Bičepangre 16:29 - O Debleskro Lab 2024 (Sinte-Manouche)

²⁹ Oun o ray pral o stilepen mangas i momeli, oun djas sik pash i stilde. Yob trissas oun moukas pes glan o Pauleste oun o Silaseste tele te perell.

O Debleskro Drom 2021 (Sinte)

²⁹ Un o rai pral o stilepen mangas i momeli, un djas sik pash i stilde. Job trissas un mukas pes glan o Pauleste un o Silaseste tele te perell.

Bičepangre 16:29 Iomraidhean Croise

Debleskri gili 119:120

Toutar darau yaake, te trissau. Tou deh i phagi kolen, kay shounan gar ap toute.

Debleskri gili 99:1

O baro Devel hi o baro ray. Yob hi beshdo pral i Keroubim. Lestar darella i phoub, oun hake themma trissenna.

Jesaja 60:14

Oun i čave kolendar, kay rikran tout tele, venn pash toute, oun čivenn pen glan toute tele. Oun kolla, kay praasan tout, vitsrenn pen glan tire herya an i čik. Oun yon kharenn tout foro o baro Deblestar, oun Sion, o foro o Israeleskro Deblestar.

Jesaja 66:2

Me, o baro Devel, krom miro vasteha kova lauter, hoy koy hi. Oun me dikau kamles ap koleste, kay hi tele rikedo oun phagedo an peskro dji, oun kay darell glan miro lab.

Jesaja 66:5

Shounenn, hoy o baro Devel penell, t'mer, kay glan leskro lab darenna. T'mer rikrenn pash mande, doleske rhoyrenn pen t'mare phrala pral t'mende, oun čivenn t'men pale, oun praasenn t'men oun penenn: Mou sikrell o baro Devel peskro barepen oun peskri zoor, te dikas mer, har yob t'men barhteles krell! Kolla hounte ladjenn pen palle.

Jeremia 10:10

O baro Devel hi o čačo Devel, ko djido Devel, kay hako tsireske o baro ray ačell. Te vell yob rhoyedo, trissell i phoub, oun i menshe nay rikrenn leskri rholi gar vin.

Jeremia 5:22

Hi t'men kek traash mandar, poučell o baro Devel. Trissenn t'mer gar glan mande? Me krom, te ačell o baro pani ap yek platsa, oun čivom santa koy glan. Koy hounte ačell o pani hako tsiro, oun doureder nay nashell lo gar. Ninna te vell ko pani yaake divyo, oun djal pral oun tele, nay djal lo gar doureder.

Daniel 6:26

Palle moukas o baro ray Darius i liil te činell ap i menshende dran hako them oun rakepen ap i phoub: Bari barht t'menge!

Bičepangre 16:19

Har lakre raya dikan, kay nashte anas yoy lenge bouder kek love, van le čilačo, oun tapran o Paules oun o Silases. Oun yon anan len an o foro glan i pralstunende.

Bičepangre 16:28

Koy das o Paulo zoreles gole: “Ma mare tout! Mer ham lauter kate!”

Bičepangre 24:25

Oun o Paulo penas lenge, te hounte rikrenn le pen ap o Debleskro čačepen, te krenn le kek vi-ladjedo koova, oun te vell ko tsiro, kay hakeno glan o Debleste tardo hounte vell. Oun o Felix las traash, oun penas ap o Pauleste: “Kava kopo nay djah tou. Oun te hi man tsiro, moukau tout pale gole te dell.”

Debleskro tsiro 3:9

Shounenn, hoy me kol bengeskre menshentsa krau, kay rhorhenn oun penenn pendar, te hi le o Debleskre menshe, oun yon hi kek Debleskre menshe. Me krau, te venn le pash t'mende, te vitsrenn le pen glan t'mende ap i phoub, oun te hayvenn le, te kamau t'men o tselo djiyestar.