kava liil ap i patslende, kay venn khetne an o them Galatia. O Yezous Kristo das an miro vast, te penap i menshenge leskro lab. Me hom gar i menshendar bičedo. Kova, kay bičras man, hi o Yezous Kristo oun o Devel, maro dad. Kova kras les i moulendar djido.

Efesarja 1:20

hoy kras o Yezous Kristes i moulendar djido, oun beshas les ap i čači rig o Deblestar an o bolepen,

Kolossarja 2:12

Har van t'mer taufedo, vas t'maro phouro djipen paskedo. Oun yaake van t'mer o Yezous Kristeha paskedo. Har t'mer ap leste patsan, kras o Devel t'men djido, yaake har yob o Yezous Kristes i moulendar djido kras.

1. Tessalonikarja 1:10

T'mer dikenn ap ko dives, kay vell o Debleskro čavo dran o bolepen pale. Kova hi o Yezous, koles kras o Devel i moulendar djido. Yob lell men dran o Debleskri rholi vin, hoy pral i menshende vella.

Hebrearja 13:20

O Devel kras i drom, te nay vah pash leste. Yob kras o Yezouses, maro rayes, i moulendar djido. Kova ratas peskro rat menge, te nay vah pash o Debleste, oun djivah hako tsiro leha khetne. O Yezous vas maro baro bakrengro. Kova dell yak ap mende, har i bakrengro dell yak ap peskre bakre.

Hebrearja 2:14

Yon hi menshe dran rat oun mass. Doleske vas lo ninna i mensho har yon, oun meras, te las lo o bengeske i zoor krik pral o merepen.

1. Petro 1:21

Yob anas t'men ap o Debleskro drom. O Devel kras les i moulendar djido, oun das les peskro raylepen. Doleske čivenn t'maro tselo patsepen ap leste!

Debleskro tsiro 1:18

Me hom o djido. Oun me homs moulo, oun kanna hom djido oun djivau hako tsireske. Man hi i zoor pral o merepen. Oun man hi o klidepaskro an o moulengro them.