Bičepangre 18:24 - O Debleskro Lab 2024 (Sinte-Manouche)

²⁴ Koy vas i biboldo an o foro Efesus. Leskro lab his Apollo. Kova vas dran o foro Alexandria. O Apollo djinas o Debleskro lab mishto, oun his i lačo rakepaskro.

O Debleskro Drom 2021 (Sinte)

²⁴ Koi was i biboldo an o foro Efesus. Leskro lab his Apollo. Kowa was dran o foro Alexandria. O Apollo djinas o Debleskro lab mishto, un his i latcho rakepaskro.

Bičepangre 18:24 Iomraidhean Croise

Esra 7:12

Me, o Artaxerxes, o ray pral i tsele raya, penau ap o Esra, ko rashay oun sikepaskro i labendar ko Deblestar, kay an o bolepen hi. Boud barht touke!

Esra 7:6

Kava morsh Esra djas vin dran o them Babilonia, te djal lo an o foro Yerusalem. Yob his i sikepaskro, oun djinas kol laba mishto, hoy an o Moseskre lila činlo hi. Kol laba das o baro Devel peskre menshende Israel. Oun har o Esra gomme an Babilonia his, rikras o baro Devel peskre vasta pral leste, oun kras, te das o baro ray o Esraes halauter, hoy yob lestar mangas.

2. Mose 4:10

Oun o Mose penas ap o baro Debleste: “Miro Ray, me hayvau gar mishto te rakrell, ninna kanna kay rakreh mantsa, hi mange phares te rakrap.”

Jesaja 3:3

Ninna i pralstoune lourden, i an-dikle menshen, i rakepangren, i goseven, i dourkepangren oun kolen, kay i moulen poučenn, lell lo kolendar krik.

Mateo 13:52

“T'mer dikenn,” penas lo, “hako čačepaskro, koon djinell o phouro biboldengro čačepen, oun ap mande patslo vas, kova hayvell kanna o nevo oun o phouro koova pral o Debleste, oun nay penell kova i menshenge.”

Louka 24:19

Oun o Yezous penas: “Hoy djas?” Oun yon penan: “Kova, hoy kran le o Yezouseha dran Nazaret. Yob his o Debleskro rakepaskro, ap koleste o Debleskri zoor his. O Devel bičras les. Kova dikas hakeno ap kova, hoy yob penas oun kras.

Bičepangre 18:19

Pal kova van le an o foro Efesus. Oun o Paulo moukas o Akviles oun i Priskat koy. Yob djas an i biboldengri kangri oun rakras koy i biboldentsa.

Bičepangre 18:21

Har djas lo peske, penas lo ap lende: “Te kamell o Devel, vau pale pash t'mende.” Oun yob djas vin dran o foro Efesus, oun ouleras ap o shiffo pral o baro pani,

Bičepangre 18:28

Yob penas i biboldenge o Debleskro lab kote, kay yob djas. Oun yob sikras lende an o Debleskro lab, kay hi o Yezous ko baro ray, kolestar o Devel glan i rah tsiro penas, te vell yob.

Bičepangre 19:1

Har o Apollo an o foro Korint his, djas o Paulo an i themma Galatia oun Frigia, oun palle vas lo an o foro Efesus. Koy hatsas yob ninna patslen.

Bičepangre 27:6

Koy hatsas ko baro lourdo i shiffo, hoy vas dran o foro Alexandria, oun kamas an o them Italia te oulerell. Oun mer djam ap ko shiffo.

Bičepangre 6:9

Kote van bibolde pash leste. Kolla van dran boud biboldengre kangria. Yon his Libertarya, morsha dran i forya Kirene oun Alexandria, oun dran i themma Cilicia oun Asia. Oun yon rakran o Stefaneha oun čingran pen leha.

Bičepangre 7:22

Oun goseve Egiptarya sikran leste lauter, hoy yon djinan, yaake te vas lo gosevo an lauter, hoy yob rakras oun kras.

1. Korintarja 1:12

Pash t'mende hi menshe, kay penenna: “Mer krah kova, hoy o Paulo menge penella.” Vavar penenna: “Mer rikrah men ap o Apollo.” Oun pale vavar penenna: “O Kefas hi maro sikepaskro.” Oun pale vavar penenna: “Mer rikrah men ap o Yezous Kristeste.”

1. Korintarja 16:12

Boud kope penom me ap maro phraleste Apollo, te vell yob kol vavar phralentsa pash t'mende. Yob kamell kova kanna gar. Te vell i mishto tsiro, vell lo pash t'mende.

1. Korintarja 4:6

Mire phrala, hoy me kanna penom, rakrau me mandar oun o Apollestar. Ap mende dikenn t'mer, har te ačenn ap kova, hoy an i lila činlo hi. Kek t'mendar hounte phourdell pes pre oun penell: “Me rikrau man ap o feteder sikepaskro.”

2. Korintarja 10:10

Hi menshe mank t'mende, kay penenna: An peskre lila rakrell yob bare laba, oun hi zorelo. Te hi yob pash mende, hi yob tikno, oun an leskro rakepen hi kek zoor.

Kolossarja 3:16

Ma moukenn tele, te rakrenn oun shounenn o lab o Yezous Kristestar! Rakrenn les t'menge an o dji! Avenn gosevo koy pashel, te sikrell yek o vavareste, har te djal lo ap o Debleskro drom! Givenn Debleskre gilya oun save gilya, hoy sharenn o Debles, ninna save gilya, hoy o Debleskro Dourho an t'mende čivella! Ava, givenn o Debleske, oun sharenn les an t'mare djia!

Tito 3:13

O Zenas, ko čačepaskro, oun o Apollo, kolen de lauter djipaske, te djan le ap o drom doureder!