Bičepangre 18:6 - O Debleskro Lab 2024 (Sinte-Manouche)

⁶ Yon shounan gar ap leste oun praasan les. Palle das yob koy čik dran peskre koola tele, oun penas ap lende: “T'maro rat vell ap t'maro shero. Man hi kek doosh. Kanna djau me pash kolende, kay kek bibolde hi.”

O Debleskro Drom 2021 (Sinte)

⁶ Jon shunan gar ap leste un praassan les. Palle das job koi tchik dran peskre koola tele, un penas ap lende: “Tumaro rat well ap tumaro shero. Man hi kek doosh. Kanna djau me pash kolende, kai kek bibolde hi.”

Bičepangre 18:6 Iomraidhean Croise

2. Samuel 1:16

Glan kova penas o David ap o Amalekari: “Tou anal leskro rat ap toute. Doleske meress! Tiro mouy phoukras ap toute, har tou penal: Me dom koles moulo, koles o baro Devel vin rodas, te vell lo baro ray.”

1. Rajengro liil 2:33

Lengro rat ačell ap o shero o Yoabestar oun leskre čavendar pal leste hako tsireske. O David oun halauter, kay venn pal leste, oun kay venn bare raya pal leste, kolendar mou rikrell o baro Devel i bibarht dour krik an hako tsiro!”

Nehemia 5:13

Ninna trisslom miri baya vin, oun penom: “Yaake trissell o Devel hakenes t'mendar, kay rikrell gar peskro lab. O Devel lell lestar leskro kheer oun lauter, hoy les hi.” Oun lauter, kay kote khetne van, penan: “Amen!” Oun yon sharan o baro Debles. Oun i menshe kran pal kol laba, har yon penan.

Ezekiel 18:13

Te patsell lo love vin, lell lo peske boudeder love pale. Nay ačell savo mensho djido? Na-a! Koon savo djoungelo koova kras, hounte merell. Yob hounte lell peskri phagi!

Ezekiel 33:4

Te shounell yek palle i phourdepaskri, oun dell gar yak koy pre, oun i lourde venna oun denn les moulo, palle hi les kokres doosh ap peskro merepen.

Ezekiel 33:6

Hi vavarčandes, te dikell kova, kay yak hounte dell, i lourden te vell, oun yob phourdell gar an i phourdepaskri, te djinenn i menshe, hoy pral lende vella. Oun palle venn i lourde oun denn yekes moulo. Palle merell kava peskri doshake, hoy lo ap peste anas. Ap koleste, kay gar an i phourdepaskri phourdas, penau me palle: Tout hi doosh ap leskro merepen.

3. Mose 20:9

Te rakrell yek pral peskro dadeste oder peskri date bibarht vin, palle hounte vell lo moulo dino. Koon savo koova krell, ap koleste vell leskro rat.

Mateo 10:14

Kote, kay lenn le t'men gar pre, oun kamenn t'men gar te shounell, kote djan t'menge dran ko kheer oun dran ko foro vin! Oun denn koy čik t'mare pirendar tele!

Mateo 21:41

Penan le ap o Yezouseste: “Yob marell kol čilače morshen. Les khaytenn yon gar. Oun yob dell ko kotar them kol vavarende, kay leske i drake an o čačo tsiro dren anenna.”

Mateo 21:43

Ava, me penau t'menge: An ko tsiro, hoy vella, han t'mer bouder gar o Debleskre menshe. O Devel dell vavar menshen khetne gole, te djivenn le leha khetne. Oun yon krenna, hoy o Devel kamella.

Mateo 22:10

Oun kol boudepangre djan ap kol tsele dromma, oun anan lauteren khetne, i čilačen oun i lačen. Oun yaake boud menshe van ap i biyab, te vas o kheer pherdo.

Mateo 27:25

Oun kol tsele menshe penan: “Koy doosh vell ap mende oun ap mare čavende!”

Mateo 8:11

Boud menshe venna dran boud vavar themma pash o Debleste an o bolepen, oun beshenn pen tele, te rhan le o Abrahameha oun o Isaakeha, oun o Yakobeha khetne.

Louka 22:65

Oun yon praasan les.

Louka 9:5

Oun te lenn le t'men gar an pengro kheer dren, djan t'menge dran kava foro, oun denn koy čik t'mare pirendar tele! Oun kova sikrell i menshende, kay yon čilačo hi.”

Bičepangre 13:51

Oun o Paulo oun o Barnabas dan koy čik pengre pirendar tele, te djinan kolla an ko foro, havo djoungelo koova yon kran. Oun pal kova djan o Paulo oun o Barnabas an o foro Ikonion.

Bičepangre 26:11

An i tsele biboldengre kangria moukom me kol patslen dava te dell i čoupniyah, oun kamom, te denn le pengro patsepen pre. Me homs yaake rhoyedo ap lende, te lom len ninna an forya an vavar themma palla.

Bičepangre 26:20

Me djom an o foro Damaskus, oun palle an ko foro Yerusalem. Oun i tsiro koy pre djom an ko them Youdea. Oun pal kova djom pash kolende, kay kek bibolde hi, oun penom lauterenge, te moukenn le pengro čilačo drom, oun te djan le ap o Debleskro drom, oun te djivenn le yaake, kay i vavar dikenna, kay yon pengro phouro djipen moukan.

Bičepangre 28:28

Oun o Paulo penas: “Djinenn! Kanna vell o Debleskro lačo lab o Yezous Kristestar pash kolende, kay kek bibolde hi, oun yon shounenna.”

Remarja 3:29

O Devel hi gar kokres i biboldengro Devel. Na-a, yob hi ninna o Devel kolenge, kay kek bibolde hi.

1. Timoteo 5:22

Ma čip sik tire vasta ap yekeste pre! De yak, te vell i doosh i vavarestar gar ap toute! Rike tiro dji djoudjo!

2. Timoteo 2:25

ninna te kamenn le gar ap leste te shounell. Yob rakrell lačes lentsa, te anell lo len ap o čačo drom! O Devel nay dell len o dji, te moukenn le pengro čilačo drom, oun te hayvenn le, hoy o čačepen hi.

1. Petro 4:14

Te praasenn le t'men doleske, kay patsenn t'mer ap o Yezous Kristeste, nay venn t'mer barhtelo. Palle nay djinenn: O Debleskro raylo Dourho hi ap t'mende čiddo.

1. Petro 4:4

Kanna djivenn t'mer bouder gar ko djoungelo djipen har kol čilače. Kova djal kolenge gar an o shero. Doleske čingrenn le ap t'mende.