Bičepangre 15:22 - O Debleskro Lab 2024 (Sinte-Manouche)

²² O Yezouseskre bičepangre oun i phoureder mank i patslende, khetne i tsele patslentsa rodan morshen mashkral i patslende vin, te djan yon o Pauleha oun o Barnabeha an o foro Antiochia. Kol morsha his o Youdas, koles his ninna ko lab Barsabas, oun o Silas. Kolla his pralstoune morsha mashkral kol patslende.

O Debleskro Drom 2021 (Sinte)

²² O Jesuseskre bitchepangre un i phureder mank i patslende, khetne i tsele patslentsa rodan murshen mashkral i patslende win, te djan jon o Pauleha un o Barnabeha an o foro Antiochia. Kol mursha his o Judas, koles his ninna ko lab Barsabas, un o Silas. Kolla his pralstune mursha mashkral kol patslende.

Bičepangre 15:22 Iomraidhean Croise

2. Samuel 3:36

I tsele menshe shounan kova. Oun kova his mishto an lengre yaka, har ninna lauter mishto his an lengre yaka, hoy o baro ray kras.

2. Familjakro liil 30:12

Oun o Debleskro vast his pral o them Youda, te kran le yek djiyeha, hoy o baro ray oun i pralstoune lenge penan, oun hoy o baro Devel lendar kamella.

2. Familjakro liil 30:4

Doleske patsan o baro ray oun i tsele menshe, kay kote khetne his, kay kova mishto hi, te rikrenn le o Passa an o douyto čon.

Bičepangre 1:23

Oun yon rodan douy morshen vin: o Matias oun o Yosef, koles dan le ninna Barsabas oun Yusto gole.

Bičepangre 11:19

An ko tsiro, kay o Stefano maredo vas, van i patsle palla lino. Kolla nashan dran o foro Yerusalem, oun djan an i themma Fenicia oun Ciprus, oun an o foro Antiochia. Oun yon penan kote kokres i biboldenge o Debleskro lab, oun kek vavarenge.

Bičepangre 11:20

Mashkral kol patslende his ninna morsha dran Ciprus oun Kirene. Kolla van an o foro Antiochia, oun penan ninna kolenge, kay kek bibolde hi, o lačo lab o ray Yezousestar.

Bičepangre 11:22

Oun i patsle an o foro Yerusalem shounan kova, oun bičran o Barnabes an o foro Antiochia.

Bičepangre 11:27

An kol divessa van Debleskre rakepangre dran o Yerusalem an o foro Antiochia.

Bičepangre 15:23

An ko liil, hoy yon peha lan, his činlo: “Kava liil činan o Yezouseskre bičepangre oun i phoureder mank i patslende. Mer ham t'mare phrala oun činah kava liil ap i patslende, kay kek bibolde hi, oun kay djivenna an kol themma Antiochia, Syria oun Cilicia.

Bičepangre 15:25

Doleske vam mer khetne, oun penam yek djiyeha: Mer rodah morshen vin, oun bičrah len pash t'mende. Lentsa venn ninna mare lače phrala, o Paulo oun o Barnabas.

Bičepangre 15:27

Kol douy morshen, kay bičram kanna pash t'mende, o Youdas oun o Silas, kolla penenn t'menge kol emlige laba, hoy mer činam:

Bičepangre 15:3

Oun i phrala penan ap o Pauleste oun ap o Barnabeste: “Djan o Debleha!” Oun kol douy kran pen ap o drom oun van an i themma Fenicia oun Samaria. Oun kote penan le i menshenge, har kolla, kay kek bibolde hi, patslo van. Koy pral van i tsele patsle barhtelo.

Bičepangre 15:30

Koy djan le an o foro Antiochia, lan i patslen khetne, oun dan len ko liil.

Bičepangre 15:32

O Youdas oun o Silas his o Debleskre rakepangre. Yon rakran kol patslentsa, oun mangan len, te ačenn le an o patsepen. Oun lengre labentsa dan yon len zoor, te djan yon doureder ap o Yezouseskro drom.

Bičepangre 15:40

O Paulo rodas peske o Silases vin, oun djas peske leha. Oun kol patsle penan lenge: “O Devel djal t'mentsa!”

Bičepangre 16:19

Har lakre raya dikan, kay nashte anas yoy lenge bouder kek love, van le čilačo, oun tapran o Paules oun o Silases. Oun yon anan len an o foro glan i pralstunende.

Bičepangre 16:25

Deesh-te-douyenge an i rat sharan o Paulo oun o Silas o Debles, oun givan leske i gili. Oun kol vavar stilde shounan kova, har yon givan.

Bičepangre 16:29

Oun o ray pral o stilepen mangas i momeli, oun djas sik pash i stilde. Yob trissas oun moukas pes glan o Pauleste oun o Silaseste tele te perell.

Bičepangre 17:10

An koy rat bičran kol patsle o Paules oun o Silases an o foro Berea. Har yon koy van, djan yon an i biboldengri kangri.

Bičepangre 17:14

Koy bičran kol patsle o Paules sik doureder pash o baro pani. O Silas oun o Timoteo ačan an o foro Berea.

Bičepangre 17:4

Mank i biboldende his save, kay patsan kova, hoy o Paulo lenge penas. Oun yon rikran pen ap i rig o Paulestar oun o Silasestar. Ninna boud, boud griche, kay lan o biboldengro patsepen an, patsan kova, hoy o Paulo penas. Mank lende his ninna boud an-dikle djouvya.

Bičepangre 18:5

Har o Silas oun o Timoteo dran o them Macedonia van, čivas o Paulo peskri boudi ap i rig, te nay penell lo i menshenge o Debleskro lab. An o Debleskro lab sikras lo i biboldende, kay o Yezous ko baro ray hi, koles o Devel bičras.

Bičepangre 8:14

Oun kol Yezouseskre bičepangre an o foro Yerusalem shounan, kay kol menshe an o them Samaria patslo van. Oun yon bičran o Petres oun o Yohannes pash lende.

2. Korintarja 1:19

O Debleskro čavo, o Yezous Kristo, kolestar o Silvano, o Timoteo oun me t'menge penam, yob rikras ninna peskre laba. Lauter hi čačo, hoy yob penas.

1. Tessalonikarja 1:1

Mer, o Paulo, o Silvano oun o Timoteo, činah kava liil ap t'mende, kol patslende, kay venna khetne an o foro Tessalonika. T'mer patsenn ap o Debleste, maro dadeste, oun ap maro rayeste, o Yezous Kristeste. Lačepen oun barht t'menge!

2. Tessalonikarja 1:1

Mer, o Paulo, o Silvano oun o Timoteo, činah kava liil ap t'mende, kol patslende, kay venna khetne an o foro Tessalonika. T'mer patsenn ap o Debleste, maro dadeste, oun ap maro rayeste, o Yezous Kristeste.

1. Petro 5:12

Maro lačo phraal, o Silvano, vas mange ap i rig, te činell lo kava tikno liil. An kava liil kamoms te penap t'menge an o dji, te djinenn čačepah: O Devel hi t'menge lačo. Ačenn pash leste!