Bičepangre 18:5 - O Debleskro Lab 2024 (Sinte-Manouche)

⁵ Har o Silas oun o Timoteo dran o them Macedonia van, čivas o Paulo peskri boudi ap i rig, te nay penell lo i menshenge o Debleskro lab. An o Debleskro lab sikras lo i biboldende, kay o Yezous ko baro ray hi, koles o Devel bičras.

O Debleskro Drom 2021 (Sinte)

⁵ Har o Silas un o Timoteo dran o them Macedonia wan, tchiwas o Paulo peskri budi ap i rig, te nai penell lo i menshenge o Debleskro lab. An o Debleskro lab sikras lo i biboldende, kai o Jesus ko baro rai hi, koles o Dewel bitchras.

Bičepangre 18:5 Iomraidhean Croise

Jeremia 20:9

Ava, te penau mange, me kamau o Debles te bistrell, oun rakrau bouder gar an leskro lab, palle rhačell leskro lab an mande har i yag. Me lau miri tseli zoor khetne, te rikrap kova vin. Oun kova djal gar.

Jeremia 6:11

Tiri rholi pral lende rhačell ninna an mande. Me nay rikrau lat gar pale. Koy penas o baro Devel ap mande: Palle čore miri rholi pral lende vin: pral kol čavende ap o drom, oun pral kol terne morshende. Yon lauter, morsha oun djouvya, ninna kol phoure oun an-dikle, venn pandles krik anlo.

Ezekiel 3:14

Oun o dourho hadas man pre oun las man krik. Oun an mande his i bari rholi. Kova, hoy o baro Devel mande sikras, his phares čiddo ap mande.

Micha 3:8

Man hi i bari zoor. O baro Devel čivas peskro dourho an mande. oun kras miro dji pherdi zoor, te rakrap o čačepen vin, te penap o Yakobeskre čavenge pengri doosh, ava, te sikrap i Israelenge kay le o Debleskro dromestar tele djan.

Louka 12:50

Glan mande hi i pharo tsiro. Ap mande venna bare douka. Kamoms, te vals ko tsiro pal mande.”

Louka 16:28

Man hi panč phrala. Kolenge hounte penell yob, har mange djala, te venn yon gar koy, kay me hom, oun bare douka lom.

Johanni 1:41

Kova hatsas peskro phrales Simon, oun penas ap leste: “Mer hatsam ko baro rayes, kolestar o Devel penas, te vell yob.” Kova kharella ap grichtikes Kristo.

Johanni 10:24

Koy van i pralstoune bibolde troul leste oun penan: “Har rah kameh tou menge gar te penell, koon tou hal? Tou te hal ko baro ray, kolestar o Devel penas, te vell yob, yaake pen menge kova an o mouy!”

Johanni 15:27

Ninna t'mer, kay hans o tselo tsiro pash mande, penenn i menshenge mandar, hoy t'mer dikan oun shounan.”

Johanni 3:28

T'mer halauter shounan, kay penom, kay hom me gar ko baro ray, kolestar o Devel penas, te vell yob. O Devel bičras man glan koleste.

Bičepangre 10:42

Yob penas menge, te penas mer i tsele menshenge, kay o Devel rodas les vin, te hi lo o čačepaskro ray, kay rakrell o čačepen vin pral i tsele menshende, pral kolende, kay djivenna, oun ninna pral i moulende.

Bičepangre 15:22

O Yezouseskre bičepangre oun i phoureder mank i patslende, khetne i tsele patslentsa rodan morshen mashkral i patslende vin, te djan yon o Pauleha oun o Barnabeha an o foro Antiochia. Kol morsha his o Youdas, koles his ninna ko lab Barsabas, oun o Silas. Kolla his pralstoune morsha mashkral kol patslende.

Bičepangre 16:1

Yon van ninna an i forya Derbe oun Listra. Koy his i terno patslo morsh. Kova kharas Timoteo. Leskri day his i biboldetsa. Oun yoy his patslo. Leskro dad his kek biboldo.

Bičepangre 16:12

Palle ouleram doureder an o foro Filipi. Kova hi i foro an ko them Macedonia. Kote djivan boud Remarya. Mer ačam i tsiro an ko foro.

