Bičepangre 16:16 - O Debleskro Lab 2024 (Sinte-Manouche)

¹⁶ Yek dives, har mer djam pale pash o pani, kay yon mangan o Debles an, tapram mer i rakli, an kolate his i beng, kova das lat o dourkepen. Lakro dourkepah anas li lakre rayenge boud love dren.

O Debleskro Drom 2021 (Sinte)

¹⁶ Jek diwes, har mer djam pale pash o pani, kai jon mangan o Debles an, tapram mer i rakli, an kolate his i beng, kowa das lat o durkepen. Lakro durkepah anas li lakre rajenge bud lowe dren.

Bičepangre 16:16 Iomraidhean Croise

2. Rajengro liil 21:6

Oun yob moukas peskro čaves an i yag te djal oun shounas ap čirklengre golya oun vavar sikepen, oun rikras peske dravepangre oun save menshen, kay i moulen poučan. Yaake kras lo boud koova, hoy čilačo hi glan o baro Debleskre yaka, te rhoyrell lo les.

1. Familjakro liil 10:13

O Saul meras doleske, kay yob gar kras, hoy o baro Devel leske penas, oun kay yob pash koy djouvyate djas, kay i moulentsa rakras, oun lat poučas.

Jesaja 8:19

Nay vell, te penenn i menshe t'menge: “Poučenn kolen, kay i moulentsa rakrenn, oun poučenn i dravepangren, kolla, kay rakrenn lokes glan pende.” Ap kolende penenn: “Hounte poučenn gar i menshe pengro debles? Poučenn le i moulen i djidenge?”

3. Mose 19:31

Ma djan pash i dourkepangre oun pash kolende, kay i moulen poučenn! Ma rodenn saven pre, te krenn t'men gar pale-čiddo ap lende. Me, o baro Devel, hom t'maro Devel.

3. Mose 20:27

Hako morsh oun haki djouvel, kay dourkrell oder poučell i moulen, hounte hidjrell peskri phagi oun merell. T'mer hounte vitsrenn len moulo i barrentsa.

3. Mose 20:6

Miri rholi vell ninna ap koleste, kay djal pash i dourkepangre oun pash kolende, kay i moulen poučenn, te poučell lo lendar, hoy te krell lo. Me moukau les bouder gar mank peskre menshende te djivell.

Bičepangre 16:13

Ap o Debleskro dives djam mer vin glan o foro pash o pani. Mer patsam, te venn pash o pani menshe khetne, kay mangenn kote o Debles an. Koy besham men tele, oun rakram kolla djouvyentsa, kay kote van.

Bičepangre 16:18

Kova das li gole hako dives. O Paulo vas rhoyedo, oun rissras pes trouyel, oun penas ap ko bengeste, kay hi an late: “Me penau touke an o Yezous Kristeskro lab: Dja dran late vin!” Koy djas o beng dran kay rakli vin.

Bičepangre 16:19

Har lakre raya dikan, kay nashte anas yoy lenge bouder kek love, van le čilačo, oun tapran o Paules oun o Silases. Oun yon anan len an o foro glan i pralstunende.

Bičepangre 19:24

Koy his i morsh, kova kharas Demetrio. Kova kras tikne roupene khera, hoy vi-dikan har o kheer, kay mangan i menshe i debletsa an, kay Artemis kharella. O Demetrio anas peske oun peskre boudepangre boud love dren.

Galatarja 5:20

Yon mangenn vavar koova an har o Debles. Yon dourkrenna. Yon kourenn pen oun čingrenn pen. Yon zilverenna, oun len hi rholi ap i vavarende. Yon dikenn ap pende kokres, te djal lenge mishto, oun dikenn gar ap i vavarende, te djal lenge ninna mishto. Yon moukenn pengre phralen oun djan vavarentsa khetne.

1. Timoteo 6:10

Koon pal i love hi, perell an hako čilačepen. His menshe koy, kay kaman i love yaake boud, kay peran le o Debleskro dromestar tele, oun doukran pen kokres.

2. Timoteo 3:8

Glan rah tsiro shounan o Yannes oun o Yambres gar ap o Moseste. Yaake shounenn kol menshe vitar gar ap o čačepen. Yon hi nasselo an o shero, oun lengro patsepen hi či moldo.

2. Petro 2:3

Kol rhorhene sikepangre kamenn t'men rhorhene labentsa ap pengri rig te anell, te lenn le love t'mendar. O Debleskri rholi vell čačepah pral lende, oun lengri bibarht vella sik.

1. Samuel 28:3

Oun o Samuel meras. Oun i tsele Israelitarya van khetne oun rovan pral leste. Oun palle paskran le les an peskro foro Rama. Glan kava tsiro tradas o Saul i dravepangren oun kolen, kay poučenn i moulen, dran o them vin.

1. Samuel 28:7

Kote penas o Saul ap peskre boudepangre: “Rodenn mange i djouvel, kay i moulen poučell. Kamau te djap koy, te nay poučap latar!” Oun leskre boudepangre penan ap leste: “Dik, an o foro En-Dor hi i djouvel, kay i moulen poučell.”