Bičepangre 19:22 - O Debleskro Lab 2024 (Sinte-Manouche)

²² Oun yob bičras douyen, kay boudran leske, o Timotes oun o Erastes, an o them Macedonia. Yob ačas i tsiro an o them Asia.

O Debleskro Drom 2021 (Sinte)

²² Un job bitchras dujen, kai budran leske, o Timotes un o Erastes, an o them Macedonia. Job atchas i tsiro an o them Asia.

Bičepangre 19:22 Iomraidhean Croise

Bičepangre 13:5

Oun har yon an ko foro Salamis van, penan le o Debleskro lab kote an i biboldengre kangria. Oun o Yohanni Marko boudras lentsa.

Bičepangre 16:1

Yon van ninna an i forya Derbe oun Listra. Koy his i terno patslo morsh. Kova kharas Timoteo. Leskri day his i biboldetsa. Oun yoy his patslo. Leskro dad his kek biboldo.

Bičepangre 16:3

Koles kamas o Paulo peha te lell ap o drom. Yob las les oun činas les ap o mass, har kova pash i bibolde hi, te čingrenn i bibolde gar koy pral. I bibolde djinan lauter, kay leskro dad kek biboldo hi.

Bičepangre 18:5

Har o Silas oun o Timoteo dran o them Macedonia van, čivas o Paulo peskri boudi ap i rig, te nay penell lo i menshenge o Debleskro lab. An o Debleskro lab sikras lo i biboldende, kay o Yezous ko baro ray hi, koles o Devel bičras.

Bičepangre 19:10

Kova kras yob douy bersha, te shounan i bibolde oun kolla, kay kek bibolde hi, an o them Asia o Debleskro lab.

Bičepangre 19:21

Pal kava koova kamas o Paulo pral i themma Macedonia oun Akaya an o foro Yerusalem te djal, oun penas: “Oun pal kova hounte dikap me o foro Rom ninna.”

Bičepangre 19:29

Oun i tsele menshe an kava foro van divyo. Oun yon tapran kol douy morshen, o Gayes oun o Aristarkes, kay van o Pauleha dran o them Macedonia. Oun lauter khetne nashan le an o khelepaskro kheer oun tserdan kol douy morshen zoryah peha.

Bičepangre 20:1

Har i menshe bouder gar divyo his, das o Paulo i patslen pash peste gole, oun das len zoor an lengro patsepen. Palle penas lo lenge: “Ačenn o Debleha!” oun djas peske, te djal lo an o them Macedonia.

Remarja 16:23

O Gayo, – kova las man an leskro kheer dren, – penell t'menge lače laba. An leskro kheer venn i tsele patsle khetne. Ninna o Erasto, kay dell garda ap o foreskre love, oun o Kvarto, miro lačo phraal an o patsepen, penenn t'menge lače laba.

2. Korintarja 1:16

Ap miro drom an o them Macedonia kamom pash t'mende te vell. Oun ninna te djau pale, kamom pash t'mende te vell. Palle nay dans t'mer man kova, hoy man hounte vell djipaske ap o drom an o them Youdea.

2. Korintarja 11:9

Har me pash t'mende homs, oun mange his gar doha djipaske, mangom kekestar t'mendar čomone. I patsle phrala, kay van dran o them Macedonia, anan mange yaake boud, te nay djivom pash t'mende. Yaake perom kekeske t'mendar ap i possita. Oun yaake kamau kova ninna te krell an ko tsiro, hoy vella.

2. Korintarja 2:13

Miro phraal, o Tito, kamas ninna an kava foro te vell. Har vas lo gar, vas man i daar, oun me penom lenge: “Ačenn mo Debleha!” oun djom mange an o them Macedonia.

2. Korintarja 8:1

Mire phrala, mer kamah t'menge te penell, havo lačepen o Devel kote kras, kay i patsle an o them Macedonia khetne venna.

2. Korintarja 8:19

Oun kova hi gar lauter! I patsle rodan les vin, te djal lo mentsa khetne ap maro drom pash kol patslende, kolen mer kol love anah. Kova krah, te vell o Devel sharedo, oun te dikenn kol patsle kote maro kamlepen, hoy men lenge hi.

1. Tessalonikarja 1:8

T'mendar djas o lačo lab o Yezousestar, maro rayestar, doureder, gar kokres an i themma Macedonia oun Akaya. Na-a, ninna an boud vavar themma shounan i menshe, har t'mer patsenn ap o Debleste. Yaake hounte penas mer lenge bouder či pral kova.

2. Timoteo 4:20

O Erasto ačas an o foro Korint, oun o Trofimes hounte moukom nasselo an o foro Milet.