Bičepangre 16:23 - O Debleskro Lab 2024 (Sinte-Manouche)

²³ Pal kova har yon len zoreles dava dan, vitsran le len an o stilepen, oun penan ap o rayeste pral o stilepen: “De mishto yak ap lende!”

O Debleskro Drom 2021 (Sinte)

²³ Pal kowa har jon len soreles dawa dan, witsran le len an o stilepen, un penan ap o rajeste pral o stilepen: “De mishto jak ap lende!”

Bičepangre 16:23 Iomraidhean Croise

Mateo 26:48

O Youdas kras lentsa vin: “Koles, kay čoumrau, kova hi lo. Koles taprenn!”

Louka 21:12

Glan ko tsiro, kay kova lauter vella, lenn yon t'men palla, oun taprenn t'men. Yon anenn t'men glan i čačepangre an i biboldengre kangria oun vitsrenn t'men an o stilepen. T'mer patsenn ap mande. Doleske anenn le t'men glan i bare rayende oun glan i pralstunende, te rakrenn yon i phagi vin pral t'mende.

Bičepangre 12:18

Taysarlake dikan i lourde, kay his o Petro bouder gar an o stilepen oun poučan pendar, hoy leha djas. Oun i bari daar vas ap lende.

Bičepangre 12:4

Har yon les tapran, vitsran le les an o stilepen. Oun o Herodes penas, te denn star kope star lourde yak ap leste. Star lourde dan i paash dives yak ap leste. Oun pal i paash dives dan vavar star lourde yak ap leste. Oun ninna yaake djas kova ratsyakro. Pal kol divessa, kay Passa kharenna, kamas o Herodes les glan i menshende te anell, te dell lo les glan lende i phagi.

Bičepangre 16:27

Har o ray pral o stilepen pre djangras oun dikas, kay kol voudya an o stilepen pre his, patsas lo, kay kol stilde nashan penge. Koy las yob peskro rharo, oun kamas pes te marell.

Bičepangre 16:36

Kova vas pash o Pauleste oun penas leske: “I čačepangre bičran man, te penap t'menge, te han t'mer gar bouder stildo. Avenn vin oun djan t'maro drom. Kek krell t'menge čilačepen!”

Bičepangre 5:18

oun tapran len, oun vitsran len an o stilepen.

Bičepangre 5:23

“Ko stilepen his pandlo, oun kol lourde his glan o voudar tardo. Oun har i lourde menge pre pandan, his kek dren.”

Bičepangre 8:3

O Saulo kras lauter, te nay marell lo i tsele patslen. Yob djas an i khera, las len koy vin, morshen har djouvyen, oun vitsras len an o stilepen.

Bičepangre 9:2

oun mangas kolestar lila, te nay djal lo an i biboldengre kangria an o foro Damaskus, te nay taprell yob kote kolen, morshen har djouvyen, kay ap o Yezouseskro drom djana, te anell lo len an o foro Yerusalem.

2. Korintarja 11:23

Yon penenn, te hi le o Yezous Kristeskre boudepangre. Kanna rakrau har i dinelo: Me hom boudeder har yon leskro boudepaskro. Me boudrom boudeder. Me vom boudeder stildo. Me lom boudeder dava. Man his boudeder o merepen glan i yaka har yon.

2. Korintarja 6:5

Ninna te denn le men dava, te vitsrenn le men an o stilepen, te lenn le men palla, dah mer gar pre. Mer marah men tele, oun della divessa, kay sovah gar oun rhah gar.

Efesarja 3:1

Doleske bičras o Yezous Kristo man, o Paules, pash t'mende, kay kek bibolde han. Dran kova hom me kanna an o stilepen. T'mer shounan, har das man o Devel miri boudi, te penap kolenge, kay kek bibolde hi, har baro leskro lačepen ninna lenge hi.

Efesarja 4:1

Me hom an o stilepen o Yezouseske, maro rayeske, oun mangau t'men o djiyestar, te djivenn t'mer t'maro djipen har save menshe, kolen o Devel peske khetne gole das.

2. Timoteo 2:9

Koleske lau douka ap mande. Yon pandan man an o stilepen, har te voms i marepaskro. Ninna te pandan le man an o stilepen, nay pandenn yon gar o Debleskro lab.

Josua 4:17

Kanna penas o Yosua ap i rashayende: “Avenn vin dran o Yordan!”

Debleskro tsiro 1:9

Me, o Yohanni, hom t'maro phraal an o patsepen ap o Yezouseste. Yob hi miro baro ray, har yob t'maro baro ray hi. Yaake har t'mer venn leske palla lino, vom me ninna leske palla lino, oun dom miro patsepen gar pre. Me penom i menshenge o Debleskro lab, oun sikrom lende o Yezouseskro drom. Doleske vom stildo oun anlo ap ko them Patmos, kay an o baro pani čiddo hi.

Debleskro tsiro 2:10

Ma darenn kol douka, hoy ap t'mende venna! O beng moukell menshen t'mendar an o stilepen te vitsrell, te vell diklo, har zorelo t'maro patsepen ap mande hi. Oun t'mer venn deesh divessa palla lino. Ačenn zoreles an t'maro patsepen ap mande, ninna te marenn le t'men! Palle dau t'men o djipen, hoy ačella. Yaake baro hi t'maro playsepen!