Bičepangre 19:13 - O Debleskro Lab 2024 (Sinte-Manouche)

¹³ Kote his bibolde, kay nashan an o them trouyel, oun tradan i bengen dran i menshende vin. Yon kaman ninna an o Yezouseskro lab kol bengen vin te tradell, oun yon penan ap lende: “Mer penah t'menge an o lab ko Yezousestar, kolestar o Paulo rakrella: Avenn dran ko mensheste vin!”

O Debleskro Drom 2021 (Sinte)

¹³ Kote his bibolde, kai nashan an o them trujel, un tradan i bengen dran i menshende win. Jon kaman ninna an o Jesuseskro lab kol bengen win te tradell, un jon penan ap lende: “Mer penah tumenge an o lab ko Jesusestar, kolestar o Paulo rakrella: Awenn dran ko mensheste win!”

Bičepangre 19:13 Iomraidhean Croise

1. Mose 4:12

Te kreh tiri boudi ap i harhetikri phoub, vell kote či touke baro. Tou hounte djas trouyel ap i phoub. Tout vella kek them, kay khere hal.”

1. Mose 4:14

Tou tradeh man kava dives vin dran o them! Me hounte khatrap man glan toute. Man vella kek them, kay khere hom. Me hounte dap man trouyel. Hakeno, koon hatsell man, nay dell man moulo.”

1. Rajengro liil 22:16

Kote penas o baro ray ap leste: “Kitse kope dap man sovel, te peness tou mange o čačepen an o lab o baro Deblestar!”

Debleskri gili 109:10

Kre, te venn leskre čave vin tradedo dran pengro kheer, hoy paash dino vas, oun hounte nashenn trouyel, oun mangenn penge maro.

Mateo 12:27

Te dals o pralstouno beng mande peskri zoor, te nay tradoms i bengen vin, koon dals t'mare menshen i zoor, te tradenn le i bengen vin? Vell yek dives, kay yon penenn t'menge, kay kova gar čačo hi, hoy t'mer pral mande rakran.

Mateo 26:63

O Yezous penas či. Pale penas o baro rashay ap leste: “Glan o djido Devel, pen menge: Hal tou ko baro ray, kolestar o Devel penas, te vell yob? Hal tou o Debleskro čavo?”

Markus 5:7

Oun o Yezous penas ap o bengeste: “Tou beng, dja vin dran kava morsheste!” Koy das yob bari gole: “Yezous, tou čavo o baro Deblestar, hoy kameh tou mandar? Me mangau tout pash o Debleste: Ma douke man gar!”

Markus 9:38

Koy penas o Yohanni ap leste: “Ray, mer dikam i morshes. Kova tradas bengen vin an tiro lab. Yob his kek mendar. Doleske penam leske: Ma kre kova bouder gar!”

Louka 11:19

Poučau t'mendar: Me te tradau i bengen dran o bengeskri zoor vin, har nay tradenn t'mare menshe len vin? Vell i dives, kay yon penenn t'menge, kay kova gar čačo hi, hoy t'mer pral mande rakran.

Louka 9:49

Koy penas o Yohanni ap o Yezouseste: “Ray, mer dikam i morshes. Kova tradas i bengen vin an tiro lab. Oun kova his kek mendar. Doleske penam leske: Ma kre kova bouder!”

Bičepangre 19:14

Kolla, kay kova kran, his i efta čave i biboldestar. Kova kharas Skeva oun his i baro rashay.

2. Korintarja 11:4

Hi yaake: Te vell yek pash t'mende oun sikrell t'men i vavar drom, har ko drom, hoy mer t'mende sikram, palle nashenn t'mer leske palla. Te rakrell lo pral i vavar Yezous oun i vavar Debleskro Dourho, har kova, hoy an t'mende vas, palle shounenn t'mer mishto ap ko rhorheno morsheste.

Josua 6:26

Ap ko tsiro das pes o Yosua sovel: “Mou dell o baro Devel bibarht ap ko morsheste, koon kava foro pale pre čivell. Te čivell lo i telstoune barra pre, hounte merell leskro phoureder čavo. Te čivell lo i bare voudya dren, merell leskro terneder čavo.”

1. Samuel 14:24

O Saul das i Israelitaryen trad oun penas: “Bibarht pral koleste, kay rhal kava dives, yaake rah o kham gomme gar tele djas, oun me gar kolen lauteren pale dom, kay kaman man te marell.” Doleske his i morshen dran Israel bouder kek zoor i bokatar, oun o marepen vas lenge phares.