Bičepangre 16:25 - O Debleskro Lab 2024 (Sinte-Manouche)

²⁵ Deesh-te-douyenge an i rat sharan o Paulo oun o Silas o Debles, oun givan leske i gili. Oun kol vavar stilde shounan kova, har yon givan.

O Debleskro Drom 2021 (Sinte)

²⁵ Deesh-te-dujenge an i rat sharan o Paulo un o Silas o Debles, un giwan leske i gili. Un kol wawar stilde shunan kowa, har jon giwan.

Bičepangre 16:25 Iomraidhean Croise

Hiob 35:10

Oun kek lendar poučell pal o Debleste, kay les kras. Oun yob hi kova, kay krell, te nay givell i mensho gilya an i kali rat.

Debleskri gili 119:55

Rati veh tou mange an o shero, baro Devel, te djap ap tiro drom.

Debleskri gili 119:62

Mashkral an i rat stau me pre, te sharap tout, kay lal tou o čačepen an o vast.

Debleskri gili 22:2

Mo Devel, mo Devel, hoske moukal tou man? Me dau gole ap toute, oun tou veh gar ap miri rig. Hoske ačeh dour mandar?

Debleskri gili 34:1

I gili o Davidestar, hoy yob givas, har yob pash o Abimelek kras, har te vals lo dinelo, oun kova les krik tradas.

Debleskri gili 42:8

Tire panya perenn bari zoryah oun golyah tele. Yek baro pani pal o vavar djal pral mande vergel.

Debleskri gili 50:15

Oun de gole ap mande ap ko dives, kay hal an i bibarht! Palle lau tout vin, oun tou sharess man.”

Debleskri gili 71:7

Ninna te patsenn boud, kay praasal tou man, hal tou mange har i zorelo kheer, kay nay khatrau man.

Debleskri gili 77:2

Me dau gole ap miro Debleste, dau bari gole ap leste. Ava, ap o Debleste dau gole, bis te shounell lo man.

Debleskri gili 77:6

Mange vas o phouro tsiro an o shero, kol bersha, hoy glan i rah tsiro his, stan an mande pre.

Debleskri gili 91:15

Yob dell ap mande gole. Doleske shounau me ap leste, oun hom pash leste, te djal leske gar mishto. Me lau les vin dran i bibarht oun krau les bares.

Jesaja 30:29

T'mer, o Debleskre menshe, givenna gilya, har pash i baro rhapen an i rat, kay sharenn o Debles oun givenn leske. T'mer venn yaake barhtelo, har te djans bashepah pre ap i berga o baro Deblestar, kay ap o Israeleskri rig hi.

Zakarie 3:8

Shoun kanna, Yeshoua, tou baro rashay: Tou oun tire phrala, kay glan toute beshdo hi, t'mer han i sikepen, hoy o baro Devel kamell te krell an o tsiro, hoy vella: Me bičrau miro boudepaskres, kay kharell nevo rouk.

Louka 22:44

Oun o Yezous mangas o Debles zorleder, oun rat nashas leskro sherestar tele ap i phoub, yaake zoreles vas i daar ap leste.

Bičepangre 15:22

O Yezouseskre bičepangre oun i phoureder mank i patslende, khetne i tsele patslentsa rodan morshen mashkral i patslende vin, te djan yon o Pauleha oun o Barnabeha an o foro Antiochia. Kol morsha his o Youdas, koles his ninna ko lab Barsabas, oun o Silas. Kolla his pralstoune morsha mashkral kol patslende.

Bičepangre 16:19

Har lakre raya dikan, kay nashte anas yoy lenge bouder kek love, van le čilačo, oun tapran o Paules oun o Silases. Oun yon anan len an o foro glan i pralstunende.

Bičepangre 16:33

An koy rati thovas o ray pral o stilepen lengro rat tele, oun moukas pes oun peskre tsele menshen te taufrell.

Bičepangre 5:41

Koy djan yon penge i pralstunendar. Oun yon his barhtelo, te hi le o Debleske yaake boud moldo, te rodas lo len vin, te rhan le dava o Yezouseske.

Remarja 12:12

Avenn barhtele oun dikenn ap o lačepen, hoy ap t'mende vella an ko tsiro, hoy vella! Te vell t'maro djipen pharo, rikrenn vin! Mangenn o Debles hako tsiro!

Remarja 5:3

Kova hi gar lauter. Ninna ham barhtelo pral i douka, hoy hounte las mer ap mende. Mer djinah, kol douka krenna, te dikas ap o Debleste.

2. Korintarja 6:10

Menge hi ropaske, oun mer nay sanah. Mer ham čorvelo, oun krah i vavaren bravelo. Men hi či ap kay phoub, oun lauter hi menge.

Efesarja 5:19

Givenn lauter khetne o Debleskre gilya oun save gilya, hoy sharenn o Debles, ninna save gilya, hoy o Debleskro Dourho an t'mende čivella! Givenn oun bashrenn o tselo djiyestar o Yezouseske, maro rayeske!

Filiparja 2:17

Me anom t'men ap o Debleskro drom. Doleske hom me glan leste tardo har i rashay, kay anell leske t'maro patsepen. Ninna te meroms pash miri boudi o Yezous Kristeske, hom me kanna barhtelo t'mentsa khetne pral t'maro patsepen.

Kolossarja 1:24

Oun kanna hom barhtelo an kol douka, hoy anom t'menge ap mande. Yaake har o Yezous Kristo anas douka ap peste i patslenge, yaake hounte anap me ninna douka ap mande i patslenge.

Hebrearja 5:7

Har o Yezous ap i phoub djivas, kras lo lauter, hoy o Devel kamas. Doleske shounas les o Devel. An i daar mangas o Yezous o Debles i ropah oun bari golyah. Yob djinas, kova nay lell les dran o merepen vin.

Jakobo 1:2

Mire phrala, te vell pharo koova ap t'mende, palle dikenn koy pre, har te vell kova i barht t'menge.

Jakobo 5:13

Te hi yekes t'mendar i pharo tsiro, penell lo o Debleske, hoy leske phares hi! Te hi yek barhtelo, givell lo o Debleske gilya!

1. Petro 4:14

Te praasenn le t'men doleske, kay patsenn t'mer ap o Yezous Kristeste, nay venn t'mer barhtelo. Palle nay djinenn: O Debleskro raylo Dourho hi ap t'mende čiddo.