Bičepangre 15:28 - O Debleskro Lab 2024 (Sinte-Manouche)

²⁸ O Debleskro Dourho oun mer kamah gar t'maro djipen phares te krell. Mer penah t'menge či vavar har kava:

O Debleskro Drom 2021 (Sinte)

²⁸ O Debleskro Ducho un mer kamah gar tumaro djipen phares te krell. Mer penah tumenge tchi wawar har kawa:

Bičepangre 15:28 Iomraidhean Croise

Mateo 11:30

Kova, hoy me t'menge penaua, hi t'menge lačo. Oun t'mer hounte marenn t'men gar tele.

Mateo 23:4

Oun yon krenn i menshenge o djipen pharo. Ko tselo koova, hoy kolla hounte rikrenn, hi har i pharo gono ap lengri phik. I čačepangre oun i Farisarya kokres rikrenn pen gar ap kova.

Johanni 16:13

Te vell o Debleskro Dourho, kay o čačepen an leste hi, sikrell lo t'mende o tselo čačepen. Yob rakrell gar dran peste. Hoy yob shounella, kova rakrell yob. Oun hoy vella, penell yob t'menge glan-vi.

Bičepangre 15:19

“Doleske penau me” penas o Yakobo, “mer hounte čivas gar o biboldengro čačepen ap i patslende, kay kek bibolde hi, te krenn le lauter yaake, har i bibolde krenna.

Bičepangre 15:25

Doleske vam mer khetne, oun penam yek djiyeha: Mer rodah morshen vin, oun bičrah len pash t'mende. Lentsa venn ninna mare lače phrala, o Paulo oun o Barnabas.

Bičepangre 15:8

O Devel, kay prindjrell i menshengre djia, sikras mende, kay das yob ninna kolen o Debleskro Dourho, kay kek bibolde hi.

Bičepangre 16:4

An kol forya, kay yon van, dan yon i phralen ko liil, kay dren činlo hi, hoy o Yezouseskre bičepangre oun i phoureder mank i patslende an o foro Yerusalem vin kran. Oun yon penan lenge, te rikrenn le pen ap kol laba.

Bičepangre 5:32

Kova dikam mer oun penah nay t'menge, oun o Debleskro Dourho ninna. Koles dell o Devel kolende, kay shounenn ap leste.”

1. Korintarja 14:37

Te patsell yek t'mendar, kay o Devel rakrell leha, oun kay o Debleskro Dourho les o Debleskro koova sikrell, yaake hayvell yob, te hi kava gar mandar, hoy me kate činau. Kava hi o Deblestar.

1. Korintarja 7:25

Pral kol ternende, kay gar romedino hi, hi man kek lab, hoy maro ray Yezous mange penas. Me penau, har me kova dikau. Oun maro ray Yezous his yaake kamlo ap mande oun kras dran mande i morsh, ap koleste i menshe shounenna. Doleske nay patsenn man.

1. Korintarja 7:40

Yoy hi barhtleder, patsau me, te ačell yoy peske kokres oun romedinerell gar. Yaake dikau me kova. Oun man hi ninna o Debleskro Dourho.

1. Tessalonikarja 4:8

Koon kamell kol laba gar te shounell, kova čivell o Debles ap i rig, oun gar i menshes. Oun o Devel hi kova, kay das peskro Dourho an t'mende.

1. Petro 1:12

Kol Debleskre rakepangre hayvan, kay kova gar lenge kokres hi, hoy len o Devel sikras. Kova hi t'menge, kay kanna djivenna. T'menge vas o lačo lab o Yezous Kristestar penlo. Kolla, kay penan les t'menge, rakran kova, hoy penas lenge o Debleskro Dourho. Koles bičras o Devel dran o bolepen. Ninna i bolepangre kamenn o Yezouseskro raylepen te dikell.

Debleskro tsiro 2:24

T'mer vavar patsle an o foro Tiatira, kay gar pal kol rhorhene laba djivan, oun ko bengeskro drom gar prindjrenna, ap t'mende penau me: Me penau t'menge či vavar koova, hoy t'mer hounte krenna,