Bičepangre 18:27 - O Debleskro Lab 2024 (Sinte-Manouche)

²⁷ Palle kamas o Apollo an o them Akaya te djal. Oun i patsle an o foro Efesus dan les i liil peha. An ko liil mangan le i phralendar an o them Akaya, te lenn yon o phrales Apollo pash pende pre. Oun har yob kote vas, djas lo pash kolende, kay patslo van dran o Debleskro lačepen, oun sikras len o Debleskro drom feteder oun boudeder.

O Debleskro Drom 2021 (Sinte)

²⁷ Palle kamas o Apollo an o them Achaja te djal. Un i patsle an o foro Efesus dan les i liil peha. An ko liil mangan le i phralendar an o them Achaja, te lenn jon o phrales Apollo pash pende pre. Un har job kote was, djas lo pash kolende, kai patslo wan dran o Debleskro latchepen, un sikras len o Debleskro drom feteder un budeder.

Bičepangre 18:27 Iomraidhean Croise

Bičepangre 1:15

An kolla divessa van boud patsle khetne, sheel-te-biish menshe. Mashkral lende stas o Petro pre oun penas:

Bičepangre 11:26

Har o Barnabas les hatsas, anas lo les an o foro Antiochia. Oun kol douy ačan i tselo bersh kote pash i patslende, oun penan boud menshenge o Debleskro lab. Kote dan yon i patslen ko lab Kriste.

Bičepangre 18:12

An ko tsiro, har his o Gallio o pralstouno oun čačepaskro ray pral o them Akaya, čivan pen kol bibolde khetne, oun anan o Paules glan leste,

Bičepangre 18:18

O Paulo ačas i tsiro an o foro Korint. Koy pal penas lo i patslenge: “Ačenn o Debleha!” Oun yob ouleras ap o shiffo pral o baro pani an o them Syria. I Priska oun o Akvila his pash leste. Glan kova, har yon an o foro Kenkrea ap o shiffo djan, das pes o Paulo sovel oun moukas peskre balla tele te činell.

Bičepangre 19:1

Har o Apollo an o foro Korint his, djas o Paulo an i themma Galatia oun Frigia, oun palle vas lo an o foro Efesus. Koy hatsas yob ninna patslen.

Bičepangre 9:27

O Barnabas las les pash peste oun anas les pash kol Yezouseskre bičepangre, oun penas lenge, har o Saulo ap ko drom, kay djal an o foro Damaskus, o ray Yezouses dikas, oun kova leha rakras, oun har yob an o foro Damaskus i menshenge o Yezousestar penas, oun les kek daar his, te rakrell lo lestar.

Remarja 1:5

Yob das man koy Debleskri boudi te djap pash i menshende an i tsele themma. Yob bičras man, te penap lenge, te patsenn le ap leste oun shounenn ap leste.

1. Korintarja 15:10

O Devel kamas an peskro baro lačepen, te vap me kova, hoy me kanna hom. Oun leskro baro lačepen, hoy yob man das, his gar čičeske. Me boudrom boudeder har kol tsele vavar. Gar me kokres, o Debleskro lačepen an mande boudras mantsa, te krap nay koy boudi.

1. Korintarja 16:3

Te vom pash t'mende, rodenn t'menge morshen vin, kay hi mishto an t'mare yaka. Oun me bičrau len kol loventsa an o foro Yerusalem, oun dau len lila peha, hoy dren činlo hi, koneske kol love hi oun konestar.

1. Korintarja 3:6

Me hom har i harho, kay vitsras o djob an i phoub. O Apollo hi har yek, kay čoras o pani pre. Oun o Devel moukas o djob bares te vell.

2. Korintarja 1:24

Mer kamah te kras t'men barhtelo, oun rodah gar koy pal, te vas raya pral t'maro patsepen. Na-a, mer djinah: T'mer han zoreles an o patsepen tardo.

Filiparja 1:25

Doleske hi miro dji zorelo, oun me djinau, te ačap djido, oun vau pale pash t'mende. Te hom pale pash t'mende, venn t'mer zoreles oun barhteles an o patsepen, oun parkrenn t'men pash o Yezous Kristeste, oun sharenn les boud oun boudeder.

Filiparja 1:29

O Devel hi t'menge lačo, oun das t'men o patsepen ap o Yezous Kristeste, oun gar o patsepen kokres. Na-a, dran o patsepen ap leste, hounte lenn t'mer ninna douka ap t'mende.

Kolossarja 2:12

Har van t'mer taufedo, vas t'maro phouro djipen paskedo. Oun yaake van t'mer o Yezous Kristeha paskedo. Har t'mer ap leste patsan, kras o Devel t'men djido, yaake har yob o Yezous Kristes i moulendar djido kras.

Kolossarja 4:10

O Aristarko, kay mantsa an o stilepen hi, penell t'menge “Ačenn o Debleha!” Ninna o Marko oun ko Yosua, kay ninna Yusto kharella, penenn t'menge “Ačenn o Debleha!” O Marko hi o kakeskro čavo o Barnabestar. Te vell lo pash t'mende, lenn les kamles pre, har penom t'menge glan i tsiro! Kolla triin morsha hi bibolde, kay ap o Yezous Kristeste patsenna. I tsele biboldendar, kay kate hi, krenna kol triin kokres mantsa khetne o Debleskri boudi. Yon dan man zoor an miro dji.