Bičepangre 16:26 - O Debleskro Lab 2024 (Sinte-Manouche)

²⁶ Ap yek kopo trissas i phoub, oun ko kheer, kay o stilepen his, peras khetne. I voudya stan pre, oun ap i stilde peran i sasterne shelle tele.

O Debleskro Drom 2021 (Sinte)

²⁶ Ap jek kopo trissas i phub, un ko kheer, kai o stilepen his, peras khetne. I wudja stan pre, un ap i stilde peran i sasterne shelle tele.

Bičepangre 16:26 Iomraidhean Croise

1. Rajengro liil 13:28

Oun yob klissas koy, oun hatsas ko maredo morshes čiddo ap o drom. Oun i bourika oun o levo his pash leste tardo. Oun o levo rhas či o moulo morshestar, oun i bourika dandras lo gar khetne.

Debleskri gili 102:20

O baro Devel dikas pral tele dran o pralstunepen, kay lo khere hi. Dran o bolepen dikas lo tele ap i phoub,

Debleskri gili 146:7

oun kolen pengro čačepen dell, kay tele rikedo venn. Kolen, kay bokenn, dell lo te rhal. O baro Devel hi kova, kay i stilde vin lell dran o stilepen.

Debleskri gili 68:6

O Devel, kay djivell an peskro raylo kheer, yob hi i dad kolenge, kolen kek dad bouder hi. Oun yob vell kol romyenge ap i rig, kolengro rom meras.

Debleskri gili 79:11

Shoun, har i stilde rovenn! Tou hal yaake zorelo, rike kolen ap o djipen, kay hi yaake mishto har moulo.

Jesaja 42:7

Tou kress i korelenge i yaka pre, oun less i pandlen vin dran o stilepen, kay hi le beshdo an i kali rat.

Jesaja 61:1

O baro Debleskro dourho hi ap mande. O baro Devel rodas man vin oun bičras man, te penap i čorvelenge o lačo lab. te krap i phagede djia sasto, te penap i pandlen, te hi le bouder gar pandlo, oun penap i stilden, te nay djan le vin dran o stilepen.

Mateo 28:2

Ap yek kopo vas i phoub zoreles trisslemen. Oun o Debleskro bolepaskro vas dran o bolepen, čivas ko baro bar glan o moulengro kheer ap i rig, oun beshas pes koy pre.

Bičepangre 12:10

Douy kope djan le pash kol lourdende pashel, kay yak dan. Oun kolla dikan len gar. Oun yaake van yon pash i baro sasterno voudar. Kova his ko voudar, hoy djas an o foro. Ko voudar djas kokres pre. Yon djan vin, oun van ap o drom. Har djan le i kotar drom, his ap yek kopo ko bolepaskro gar bouder koy.

Bičepangre 12:7

Ap yek kopo his an ko stilepen i zoreli momeli, oun o Debleskro bolepaskro his koy tardo, oun das o Petres an i rig, djangras les pre, oun penas: “Ste sik pre!” Oun kol sasterne shelle peran leskre vastendar tele.

Bičepangre 4:31

Ap yek kopo, har yon o Debles an-mangan, trissas i phoub kote, kay yon his. Oun o Debleskro Dourho vas ap lauterende. Oun yon penan o Debleskro lab, oun kek traash his an lende.

Bičepangre 5:19

An i rati vas i bolepaskro o Deblestar oun kras kol voudya an o stilepen pre, oun anas len vin, oun penas ap lende:

Debleskro tsiro 11:13

Oun ap yek kopo trissas i phoub zoreles. Oun o deshto kotar ko forestar peras khetne. Oun efta zerya (7.000) menshe van maredo. Oun kol vavaren tapras i bari daar, oun yon sharan o Debles, kay an o bolepen hi.

Debleskro tsiro 6:12

Oun me dikom, har o terno bakro i shobti dori pre pandas, hoy ko liil khetne rikras. Koy trissas i phoub zoreles. Oun o kham vas kalo har i kalo gono. Oun o tselo čon vas lolo har o rat.