Bičepangre 2:22 - O Debleskro Lab 2024 (Sinte-Manouche)

²² Morshale dran Israel, shounenn kal laba, hoy penau t'menge! O Devel bičras ko morshes, o Yezouses dran Nazaret, pash t'mende. Kova kras baro oun zorelo koova mank t'mende, hoy kek vavar nay krella. Yaake sikras o Devel, kay o Yezous lestar vas. T'mer djinenn kova, oun dikan kova lauter.

O Debleskro Drom 2021 (Sinte)

²² Murshale dran Israel, shunenn kal laba, hoi penau tumenge! O Dewel bitchras ko murshes, o Jesuses dran Nazaret, pash tumende. Kowa kras baro un sorelo koowa mank tumende, hoi kek wawar nai krella. Jaake sikras o Dewel, kai o Jesus lestar was. Tumer djinenn kowa, un dikan kowa lauter.

Bičepangre 2:22 Iomraidhean Croise

Jesaja 41:14

Ma dare, tou kirmo Yakob, tou djouv Israel! Me, rikrau pash toute, me, o baro Devel. Kova, kay ginas tout vin dran o vavareskro vast, hom me, o Israeleskro čačo Devel.

Mateo 12:28

Na-a, gar o beng das man koy zoor. O Debleskro Dourho das man koy zoor, te nay tradap i bengen vin. Koy pre dikenn t'mer, kay ko tsiro vas, kay o Devel i menshen dran o čilačepen vin lella, oun leskri zoor mank t'mende hi.

Mateo 2:23

Oun kote djivas lo an i foro, hoy kharella Nazaret. Oun yaake vas kova čačo, hoy o Debleskre rakepangre glan i rah tsiro penan: Yon denn les Nazaretari gole.

Mateo 9:8

Oun har kol boud menshe kova dikan, daran le o Deblestar oun sharan les, kay das i menshes yaake boud zoor.

Louka 11:20

Na-a, me tradau i bengen dran o Debleskri zoor vin. Ap kova dikenn t'mer, kay ko tsiro vas, kay o Devel i menshen dran o čilačepen vin lella, oun leskri zoor mank t'mende hi.

Louka 18:37

Koy penan le: “O Yezous dran Nazaret djal kote.”

Louka 24:18

Oun ko yek, kay kharella Kleopas, penas ap leste: “Djineh tou gar, hoy an kal divessa an o foro Yerusalem lauter djas? Halauter djinenn kova. Hal tou i vi-themari oun djineh kova gar?”

Johanni 1:45

O Filipo hatsas o Natanael oun penas ap leste: “Mer hatsam koles, pral koleste o Mose an peskre lila činas. Ninna o Debleskre rakepangre činan pral leste. Yob kharella Yezous oun hi dran o foro Nazaret. Leskro dad hi o Yosef.”

Johanni 10:37

Te krau me gar, hoy o dad mange penas, hounte patsenn t'mer man gar.

Johanni 11:47

Doleske van kol bare rashaya oun kol Farisarya i pralstoune biboldentsa khetne, oun penan: “Hoy kras mer? Yob krell boud baro oun zorelo koova, hoy kek vavar nay krell.

Johanni 12:17

Kol boud menshe, kay pashel his, har o Yezous o Lazares dran o moulengro kheer gole das, oun i moulendar djides kras, penan kova doureder.

Johanni 15:24

Te kroms me gar glan lengre yaka ko baro koova, hoy nay kek vavar kras, vals len kek doosh. Kanna dikan yon kova. Oun ninna te dikan le les, hi le čilačo ap mande oun ap miro dadeste.

Johanni 19:19

O Pilato činas ap i kotar kasht: O Yezous dran Nazaret, o baro ray pral i biboldende. Ko kotar kasht vas pral ap o troushel dino.

Johanni 3:2

Kova vas an i rat pash o Yezouseste, oun penas: “Ray, mer djinah, kay tou hal i sikepaskro. O Devel bičras tout pash mende. Kek nay krell kova, hoy tou kreh an o Debleskri zoor. Ap kova dikah mer, kay hi o Devel touha.”

Johanni 4:48

O Yezous penas ap leste: “Te dikenn t'mer gar boud Debleskro koova, kay kek mensho nay krella, patsenn t'mer gar.”

Johanni 5:36

Man hi čomone, hoy penell t'menge feteder o čačepen pral mande vin har o Yohanni. Kova hi ko koova, hoy krau, kolestar o dad mange penas, te krap kova. Kova sikrella, kay o dad bičras man.

Johanni 6:14

Har kol menshe dikan, hoy o Yezous kras an o Debleskri zoor, penan le: “Kova hi čačepah ko Debleskro rakepaskro, kolestar penlo vas, kay vell lo ap kay phoub.”

