Bičepangre 15:7 - O Debleskro Lab 2024 (Sinte-Manouche)

⁷ Har yon pen i rah tsiro čingran, stas o Petro pre, oun penas: “Mire phrala, t'mer djinenna, kay o Devel rodas man glan rah tsiro vin, oun kamas, te penap me o lačo lab o Yezous Kristestar kolenge, kay kek bibolde hi. Oun kolla shounan oun patsan.

O Debleskro Drom 2021 (Sinte)

⁷ Har jon pen i rah tsiro tchingran, stas o Petro pre, un penas: “Mire phrala, tumer djinenna, kai o Dewel rodas man glan rah tsiro win, un kamas, te penap me o latcho lab o Jesus Kristestar kolenge, kai kek bibolde hi. Un kolla shunan un patsan.

Bičepangre 15:7 Iomraidhean Croise

2. Mose 4:12

Oun kanna dja pash lende! Me kamau tiro mouy te vell, oun kamau touke lauter sikrell, hoy tou lenge te peness!”

Jeremia 1:9

Oun o baro Devel čivas peskro vast ap miro mouy, oun penas ap mande: Dik, me čivau mire laba an tiro mouy.

Johanni 15:16

T'mer rodan man gar vin. Me rodom t'men vin, te djivenn yaake, te vell dran t'maro djipen lačo koova, hoy ačella. Oun o dad dell t'men halauter, hoy mangenn lestar an miro lab.”

Johanni 3:27

Koy penas o Yohanni ap lende: “Kek nay lell čomone, te das les o Devel kova gar.

Bičepangre 1:16

Mire phrala, kova, hoy an o Debleskro lab pral o Youdas činlo hi, hounte vas yaake. Glan rah tsiro penas o Debleskro Dourho o Davideske kova, hoy vella pral o Youdaseste. O Youdas sikras o drom kolende, kay tapran o Yezouses.

Bičepangre 1:24

Palle mangan yon o Debles oun penan: “Ray, tou prindjreh i tsele menshengre djia. Sike mende, kones tou kol douyendar vin rodal,

Bičepangre 10:19

Har djas o Petreske kova an o shero trouyel, hoy yob dikas, koy penas o Debleskro Dourho ap leste: “Dik, triin morsha rodenn tout.

Bičepangre 10:20

Ste pre, dja tele, oun dja lentsa! Pats, hoy yon touke penenn! Me bičrom len.”

Bičepangre 13:2

His i dives, kay sharan le o Debles oun rhan či, te venn le leske feteder koy. Koy penas lenge o Debleskro Dourho: “Bičrenn o Barnabes oun o Saules vin, te krenn le koy boudi, hoy me len dau. Me dom len gole, te krenn le kova.”

Bičepangre 15:14

O Simon ginas menge dren, hoy o Devel lauter kras, te venn ninna kolla, kay kek bibolde hi, leskre menshe, oun te venn le leske koy.

Bičepangre 15:2

Har o Paulo oun o Barnabas kova shounan, penan le kol morshenge: “Hi gar čačo, hoy t'mer i patslenge penan!” Koy his len i baro čingepen lentsa. Koy pre penan lenge i phrala, te djan yon douy i vavar phralentsa an o foro Yerusalem pash o Yezouseskre bičepangre oun pash i phoureder mank i patslende, te poučenn le lendar, hoy yon pral kova penenna.

Bičepangre 15:39

Oun kote čingran pen o Paulo oun o Barnabas pral o Markeste yaake, kay djas hakeno peskro drom. O Barnabas las o Markes peha, oun yon ouleran ap o shiffo an o them Ciprus.

Bičepangre 20:24

Me dau či bouder ap miro djipen. Yek koova kamau me an miro djipen te krell: Me kamau koy boudi te krell, hoy das man maro ray Yezous: Yob penas mange, te penap i menshenge, har lačo o Devel lenge hi, oun har kras yob i drom, te nay venn le pash leste.

Bičepangre 21:16

Mentsa djan ninna patsle dran o foro Cesarea. Yon anan men pash o Menason. Kova his i patslo, kay vas dran o them Ciprus, oun vas glan o rah tsiro patslo. Pash leste ačam nay i tsiro.

Bičepangre 3:18

Lauter vas yaake, har o Devel kova penas. Leskre rakepangre penan glan i rah tsiro, kay hounte merell ko baro ray, kolestar o Devel penas, te vell yob oun lell i menshen dran o čilačepen vin.

Bičepangre 4:25

O Debleskro Dourho rakras dran o Davideskro mouy: Hoske hi i menshe ap kay phoub čilačo? Hoske krenn yon kova, hoy čičeske hi?

Bičepangre 9:15

Penas o ray Yezous leske: “Dja pash leste! Me rodom koles vin, te vell yob mange koy, te djal lo pash kolende, kay kek bibolde hi, pash lengre bare rayende, oun pash kol tsele biboldende, te penell lo lenge mandar.

Filiparja 2:14

Lauter kova, hoy t'mer krenna, krenn les i barhtelo djiyestar, oun čingrenn gar!