Bičepangre 15:36 - O Debleskro Lab 2024 (Sinte-Manouche)

³⁶ Pal yek tsiro penas o Paulo ap o Barnabeste: “Djas pale pale an kol tsele forya, kay mer o Debleskro lab i menshenge penam! Dikas pal mare phralende an i vavar themma, har lenge djala!”

O Debleskro Drom 2021 (Sinte)

³⁶ Pal jek tsiro penas o Paulo ap o Barnabeste: “Djas pale pale an kol tsele forja, kai mer o Debleskro lab i menshenge penam! Dikas pal mare phralende an i wawar themma, har lenge djala!”

Bičepangre 15:36 Iomraidhean Croise

Ester 2:11

Oun o Mordekay djas hako dives glan ko djouvyengro kheer pre te tele, te nay hatsell lo vin, har i Esterake djal, oun hoy yon lah krenn.

2. Mose 4:18

Oun palle djas o Mose pash peskro romyakro dadeste, o Yetro, pale, oun penas leske: “Me kamau pale an o them Egiptia pash mire menshende te djal, te dikap, te hi le djido!” Oun o Yetro penas ap o Moseste: “Dja o Debleha!”

Jeremia 23:2

Doleske penell o baro Devel, ko Devel pral o Israel, ap i pralstunende, kay hounte dans garda ap leskre menshende: T'mer rikran mire menshen gar khetne. Yon hi har bakre, kay van kate te kote tradedo. T'mer dan gar garda ap lende. Kanna dau me garda, te lenn t'mer t'mari phagi ko čilačepaske, hoy kran.

Mateo 25:36

Man his kek ripen ap mande. Oun t'mer dan man i ripen. Me homs nasselo. Oun t'mer van pash mande. Me homs an o stilepen. Oun t'mer van ninna pash mande.

Mateo 25:43

Me homs kek t'mendar. Oun t'mer lan man gar an t'mare khera dren. Man his kek ripen, oun t'mer dan man kek. Me homs nasselo oun stildo, oun t'mer van gar pash mande.

Bičepangre 13:12

Har ko pralstouno kova dikas, vas yob patslo, oun kras bare yaka pral kova, hoy yob pral o ray Yezouseste shounas.

Bičepangre 13:4

O Debleskro Dourho bičras o Barnabes oun o Saules an o foro Seleucia. Oun palle ouleran le ap o shiffo an o them Ciprus.

Bičepangre 13:51

Oun o Paulo oun o Barnabas dan koy čik pengre pirendar tele, te djinan kolla an ko foro, havo djoungelo koova yon kran. Oun pal kova djan o Paulo oun o Barnabas an o foro Ikonion.

Bičepangre 14:1

An o foro Ikonion djas o Paulo oun o Barnabas pale an i biboldengri kangri, oun penan i menshenge o Debleskro lab yaake, kay van boud bibolde patslo, ninna boud vavar, kay kek bibolde hi.

Bičepangre 14:21

An ko foro penan le o lačo lab o Yezous Kristestar, oun boud menshe van patslo. Palle djan yon pale an kol forya Listra, Ikonion oun Antiochia,

Bičepangre 14:6

Har o Paulo oun o Barnabas kova hayvan, nashan le penge an o them Likaonia, an kol forya Listra oun Derbe.

Bičepangre 7:23

Har o Mose star-deesh bersha phouro his, kamas lo pal peskre menshende, i Israelitarya, te dikell. Oun yob djas kote, kay boudran le.

Remarja 1:11

O tselo djiyeha kamau t'men te dikell, te nay sikrap t'mende, hoy o Debleskro Dourho mande sikras, te krap t'maro patsepen zoreles.

2. Korintarja 11:28

Me nay penoms gomme boudeder: Hako dives vell nevo koova ap mande. Oun miro dji doukella, te djinau gar, har kova kote hi, kay i patsle khetne venna.

Filiparja 1:27

Kanna, krenn lauter, te djan yaake ap o Yezouseskro drom, har kova t'mende siklo vas! Krenn kova ninna, te hom gar pash t'mende! Te dikau t'men gar, kamaus te shounap, te rikrenn t'mer lauter khetne an o patsepen, oun te krenn i tseli zoryah lauter, te vell o patsepen ap o Yezous Kristeste zorelo pash t'mende.

1. Tessalonikarja 3:6

Kanna vas o Timoteo pale, oun penas lačo koova pral t'maro patsepen oun kamlepen. Lestar djinah, mer ham hako tsiro an t'maro dji. Oun t'mer kamenn men pale te dikell, yaake har kamah mer t'men pale te dikell.

2. Timoteo 1:4

Me bistrau nay gar, har tou glan mande roval, oun dikau tout yaake glan mande. Doleske kamau me tout o tselo djiyeha pale te dikell, te vap barhtelo.