Bičepangre 16:30 - O Debleskro Lab 2024 (Sinte-Manouche)

³⁰ Oun yob anas len vin, oun penas ap lende: “T'mer raya, hoy krap, te lap o Debleskro djipen?”

O Debleskro Drom 2021 (Sinte)

³⁰ Un job anas len win, un penas ap lende: “Tumer raja, hoi krap, te lap o Debleskro djipen?”

Bičepangre 16:30 Iomraidhean Croise

Hiob 25:4

Glan o Debleskre yaka hi kek mensho an o čačepen tardo. Kek mensho hi erligo glan leste.

Hiob 34:32

Sike tou man, hoy me gar dikau! Te his kova čilačes, hoy me krom, krau me les palle bouder gar.”

Jesaja 58:6

Kanna penau touke, hoy i dives hi, hoy glan mire yaka mishto hi: I dives, kay kreh tou kol shelle pre kolendar, kay pandlo van, oun kay kek čilačepen kran. Mouk kolen te djan, ap kolende pharo koova čival! Le ko koova krik, koleha len tele rikral! Oun phage kol shelle, hoy troul lengre menya pandlo hi.

Jesaja 58:9

Palle deh tou gole, oun o baro Devel rakrell ap toute pale! Hako kopo, kay deh gole ab ap miri rig, penell yob: Kate hom. Tou rikress kekes tele pash toute, oun aness či ap yekeste pre, hoy gar čačo hi, oun rakress gar djoungeles pral leste.

Mateo 3:8

Sikrenn i menshende, te djan t'mer ap o Debleskro drom oun bouder gar ap o čilačo drom!

Mateo 5:7

Barhtele hi kolla, kay hi len i baro dji i vavar menshenge. O Debles hi i baro dji lenge.

Louka 3:10

Oun i menshe poučan o Yohannestar: “Hoy te kras mer?”

Bičepangre 14:15

“Morshale, hoy krenn t'mer kote? Mer ham menshe har t'mer, oun penah t'menge o lačo lab o djido Deblestar. Yob kamell, te venn t'mer ap leskro drom, oun mangenn bouder gar kol rhorhene deblen dran kasht oun bar an. Yob hi ko Devel, kay kras o bolepen oun i phoub, oun o baro pani, oun lauter, hoy djivella.

Bičepangre 16:17

Koya las o Paules oun men palla, oun das gole: “Kalla morsha boudrenn ko baro Debleske! Kalla sikrenn t'menge o drom pash leste.”

Bičepangre 16:24

Har yon kova ap leste penan, vitsras yob len an o palstouno stilepen, oun čivas lengre pire an o kasht, oun pandas len.

Bičepangre 2:37

Har kol menshe kova shounan, djas lenge kova an lengro dji. Oun yon poučan o Petrestar oun kol vavar Yezouseskre bičepangrendar: “Morshale, mire phrala, hoy kras mer?”

Bičepangre 22:10

Me poučom: Ray, hoy krap? Oun o ray penas ap mande: Ste pre oun dja an ko foro Damaskus! Kote vell touke penlo, hoy tou hounte kress.

Bičepangre 9:6

Ste pre oun dja an ko foro! Koy penenn le touke, hoy te kress.”

Jakobo 2:13

Ma bistrenn! Vell yek dives, kay rakrell o Devel o čačepen vin pral t'mende. Te hi yekes kek dji i vavareske, koleske hi o Debles vitar kek dji. Kones hi i dji i vavarenge, koles hounte vell kek daar ap ko dives, kay rakrell o Devel o čačepen pral i menshende vin.