Bičepangre 16:6 - O Debleskro Lab 2024 (Sinte-Manouche)

⁶ O Paulo oun o Silas djan doureder. Oun har o Debleskro Dourho gar kamas, te penan le o Debleskro lab an o them Asia, djan le an i themma Frigia oun Galatia.

O Debleskro Drom 2021 (Sinte)

⁶ O Paulo un o Silas djan dureder. Un har o Debleskro Ducho gar kamas, te penan le o Debleskro lab an o them Asia, djan le an i themma Frigia un Galatia.

Bičepangre 16:6 Iomraidhean Croise

Jesaja 30:21

Te kamenn ap i čači oder ap i servi rig leskro dromestar tele te djal, palle shounenn t'mare kanda i rakepen, hoy pal t'mende rakrell: Kava hi o drom, kova djan!

Louka 1:2

Yon činan pre, hoy kolla penan, kay kote pashel his oun kova lauter dikan.

Bičepangre 10:19

Har djas o Petreske kova an o shero trouyel, hoy yob dikas, koy penas o Debleskro Dourho ap leste: “Dik, triin morsha rodenn tout.

Bičepangre 11:12

Oun o Debleskro Dourho penas ap mande: Pats, hoy yon touke penenna! Dja lentsa! Oun me djom shob phralentsa an o kheer ko morshestar, kay kol triin morshen pash mande bičras.

Bičepangre 16:7

Har yon an o them Misia van, kaman le doureder an o them Bitinia te djal. Oun o Yezouseskro Dourho moukas len gar kote te djal.

Bičepangre 18:23

Oun har yob i tsiro koy his, djas lo doureder an i themma Galatia oun Frigia, oun das i tsele patslen zoor an o patsepen.

Bičepangre 19:10

Kova kras yob douy bersha, te shounan i bibolde oun kolla, kay kek bibolde hi, an o them Asia o Debleskro lab.

Bičepangre 20:16

O Paulo kamas gar an o foro Efesus te djal, te nashrell lo an ko them Asia kek tsiro. Yob kamas yaake sik har djala an o foro Yerusalem te djal, te vell lo kote ap o baro dives, kay kharella Fingsta.

Bičepangre 20:28

Denn garda ap t'mende oun ap kol tsele patslende! Kolen ginas o Devel peskro čaveskro rateha. O Debleskro Dourho das len an t'mare vasta, te denn garda ap lende. T'mer han lengre bakrengre.

Bičepangre 20:4

Khetne leha djas ninna o Sopater dran o foro Berea, leskro dad his o Pirro. Dran o foro Tessalonika djas ninna o Aristarko oun o Sekundo lentsa. Dran o foro Derbe vas o Gayo lentsa. Ninna o Timoteo djas lentsa. Oun o Tichiko oun o Trofimo van dran ko them Asia lentsa.

Bičepangre 21:27

Har his kolla efta divessa trouyel, dikan i bibolde dran o them Asia o Paules an o Debleskro baro kheer. Oun yon kran, te van boud menshe rhoyedo ap leste. Oun yon tapran les,

Bičepangre 6:9

Kote van bibolde pash leste. Kolla van dran boud biboldengre kangria. Yon his Libertarya, morsha dran i forya Kirene oun Alexandria, oun dran i themma Cilicia oun Asia. Oun yon rakran o Stefaneha oun čingran pen leha.

Bičepangre 8:29

Koy penas o Debleskro Dourho ap o Filipeste: “Dja pash ko vourdin oun ač koy pashel!”

Remarja 16:5

Penenn ninna lače laba mandar ap kol patslende, kay an lengro kheer khetne venna, oun ap miro lačo maal, o Epayneto. Yob vas o ersto patslo an o them Asia.

1. Korintarja 12:11

Kova krell lauter ko yek Debleskro Dourho, oun yob dell hakenes kova yaake, har yob kamella.

1. Korintarja 16:1

Kanna kamau te rakrell pral i love, hoy t'mer khetne čivenn i patslenge. Krenn kova yaake, har me les ninna penom kol patslenge an o them Galatia.

1. Korintarja 16:19

I tsele patsle an o them Akaya penenn t'menge lače laba. Ninna kol douy, o Akvila oun i Priska, oun kol vavar patsle, kay khetne venna an lengro kheer, penenn boud lače laba ap t'mende, kay han lengre phrala oun phenya an o patsepen.

2. Korintarja 1:8

Mire phrala, t'mer hounte djinenn, har hams an o them Asia, his maro djipen yaake pharo, te his men bouder kek zoor oun patsam, mer hounte meras.

Galatarja 1:2

Me oun i tsele phrala, kay pash mande hi, mer penah t'menge:

Galatarja 3:1

Hoske kamenn t'mer patsle an Galatia kova gar te hayvell? Koon kras t'menge dinelo? T'menge vas o Yezouseskro merepen ap o troushel yaake penlo, har te dikans kova t'mare yakentsa!

2. Timoteo 1:15

Tou djineh, kay moukan man kol tsele patsle, kay hi an o them Asia. Mank lende hi ninna i phrala Figelo oun Hermogeno.

2. Timoteo 4:10

O Demas moukas man, oun djas an o foro Tessalonika. Yob kamell o djipen ap kay phoub. O Kreskens djas an o them Galatia, oun o Tito an o them Dalmatia.

Hebrearja 11:8

Ninna o Abraham patsas, hoy o Devel penas. Har yob leske penas: Dja an ko them, hoy me dau toute oun tire čavende, koy shounas o Abraham ap leste, oun djas dran peskro them vin, oun djinas gar, kay yob djala.

1. Petro 1:1

Me, o Petro, činau kava liil. Me hom o Yezous Kristeskro bičepaskro, oun činau kava liil t'menge, kay djivenn an i themma Pontus, Galatia, Kappadocia, Asia oun Bitinia. T'mer han o Yezouseskre menshe oun djivenn mashkral kolende, kay patsenn gar ap o Yezous Kristeste.

Debleskro tsiro 1:11

Oun ko rakepen penas: “Čin an i liil, hoy tou dikeh! Oun biče ko liil ap kol patslende, kay an kol efta forya khetne venna: Efesus, Smirna, Pergamon, Tiatira, Sardes, Filadelfia oun Laodicea!”

Debleskro tsiro 1:4

Me, o Yohanni, činau kava liil ap i tsele patslende, kay an i efta forya an o them Asia khetne venna. Lačepen oun barht t'menge! Kova dell t'men o Devel! Yob djivella hako tsiro: kanna oun an ko tsiro, hoy his oun hoy vella! Lačepen oun barht t'menge! Kova dell t'men o Debleskro Dourho! Kova hi har efta yaga glan o Debleskro beshepaskro tardo.