Johanni 6:27

Ma djivenn o rhapaske, hoy paash djala! Djivenn yaake, te lenn ko djipen, hoy gar pre-herella! O Mensheskro Čavo kokres nay dell t'men kova. Yaake sikras o Devel, kay kova leskro čavo hi.”

Johanni 7:31

Boud kol menshendar patsan ap leste oun penan: “Te vell o baro ray, kolestar o Devel penas, te vell yob, nay krell kova bareder koova, har kava morsh Yezous?”

Johanni 9:33

Te vals kava morsh gar o Deblestar, nay krals yob savo koova gar.”

Bičepangre 13:16

Koy stas o Paulo pre, hadas o vast, te ačenn yon pokones, oun yob penas: “Morshale dran Israel, oun ninna t'mer tsele vavar, kay mangenn o Debles an, shounenn, hoy me t'menge penau!

Bičepangre 14:27

Oun o Paulo oun o Barnabas van kanna pale pale an kava foro. Kote dan le i patslen khetne gole, oun penan lenge, kay o Devel lentsa his, oun har boud koova yob kras, oun har yob ninna kolen, kay kek bibolde hi, pash peste gole das, oun yon ap leskro drom van.

Bičepangre 2:19

Oun me kamau baro oun zorelo koova te krap, an o bolepen oun ap i phoub. T'mer dikenn rat, oun yag, oun tampa.

Bičepangre 2:43

Oun o Yezouseskre bičepangre kran boud baro oun zorelo koova, hoy kek vavar nay krella. Oun i traash vas pral i menshende.

Bičepangre 21:28

oun dan gole: “Morshale dran o them Israel, avenn pash mende! Kava hi ko morsh, kay i tsele menshen ap i phoub dinelo krella. Yob rakrell djoungeles pral i biboldende, pral o Moseskre lila, oun pral o Debleskro baro kheer. Kanna anas yob ninna kolen, kay kek bibolde hi, an o Debleskro baro kheer, oun kras maro Debleskro baro kheer pale-čiddo.”

Bičepangre 22:8

Me penom: Koon hal tou, mo ray? Oun yob penas ap mande: Me hom o Yezous dran Nazaret, koles tou palla leh.

Bičepangre 24:5

Mer djinah, kay kava morsh čilačo hi, oun kay yob čingepen krella mashkral kol tsele biboldende, kay ap i tseli phoub djivenna. Yob hi i pralstouno rakepaskro kolendar, kay patsenna ap o Yezous dran Nazaret.

Bičepangre 26:26

O baro ray Agrippa djinell kova lauter. Man hi kek traash, te rakrap leha pral halauter. Me djinau, yob shounas kova lauter. Kova, hoy koy djas, ačas gar khatedo.

Bičepangre 26:9

His i tsiro, kay kamom me ninna miri tseli zoryah kava nevo patsepen ap o Yezouseste dran Nazaret paash te krell.

Bičepangre 3:12

Har o Petro kolen dikas, penas lo ap lende: “Morshale dran Israel, hoske krenn t'mer save bare yaka, oun dikenn ap mende? Kova kras gar mari zoor, vitar gar maro patsepen, te nay nashell kava morsh.

Bičepangre 3:6

O Petro penas: “Rup oun sonakay hi man gar. Hoy man hi, dau me tout. An o lab o Yezous Kristestar dran Nazaret penau me touke: Ste pre oun dja trouyel!”

Bičepangre 4:10

Yaake hounte djinenn t'mer oun i tsele menshe an o them Israel: O Yezous Kristo dran Nazaret, koles t'mer ap o troushel dan, kras kava morshes sasto. Kava Yezouses moukas o Devel i moulendar pre te stell.

Bičepangre 5:35

Oun pale penas lo: “Morshale an Israel, denn garda oun dikenn, hoy t'mer kal menshentsa kamenn te krell!

Bičepangre 6:14

Mer shounam, har yob penas: O Yezous dran Nazaret phagell o Debleskro baro kheer tele oun krella, te hounte rikras mer bouder gar ap kova, hoy o Mose menge penas.”

2. Korintarja 12:12

Har homs pash t'mende, nay dikan t'mer, kay o Yezous Kristo bičras man. Me boudrom mank t'mende, oun dom gar pre. Me krom baro koova an o Debleskri zoor, yaake te kran i menshe bare yaka.

Hebrearja 2:4

Oun o Devel das len peskri zoor, te krenn le baro oun zorelo koova, hoy kek vavar mensho nay krella. Yaake sikras lo, te penan le o čačepen. Ninna das lo i patslende peskro Dourho oun peskri zoor, te krenn le peskri boudi mashkral i menshende. Hakeneste das lo i zoor, te krell yob koy boudi, hoy o Devel lestar kamas.