Bičepangre 16:9

Koy dikas o Paulo an i souni i morshes dran o them Macedonia. Kova mangas les oun penas: “Am vergel an o them Macedonia, oun pen menge o Debleskro lab!”

Bičepangre 17:3

Yob sikras lende, kay an o Debleskro lab činlo hi, har ko baro ray, kay o Deblestar vella, hounte las boud douka ap peste, oun stas i moulendar pre. “Oun me penau t'menge,” penas o Paulo, “kava Yezous, kolestar rakrau, kova hi ko baro ray, kolestar o Devel penas, te vell yob.”

Bičepangre 18:28

Yob penas i biboldenge o Debleskro lab kote, kay yob djas. Oun yob sikras lende an o Debleskro lab, kay hi o Yezous ko baro ray, kolestar o Devel glan i rah tsiro penas, te vell yob.

Bičepangre 2:36

I tsele menshe an Israel hounte djinenna, o Devel kras, te hi kava Yezous, koles t'mer ap o troushel dan, o ray pral halauter. Yob hi ko baro ray, kolestar o Devel penas, te vell yob.”

Bičepangre 20:21

Me penom i biboldenge oun kolenge, kay kek bibolde hi, te moukenn le pengro čilačo drom, oun te djan le ap o Debleskro drom, oun te patsenn le ap maro rayeste, o Yezouseste.

Bičepangre 20:23

O Debleskro Dourho penas mange an hako foro, kay djom, kay vau stildo oun kay douka ap mande venna.

Bičepangre 20:24

Me dau či bouder ap miro djipen. Yek koova kamau me an miro djipen te krell: Me kamau koy boudi te krell, hoy das man maro ray Yezous: Yob penas mange, te penap i menshenge, har lačo o Devel lenge hi, oun har kras yob i drom, te nay venn le pash leste.

Bičepangre 4:20

Mer nay rikrah gar maro mouy pral kova, hoy dikam oun shounam.”

Bičepangre 9:22

O Saulo rakras bari zoryah oun sikras len, kay hi o Yezous o Kristo, kay vas o Deblestar bičedo, yaake te nay penan i bibolde, kay an o foro Damaskus djivan, či bouder.

2. Korintarja 1:19

O Debleskro čavo, o Yezous Kristo, kolestar o Silvano, o Timoteo oun me t'menge penam, yob rikras ninna peskre laba. Lauter hi čačo, hoy yob penas.

2. Korintarja 11:9

Har me pash t'mende homs, oun mange his gar doha djipaske, mangom kekestar t'mendar čomone. I patsle phrala, kay van dran o them Macedonia, anan mange yaake boud, te nay djivom pash t'mende. Yaake perom kekeske t'mendar ap i possita. Oun yaake kamau kova ninna te krell an ko tsiro, hoy vella.

2. Korintarja 5:14

O baro kamlepen, hoy o Yezous Kristo men das, bičrell men pash i menshende. Oun mer djinah, te meras yek menge, hi kova yaake, har te merans le lauter.

Filiparja 1:23

Ava, me djinau gar, hoy feteder hi. Ap yek rig kamaus te merap oun te vap pash o Yezous Kristeste. Kova vals mange feteder.

1. Tessalonikarja 3:2

oun te djal maro phraal, o Timoteo, pash t'mende. Kova hi o Debleskro boudepaskro, kay penell i menshenge o lačo lab o Yezous Kristestar. Mer bičram les pash t'mende, te krell lo t'men zoreles an o dji oun an t'maro patsepen,

1. Tessalonikarja 3:6

Kanna vas o Timoteo pale, oun penas lačo koova pral t'maro patsepen oun kamlepen. Lestar djinah, mer ham hako tsiro an t'maro dji. Oun t'mer kamenn men pale te dikell, yaake har kamah mer t'men pale te dikell.

1. Petro 5:12

Maro lačo phraal, o Silvano, vas mange ap i rig, te činell lo kava tikno liil. An kava liil kamoms te penap t'menge an o dji, te djinenn čačepah: O Devel hi t'menge lačo. Ačenn pash leste!