Bičepangre 16:22 - O Debleskro Lab 2024 (Sinte-Manouche)

²² Boud menshe, kay his koy, van čilačo ap o Pauleste oun ap o Silaseste. Oun kol čačepangre moukan lenge i koola tele te tserdell, oun penan, te denn le len i kashtentsa.

O Debleskro Drom 2021 (Sinte)

²² Bud menshe, kai his koi, wan tchilatcho ap o Pauleste un ap o Silaseste. Un kol tchatchepangre mukan lenge i koola tele te tserdell, un penan, te denn le len i kashtentsa.

Bičepangre 16:22 Iomraidhean Croise

Mateo 10:17

Denn yak, hoy i menshe t'mentsa krenna! Yon anenn t'men glan i čačepangre, oun moukenn t'men an lengre kangria i čoupniyah dava te dell.

Mateo 27:26

Palle moukas lo o Barabes dran o stilepen vin. Oun o Yezouses moukas lo i čoupniyah dava te dell, oun das les an i lourdengre vasta, te denn le les ap o troushel.

Louka 12:11

Te anenn i menshe t'men glan i čačepangre oun glan i rayende oun pralstunende, ma darenn, hoy t'mer hounte rakrenna.

Bičepangre 16:37

O Paulo penas ap kol klistende: “Mer ham Remarya. T'mare pralstoune moukan men dava te dell glan i tsele menshende. Yon rakran kek čačepen pral mende vin, oun vitsran men an o stilepen. Oun kanna kamenn yon men čorrhanes dran o stilepen vin te anell. Yaake djal kova gar, har yon kamenna. Kolla čačepangre, kay kran kova, kolla hounte venna pash mende oun hounte anenn men dran o stilepen vin. Kova penenn lenge!”

Bičepangre 17:5

I bibolde, kay gar ap o Yezouseste patsan, zilveran ap o Pauleste oun ap o Silaseste. Oun yon djan ap o drom, rodan čilače morshen, oun lentsa kran le i menshen an ko foro divyo. Oun yon djan pash ko kheer, kay djivas o Yason. Yon patsan, te vans o Paulo oun o Silas pash leste. Oun i bibolde oun i čilače kaman len dran o kheer vin te anell glan i tsele menshende.

Bičepangre 18:12

An ko tsiro, har his o Gallio o pralstouno oun čačepaskro ray pral o them Akaya, čivan pen kol bibolde khetne, oun anan o Paules glan leste,

Bičepangre 5:40

Palle dan yon o Yezouseskre bičepangren gole, dan len dava i čoupniyah, oun dan len trad, te rakrenn le bouder gar o Yezousestar. Oun palle moukan le len te djal.

2. Korintarja 6:5

Ninna te denn le men dava, te vitsrenn le men an o stilepen, te lenn le men palla, dah mer gar pre. Mer marah men tele, oun della divessa, kay sovah gar oun rhah gar.

1. Tessalonikarja 2:2

Glan ko tsiro, kay vam pash t'mende, hams an o foro Filipi. Ninna te vam kote palla lino oun dino, har t'mer djinenn, djam pal kova pash t'mende an o foro Tessalonika. O Devel das men i zoor, te penas t'menge o Debleskro lačo lab, ninna te his pash t'mende boud menshe, kay kran menge o djipen phares.

Hebrearja 11:36

Vavar van praasedo, oun van i čoupniyah dino. Vavar van i sasterne shellentsa pandlo, oun an o stilepen vitsedo.

1. Petro 2:24

O čilačepen, hoy mer kram, las o Yezous Kristo ap peste, oun hidjras les ap o troushel. Har yob menge meras, hi kova yaake, har te meram mer leha. Kanna hi o čilačepen an mende moulo. Oun mer djivah nay i lačo oun čačo djipen. Kol douka, hoy o Yezous ap peste las, kran maro djipen sasto.