Bičepangre 16:12 - O Debleskro Lab 2024 (Sinte-Manouche)

¹² Palle ouleram doureder an o foro Filipi. Kova hi i foro an ko them Macedonia. Kote djivan boud Remarya. Mer ačam i tsiro an ko foro.

O Debleskro Drom 2021 (Sinte)

¹² Palle uleram dureder an o foro Filipi. Kowa hi i foro an ko them Macedonia. Kote djiwan bud Remarja. Mer atcham i tsiro an ko foro.

Bičepangre 16:12 Iomraidhean Croise

Bičepangre 16:10

Koy pre rodam mer sik i shiffo, kay lell men peha an o them Macedonia. Mer djinam, kay das men o Devel gole, te penas kote i menshenge o lačo lab o Yezous Kristestar.

Bičepangre 16:21

oun penenn menge, te rikras ap save laba, hoy mer nay krah gar. Mer ham Remarya.”

Bičepangre 16:9

Koy dikas o Paulo an i souni i morshes dran o them Macedonia. Kova mangas les oun penas: “Am vergel an o them Macedonia, oun pen menge o Debleskro lab!”

Bičepangre 18:5

Har o Silas oun o Timoteo dran o them Macedonia van, čivas o Paulo peskri boudi ap i rig, te nay penell lo i menshenge o Debleskro lab. An o Debleskro lab sikras lo i biboldende, kay o Yezous ko baro ray hi, koles o Devel bičras.

Bičepangre 19:21

Pal kava koova kamas o Paulo pral i themma Macedonia oun Akaya an o foro Yerusalem te djal, oun penas: “Oun pal kova hounte dikap me o foro Rom ninna.”

Bičepangre 19:29

Oun i tsele menshe an kava foro van divyo. Oun yon tapran kol douy morshen, o Gayes oun o Aristarkes, kay van o Pauleha dran o them Macedonia. Oun lauter khetne nashan le an o khelepaskro kheer oun tserdan kol douy morshen zoryah peha.

Bičepangre 20:1

Har i menshe bouder gar divyo his, das o Paulo i patslen pash peste gole, oun das len zoor an lengro patsepen. Palle penas lo lenge: “Ačenn o Debleha!” oun djas peske, te djal lo an o them Macedonia.

Bičepangre 20:3

Har yob triin čon an kava them his, kamas lo ap o shiffo an o them Syria te oulerell. Koy shounas lo, kay kamenn i bibolde les te marell. Doleske djas lo pale pale an o them Macedonia.

Bičepangre 20:6

Har i divessa trouyel his, kay i bibolde kek shoutlo maro rhan, ouleram mer ap o shiffo dran o foro Filipi vin, oun vam pal panč divessa an o foro Troas. Kote ačam efta divessa.

Bičepangre 27:2

Mer djam ap o shiffo. Kova vas dran o foro Adramitsyon oun ouleras an kol forya, kay pash o pani an o them Asia čiddo hi. Mentsa vas ninna i morsh dran o foro Tessalonika. Leskro lab his Aristarko.

Filiparja 1:1

Mer, o Paulo oun o Timoteo, činah kava liil. Mer boudrah o Yezous Kristeske, oun činah kava liil ap lauterende, kolen o Devel vin gole das an o foro Filipi, te patsenn le ap o Yezous Kristeste. Kava liil hi ninna i pralstunenge, kay denn garda ap i patslende, ninna kolenge, kay krenn o Debleskri boudi mashkral i patslende.

Filiparja 1:5

T'mer boudran mantsa khetne, har mer sikram i menshende o Yezouseskro drom. Kova kran t'mer, har patslo van, oun moukan gar tele bis kava dives.

1. Tessalonikarja 2:2

Glan ko tsiro, kay vam pash t'mende, hams an o foro Filipi. Ninna te vam kote palla lino oun dino, har t'mer djinenn, djam pal kova pash t'mende an o foro Tessalonika. O Devel das men i zoor, te penas t'menge o Debleskro lačo lab, ninna te his pash t'mende boud menshe, kay kran menge o djipen phares.